Indian Railway New Record: ସ୍ୱଦେଶ ପରେ ଏବେ ବିଦେଶରେ ଚହଳ ସୃଷ୍ଟି କରୁଛି ଭାରତୀୟ ଜ୍ଞାନକୌଶଳରେ ନିର୍ମିତ ରେଳ ଇଞ୍ଜିନ। ଏହି ଇଞ୍ଜିନ "ମେକ୍ ଇନ୍ ଇଣ୍ଡିଆ" (Make in India), "ମେକ୍ ଫର୍ ଦି ୱାର୍ଲ୍ଡ" (Make for World) ଅଧିନରେ ଭାରତରେ ନିର୍ମିତ ରେଳ ଇଞ୍ଜିନ ମୋଜାମ୍ବିକରେ ପହଞ୍ଚିଛି। ଭାରତ ଏପର୍ଯ୍ୟନ୍ତ ଏହି ଆଫ୍ରିକୀୟ ଦେଶକୁ ଦଶଟି ରେଳ ଇଞ୍ଜିନ ପଠାଇ ସାରିଛି। ଶେଷ ବ୍ୟାଚ୍ ବର୍ତ୍ତମାନ ମାପୁଟୋ ଠାରେ ପହଞ୍ଚିଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ରେଳ ଇଞ୍ଜିନ୍ ଉତ୍ତର ପ୍ରଦେଶର ବାରାଣସୀରେ ନିର୍ମିତ ହୋଇଥିଲା। ବନାରସ ରେଳ ଇଞ୍ଜିନ କାରଖାନା ସାରା ବିଶ୍ୱରେ "ମେକ୍ ଇନ୍ ଇଣ୍ଡିଆ" ଅଧିନରେ ଏହାର ଶକ୍ତି ପ୍ରଦର୍ଶନ କରୁଛି। ଭାରତରେ ନିର୍ମିତ ଅତ୍ୟାଧୁନିକ ଏବଂ ଶକ୍ତିଶାଳୀ ଇଞ୍ଜିନ ଏବେ ବିଦେଶୀ ରେଳ ଧାରଣାରେ ସ୍ୱଦେଶୀ ଭାରତୀୟ ଇଞ୍ଜିନିୟରିଂ ଦକ୍ଷତାକୁ ପ୍ରଦର୍ଶିତ କରିବ।

ଫଟୋ ସେୟାର କଲା ଭାରତୀୟ ରେଳ
ରେଳ ମନ୍ତ୍ରଣାଳୟ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏହି ଫଟୋ ସେୟାର କରି ଏହାର କ୍ୟାପସନ୍ " Make in India, Make for World" ଲେଖିଛି। ବନାରସ ରେଳ ଇଞ୍ଜିନ କାରଖାନାରେ ନିର୍ମିତ ଦୁଇଟି ୩୦୦୦ ବର୍ଷ ପାୱାର (hp) ବିଶିଷ୍ଟ ଇଞ୍ଜିନର ଅନ୍ତିମ ବ୍ୟାଚ୍ ମାପୁଟୋରେ ପହଞ୍ଚିବା ସହିତ ଭାରତୀ, ମୋଜାମ୍ବିକକୁ ମୋଟ ୧୦ ରେଳ ଇଞ୍ଜିନ୍ ଯୋଗାଣ ସାରିଛି। ଯାହା ବିଶ୍ୱ ରେଳ ଉତ୍ପାଦ ନିର୍ମାଣରେ ଭାରତୀୟ କ୍ଷମତା ପ୍ରଦର୍ଶନ କରୁଛି। ପୂର୍ବରୁ ଗତ ୨୦୨୧ ମାର୍ଚ୍ଚ ୧୧ ତାରିଖରେ ତତ୍କାଳୀନ ରେଳମନ୍ତ୍ରୀ ପୀୟୁଷ ଗୋୟଲ ମୋଜାମ୍ବିକକୁ ରପ୍ତାନି ପାଇଁ ୩୦୦୦ ଏଚପି କେପ୍ ଗଜ୍ ରେଳ ଇଞ୍ଜିନକୁ ପତାକା ଦେଖାଇ ଶୁଭାରମ୍ଭ କରିଥିଲେ।

Make in India, Make for the World 🚆🌍

With the final batch of two 3,300 HP locomotives manufactured at Banaras Locomotive Works (BLW) reaching Maputo, Indian Railways completes the supply of a total of 10 locomotives to Mozambique—showcasing India’s strength in global rail… pic.twitter.com/kp0WRNn4JL

— Ministry of Railways (@RailMinIndia) April 20, 2026

ଗତ ବର୍ଷ ଇତିହାସ ରଚିଥିଲ ବନାରସ ରେଳ ଇଞ୍ଜିନ୍ କାରଖାନା
ଗତ ବର୍ଷ ୧୯ ଜୁଲାଇରେ ବନାରସ ରେଳ ଇଞ୍ଜିନ କାରଖାନା ଇତିହାସ ରଚିଥିଲା। ଏହି ଦିନ କାରଖାନା ଏହାର ୨୫୦୦ତମ ବୈଦ୍ୟୁତିକ ଇଞ୍ଜିନ୍ ଦେଶକୁ ଉତ୍ସର୍ଗ କରିଥିଲା। ଜେନେରାଲ ମ୍ୟାନେଜର ନରେଶପାଲ ସିଂହ ଅଧିକାରୀ ଏବଂ କର୍ମଚାରୀଙ୍କ ଉପସ୍ଥିତିରେ ୬୦୦୦ hp WAP-7 ଶ୍ରେଣୀର ଇଞ୍ଜିନକୁ ପତାକା ଦେଖାଇ ଶୁଭାରମ୍ଭ କରିଥିଲେ।

ଏହି ସମାରୋହ ଭାରତୀୟ ରେଳବାଇର ଆଧୁନିକୀକରଣ ଏବଂ ଆତ୍ମନିର୍ଭରଶୀଳତା ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ଭାବରେ ଚିହ୍ନିତ ହୋଇଥିଲା। ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଏବଂ ସ୍ୱଦେଶୀ ଉଦ୍ଭାବନ ସହିତ ନିର୍ମିତ ୨୫୦୦ ତମ ବୈଦ୍ୟୁତିକ ଇଞ୍ଜିନ, ବନାରସ ରେଳ ଇଞ୍ଜନ କାରଖାନାର ଦ୍ରୁତ ଗତିରେ ସେବା ପ୍ରଦାନ କରିବାର କ୍ଷମତା ପ୍ରଦର୍ଶନ କରିଥିଲା। ମାତ୍ର ୮ ବର୍ଷ ମଧ୍ୟରେ ଏହି ସଫଳତା ହାସଲ କରିବା ଭାରତୀୟ ରେଳବାଇ ଦ୍ୱାରା ହେଉଥିବା ଉତ୍ପାଦନ ଇତିହାସରେ ଏକ ରେକର୍ଡ।

ପ୍ରତିଷ୍ଠା ହେବା ପର ଠାରୁ ବନାରସ ରେଳ କାରଖାନା ମୋଟ ୧୦,୮୨୨ ଇଞ୍ଜିନ ନିର୍ମାଣ କରିସାରିଛି। ଯେଉଁଥିରେ ୭୪୯୮ ଡିଜେଲ ଏବଂ ୨୫୦୦ ବୈଦ୍ୟୁତିକ ଇଞ୍ଜିନ୍ ଅନ୍ତର୍ଭୂକ୍ତ ରହିଛି। କେବଳ ୨୦୨୪-୨୫ ଆର୍ଥିକ ବର୍ଷରେ ଏଠାରୁ ୪୭୨ ବୈଦ୍ୟୁତିକ ଇଞ୍ଜିନ୍ ଉତ୍ପାଦନ ହୋଇଛି। ଏପରିକି ଏହି କାରଖାନା ଅନ୍ତର୍ଜାତୀୟ ଅର୍ଡର ମଧ୍ୟ ପୂରଣ କରୁଛି। ମୋଜାମ୍ବିକ ଦ୍ୱାରା ଅର୍ଡର କରାଯାଇଥିବା ଦଶଟି ଏସି ଡିଜେଲ-ବୈଦ୍ୟୁତିକ ଇଞ୍ଜିନ ମଧ୍ୟରୁ ଦୁଇଟି ହସ୍ତାନ୍ତର ହୋଇଥିଲା। କାରଖାନା ପୂର୍ବରୁ ମୋଜାମ୍ବିକକୁ ଦଶଟି ଲୋକୋମୋଟିଭ୍ ଯୋଗାଇ ସାରିଛି।

ଏଥିସହ ପଢ଼ନ୍ତୁ: ଓଡ଼ିଶା ପାଇଁ ରେଲଓ୍ବେର ବଡ଼ ଉପହାର! ୧୩ ଗୁଣ ବଢ଼ିଲା ରେଳ ବଜେଟ୍‌, ୧୦,୫୯୯ କୋଟିର ବ୍ୟୟବରାଦ ଘୋଷଣା