ନ୍ୟୁଜ୍ ଚ୍ୟାନେଲ ଗୁଡ଼ିକର TRP ଉପରେ ରୋକ୍ । ମାସେ ପର୍ଯ୍ୟନ୍ତ କୌଣସି ନ୍ୟୁଜ୍ ଚ୍ୟାନେଲ୍‌କୁ ମିଳିବନି TRP ଡାଟା । ଯୁଦ୍ଧ ପରି ସମ୍ବେଦନଶୀଳ ପରିସ୍ଥିତିରେ ଦାୟିତ୍ୱହୀନ ଖବର ପରିବେଷଣ ରୋକିବା ପାଇଁ ସରକାର ଏହି ବଡ଼ ପଦକ୍ଷେପ ନେଇଛନ୍ତି । ଦେଶର ସମସ୍ତ ନ୍ୟୁଜ୍ ଚ୍ୟାନେଲଗୁଡ଼ିକର ଟିଭି ରେଟିଂ ବା TRP ଉପରେ ରୋକ୍ ଲାଗିଛି ।

କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ବ୍ରଡକାଷ୍ଟ ଅଡିଆନ୍ସ ରିସର୍ଚ୍ଚ କାଉନସିଲ- ବା BARCକୁ ନିର୍ଦ୍ଦେଶ ଜାରି କରିଛି । ଆଗାମୀ ୪ ସପ୍ତାହ ପର୍ଯ୍ୟନ୍ତ କୌଣସି ବି ନ୍ୟୁଜ୍ ଚ୍ୟାନେଲର ରେଟିଂ ପ୍ରକାଶ କରାଯାଇପାରିବ ନାହିଁ । ଇସ୍ରାଏଲ-ଇରାନ ସଂଘର୍ଷକୁ ନେଇ କିଛି ନ୍ୟୁଜ୍ ଚ୍ୟାନେଲ ଅନାବଶ୍ୟକ ଭାବେ ଚାଞ୍ଚଲ୍ୟକର ଖବର ପ୍ରସାରଣ କରୁଛନ୍ତି । ଏଭଳି ଖବର ଦ୍ୱାରା ସାଧାରଣ ଜନତାଙ୍କ ମଧ୍ୟରେ ଭୟ ଓ ଆତଙ୍କ ସୃଷ୍ଟି ହେବାର ଆଶଙ୍କା ରହିଛି । ୨୦୧୪ ଟିଭି ରେଟିଂ ଏଜେନ୍ସି ପଲିସିର ଧାରା ୨୪.୨ ଆଧାରରେ ମନ୍ତ୍ରଣାଳୟ ଏହି ନିଷ୍ପତ୍ତି ନେଇଛି ।