ମହାକାଶରେ ଭାରତର ଗୁପ୍ତଚର ଆଖି । ବିଶ୍ବର ଯେ କୌଣସି ସାଟେଲାଇଟର ଗତିବିଧି ଉପରେ ନଜର ରଖି ପାରିବ ଭାରତ । ଏହି ପରୀକ୍ଷଣ ସଫଳ ହୋଇଛି । ମହାକାଶ ଗବେଷଣା ଓ ସାଟେଲାଇଟ ନିର୍ମାଣ କ୍ଷେତ୍ରରେ କାର୍ଯ୍ୟ କରୁଥିବା ଅହମ୍ମଦାବାଦର ଘରୋଇ କଂପାନି ଆଜିଷ୍ଟା ଇଣ୍ଡଷ୍ଟ୍ରିଜ୍ ଏହି ସଫଳତା ହାସଲ କରିଛି । ଭାରତୀୟ ସାଟେଲାଇଟ ଦ୍ବାରା ବିଶ୍ବର ଅନ୍ୟ ସାଟେଲାଇଟଙ୍କ ଅବସ୍ଥିତି ଓ ଗତିକୁ ନିରୀକ୍ଷଣ କରିବା ସହ ଏହାର ଫଟୋ ଉଠାଇବାରେ ସଫଳ ହୋଇଛି ।

ଯାହାଫଳରେ ଭବିଷ୍ୟତରେ ମହାକାଶରେ ଶତ୍ରୁଙ୍କ ଗତିବିଧି ଉପରେ ଭାରତ ନଜର ରଖିପାରିବ । ପ୍ରତିରକ୍ଷା କ୍ଷେତ୍ରରେ ଏହା ଏକ ବଡ଼ ମାଇଲ ଖୁଣ୍ଟ ହେବ । ଏହାକୁ କୁହାଯାଏ ଅର୍ବିଟ ସ୍ନୁପିଂ । ଆଜିଷ୍ଟା ନିଜର ଆର୍ଥ ଅବଜର୍ଭେସନ ସାଟେଲାଇଟ ବ୍ୟବହାର କରି ଇଣ୍ଟରନ୍ୟାସନାଲ ସ୍ପେସ ଷ୍ଟେସନର ଫଟେ ଉଠାଇଥିଲା । ଗତ ୩ ତାରିଖରେ ଏହି ପରୀକ୍ଷଣ କରାଯାଇଥିଲା । ଅତି କ୍ଷୀପ୍ର ଗତିରେ ପୃଥିବୀ ଚାରିପାଖେ ବୁଲୁଥିବା ଆଇଏସଏସର ଗତିପଥକୁ ସହଜରେ ଦେଖିବା ସହ ଏହାର ଫଟୋ ଉଠାଇଥିଲା ଭାରତୀୟ ସାଟେଲାଇଟ । ଆଇଏସଏସର ୨ ଥର ଫଟୋ ଉଠାଇଥିଲା ଭାରତୀୟ ସାଟେଲାଇଟ, ଆଉ ସଫଳ ବି ହୋଇଥିଲା । ଭବିଷ୍ୟତରେ ଦେଶର ସୁରକ୍ଷା କ୍ଷେତ୍ରରେ ଅର୍ବିଟ ସ୍ନୁପିଂ ବଡ଼ ମାଇଲଖୁଣ୍ଟ ହେବ ।