ମହିଳା ବିକାଶରେ ବାଧକ ବିରୋଧୀ । କାଟ୍ ଖାଇଲା ମହିଳା ସଂରକ୍ଷଣ ବିଲ୍‌ । ଲୋକସଭାରେ ପାସ୍ ହୋଇପାରିଲାନି ସମ୍ବିଧାନ ସଂଶୋଧନ ବିଲ୍‌ । ଲୋକସଭାରେ ମିଳିଲାନି ଦୁଇ-ତୃତୀୟାଂଶ ବହୁମତ । ସାମ୍ନାକୁ ଆସିଲା ବିରୋଧୀଙ୍କ ମିଛ କାନ୍ଦଣା । ବିକାଶ ରାସ୍ତାରେ ବାଧକ ସାଜିଥିବା ଅଭିଯୋଗ କଲା ବିଜେପି । ମହିଳାଙ୍କ ସଶକ୍ତିକରଣ ଦିଗରେ ଆସିଥିବା ୧୩୧ତମ ସମ୍ବିଧାନ ସଂଶୋଧନ ବିଲ୍, ୨୦୨୬ ଲୋକସଭାରେ କାଟ୍ ଖାଇଛି । ଏହାକୁ ନେଇ ଏବେ ଶାସକ ଓ ବିରୋଧୀଙ୍କ ମଧ୍ୟରେ ଆରୋପ ପ୍ରତ୍ୟାରୋପ ତେଜିଛି ।

#WATCH | Delhi | NDA leaders protest in Parliament premises as the Constitution (One Hundred and Thirty-First Amendment) Bill, 2026 fails to pass in Lok Sabha pic.twitter.com/g29BFBY4iU

— ANI (@ANI) April 17, 2026

ସଂସଦରେ ଆଜିର ଭୋଟିଂ ଚିତ୍ର ଏଭଳି ଥିଲା:

ମୋଟ ମତଦାନ କରିଥିବା ସାଂସଦ ସଖ୍ୟା ଥିଲା ୫୨୮
ବିଲ୍ ସପକ୍ଷରେ ଭୋଟ୍ ଦେଇଥିଲେ ୨୯୮
ବିଲ୍ ବିପକ୍ଷରେ ଭୋଟ୍ ଦେଇଥିଲେ ୨୩୦
ବିଲ୍ ପାସ୍ ପାଇଁ ଆବଶ୍ୟକ ଥିଲା ୩୫୨ ଭୋଟ

ସଂସଦର ନିମ୍ନ ସଦନରେ ବିଲ୍ ଆଗତ ହେବା ପରେ ଏହାକୁ ନେଇ ବେଶ୍ ହଟ୍ଟଗୋଳ ଦେଖିବାକୁ ମିଳିଥିଲା । ବାଚସ୍ପତି ଓମ୍ ବିର୍ଲା ସ୍ପଷ୍ଟ କରିଛନ୍ତି ଯେ, ଆବଶ୍ୟକ ସଂଖ୍ୟା ଗରିଷ୍ଠତା ଅଭାବରୁ ବିଲ୍ ଗୃହୀତ ହୋଇପାରିନାହିଁ । ଏହା ପରେ ଗୃହକୁ ଆସନ୍ତାକାଲି ଯାଏଁ ମୁଲତବୀ ରଖାଯାଇଛି ।

#WATCH | Delhi | BJP MP Giriraj Singh says, "The country's 'Nari Shakti' today saw the way INDI alliance and Congress defeated women's reservation bill. They will have to pay the price for this." pic.twitter.com/m3rz1puTU3

— ANI (@ANI) April 17, 2026

'ଇଣ୍ଡି' ମେଣ୍ଟ ଓ କଂଗ୍ରେସ ମହିଳା ସଂରକ୍ଷଣ ବିଲ୍‌କୁ ହରାଇଥିବାରୁ ବଡ଼ ମୂଲ୍ୟ ଦେବାକୁ ପଡ଼ିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଗିରିରାଜ ସିଂହ । ସେପଟେ ମହିଳା ସଂରକ୍ଷଣ ବିଲ୍‌ କାଟ୍‌ ଖାଇବା ପରେ NDA ନେତାମାନେ ସଂସଦ ପରିସରରେ ବିରୋଧୀଙ୍କ ବିରୋଧରେ ପ୍ରତିବାଦ କରିଛନ୍ତି । ହାତରେ ପ୍ଲାକାର୍ଡ ଧରି ପ୍ରତିବାଦ କରିଛନ୍ତି ମହିଳା ସାଂସଦ ।