ନୂଆଦିଲ୍ଲୀ: ଏୟାରବେସ୍‌ରେ ଅଘଟଣ । କ୍ରାସ୍ ହେଲା ବାୟୁ ସେନା ବିମାନ । ଆସାମର ଜୋରହାଟରେ ଭାରତୀୟ ବାୟୁ ସେନାର ପରିବହନ ବିମାନ କ୍ରାସ୍‌ ହେବାରୁ ୫ ଜଣ ଯବାନଙ୍କ ମୃତ୍ୟୁ ହୋଇଛି । ଏନେଇ ଭାରତୀୟ ବାୟୁ ସେନା ପକ୍ଷରୁ ସୂଚନା ଦିଆଯାଇଛି ।

ପ୍ରାଥମିକ ସୂଚନ ଅନୁସାରେ. ବାୟୁ ସେନାର ଟ୍ରାନ୍ସପୋର୍ଟ ଏୟାରକ୍ରାଫ୍ଟ AN-32 ଜୋରହାଟ ଷ୍ଟେସନରେ ହିଁ ଖସି ପଡ଼ିଛି । ବିମାନ ଖସିବା ମାତ୍ରେ ସେଥିରେ ନିଆଁ ଲାଗି ଯାଇଥିଲା । ବିମାନଟି ୨ ଖଣ୍ଡରେ ବିଭକ୍ତ ହୋଇଥିଲା । ଯେଉଁଥିରେ ୫ ଜଣ ଯବାନ ପ୍ରାଣ ହରାଇଛନ୍ତି ।

ଏଥିସହ ପଢ଼ନ୍ତୁ: ଆସାମରେ ଭୟଙ୍କର ବିମାନ ଦୁର୍ଘଟଣା…ଅବତରଣ ବେଳେ ଭାଙ୍ଗିଗଲା ବାୟୁସେନାର AN-32 ବିମାନ

ତେବେ କାହିଁକି ବାୟୁ ସେନାର ବିମାନ କ୍ରାସ୍ ହେଲା ? ତାର କାରଣ ଜାଣିବା ପାଇଁ କୋର୍ଟ ଅଫ୍ ଇନକ୍ଵାରୀ ନିର୍ଦ୍ଦେଶ ଦେଇଛି ଭାରତୀୟ ବାୟୁ ସେନା । ଏହି ଅଘଟଣ ଜୋରହାଟରେ ଦିନ ପ୍ରାୟ ୧୦ଟା ସମୟରେ ନିୟମିତ ଉଡ଼ାଣ ବେଳେ ଘଟିଛି ।

The Indian Air Force deeply regrets the loss of five personnel in the An-32 accident at Jorhat, Assam.

Sqn Ldr Prashant Singh, Flt Lt Shubham Kumar, Sgt Jitendra Sharma, Agniveervayu Khemaram Kumawat and Agniveervayu Danish Alam made the supreme sacrifice in the line of duty.… pic.twitter.com/9SmOjtS5mU

— Indian Air Force (@IAF_MCC) June 13, 2026

୫ ଯବାନ ମୃତ

ଏହି ଅଘଟଣରେ ୫ ଜଣ ଯବାନଙ୍କ ମୃତ୍ୟୁ ହୋଇଥିବା ନେଇ ଭାରତୀୟ ବାୟୁ ସେନା ପକ୍ଷରୁ ସୂଚନା ଦିଆଯାଇଛି । ସ୍କ୍ଵାଡନ୍ ଲିଡର ପ୍ରଶାନ୍ତ ସିଂହ, ଫ୍ଲାଇଟ୍ ଲେଫ୍ଟନାଣ୍ଟ ଶୁଭମ କୁମାର, ସାର୍ଜଣ୍ଟ ଜିତେନ୍ଦ୍ର ଶର୍ମା, ଅଗ୍ନିବୀରବାୟୁ ଖେମାରାମ କୁମାୱତ ଏବଂ ଅଗ୍ନିବୀରବାୟୁ ଦନୀଶ ଆଲାମ ସହିଦ ହୋଇଛନ୍ତି । 

ଏଥିସହ ପଢ଼ନ୍ତୁ: ୨୬୦ ଜଣଙ୍କ ଜୀବନ ନେଇଥିଲା ବିମାନ ଦୁର୍ଘଟଣା; ବର୍ଷକ ପରେ ବି ନ୍ୟାୟ ଅପେକ୍ଷାରେ ପରିବାର

ଆଣ୍ଟୋନୋଭ AN-32 ହେଉଛି ଏକ କାର୍ଗୋ ବିମାନ ଯାହା ମୂଳତଃ ସୋଭିଏତ୍ ୟୁନିଅନର ଆଣ୍ଟୋନୋଭ ଡିଜାଇନ୍ ବ୍ୟୁରୋ ଦ୍ୱାରା ବିକଶିତ ହୋଇଥିଲା । ଏହି ବିମାନଟି AN-26 ର ଏକ ଅପଗ୍ରେଡେଡ୍ ସଂସ୍କରଣ ଏବଂ ଏହାକୁ ବିଶେଷ ଭାବରେ ଉଚ୍ଚତା, ଗରମ ପାଗ ଏବଂ ପରିଚାଳନା କରିବାକୁ କଷ୍ଟକର ପରିସ୍ଥିତି ପାଇଁ ଡିଜାଇନ୍ କରାଯାଇଛି । ଭାରତୀୟ ବାୟୁସେନା 1980 ଦଶକରୁ ଏହାର କାର୍ଗୋ ଫ୍ଲିଟର ଏକ ପ୍ରମୁଖ ଅଂଶ ଭାବରେ AN-32 ରଖିଛି ।

ଭାରତୀୟ ବାୟୁସେନା ସୈନ୍ୟ, ଅସ୍ତ୍ରଶସ୍ତ୍ର, ସାମରିକ ଉପକରଣ ଏବଂ ରିଲିଫ୍ ସାମଗ୍ରୀ ପରିବହନ ପାଇଁ AN-32 ବ୍ୟବହାର କରେ । ଏହି ବିମାନକୁ ହିମାଳୟ ଅଞ୍ଚଳ, ଉତ୍ତର-ପୂର୍ବ ରାଜ୍ୟ ଏବଂ ସୀମାବର୍ତ୍ତୀ ଅଞ୍ଚଳରେ ଲଜିଷ୍ଟିକ ସମର୍ଥନର ମେରୁଦଣ୍ଡ ବୋଲି ବିବେଚନା କରାଯାଏ ।