ଆଜି ବାୟୁସେନା ଦିବସ । ପ୍ରତିବର୍ଷ ଅକ୍ଟୋବର 8 ତାରିଖରେ ଭାରତୀୟ ବାୟୁସେନା ଦିବସ ପାଳନ କରାଯାଏ । ଯାହା ଦେଶର ସବୁଠାରୁ ସମ୍ମାନିତ ସଶସ୍ତ୍ର ବାହିନୀ ସଂଗଠନ ମଧ୍ୟରୁ ଗୋଟିଏର ପ୍ରତିଷ୍ଠାକୁ ସ୍ମରଣ କରେ । 1932 ମସିହାରେ ପ୍ରତିଷ୍ଠିତ, ଭାରତୀୟ ବାୟୁସେନା ଦେଶର ଆକାଶ ସୀମାକୁ ସୁରକ୍ଷିତ ରଖିବା ଓ ସମସ୍ତ ବିପଦ ବିରୋଦ୍ଧରେ ଭାରତର ଜାତୀୟ ଓ ମାନବୀୟ ସ୍ୱାର୍ଥକୁ ସୁରକ୍ଷା ଦେବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ । IAFର ଯବାନଙ୍କ ଅଟଳ ସମର୍ପଣ ଓ ଆଗ୍ରହର ପ୍ରମାଣ ସ୍ବରୂପ ଏହି ଦିନ ପାଳିତ ହୁଏ ।

ବର୍ଷ ବର୍ଷ ଧରି ଭାରତୀୟ ବାୟୁସେନା ହାସଲ କରିଥିବା ଅନେକ ପ୍ରଯୁକ୍ତିବିଦ୍ୟା ଉନ୍ନତିକୁ ମଧ୍ୟ ଆଲୋକିତ କରେ । ଭାରତୀୟ ବାୟୁସେନା ପକ୍ଷରୁ ଏକ୍ସରେ ପୋଷ୍ଟ କରାଯାଇଛି ବୀରତ୍ୱ, ଉତ୍କୃଷ୍ଟତା ଓ ସମର୍ପଣର 93ଟି ଗୌରବମୟ ବର୍ଷ ପାଳନ କରାଯାଉଛି । ଏହି ଅବିଶ୍ୱସନୀୟ ଯାତ୍ରାରେ ଆମ ସହିତ ଯୋଗଦାନ କରନ୍ତୁ ।

ଏଥିସହ ପଢ଼ନ୍ତୁ: କନଫର୍ମ ଟ୍ରେନ୍ ଟିକେଟ୍ ତାରିଖ ପରିବର୍ତ୍ତନ କରିପାରିବେ ଯାତ୍ରୀ

ଆଜି ୯୩ ତମ ଭାରତୀୟ ବାୟୁସେନା ଦିବସ । ଏ ଅବସରରେ ୱାର ମୋମରିଆଲରେ ସହିଦଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ସିଡିଏସ ଅନୀଲ ଚୌହାନ ଓ ତିନି ସେନା ମୁଖ୍ୟ । ଏୟାରଫୋର୍ସ ଚିଫ ମାର୍ଶାଲ ଏପି ସିଂ, ସ୍ଥଳ ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ବିବେଦୀ, ନୌସେନା ମୁଖ୍ୟ ଆଡମିରାଲ ଦିନେଶ ତ୍ରିପାଠୀ ପ୍ରମୁଖ ୱାର୍ ମୋମରିଆଲରେ ପହଞ୍ଚି ସହିଦ ମାନଙ୍କ ସ୍ମୃତିଚାରଣ କରିଥିଲେ । ସେପଟେ ହିଣ୍ଡନ ଏୟାପ ବେସରେ ବାୟୁସେନା ଦିବସ ପାଳନ କରାଯାଉଛି । ଏ ଅବସରନେ ପରେଡ୍ ସହ ଯୁଦ୍ଧ ବିମାନ ଓ ଯୁଦ୍ଧାସ୍ତ୍ର ପ୍ରଦର୍ଶନୀ ଅନୁଷ୍ଠିତ ହୋଇଛି ।

ରାଫେଲ, ସୁଖୋଇ, ମିଗ୍-୨୯, ସି-୭ ଗ୍ଲୋବ ମାଷ୍ଟର, ଆକାଶ ମିସାଇଲ, ହରକୁଲେସ ଓ ଆପାଚେ ହ୍ୟାଲିକ୍ୟାପଟର ଭଳି ବାୟୁସେନା ବ୍ୟବହାର କରୁଥିବା ବିଭିନ୍ନ ଯୁଦ୍ଧାସ୍ତ୍ର ପ୍ରଦର୍ଶନ କରାଯାଇଛି । ଏବେ ଅବସର ନେଇଥିବା ମିଗ-୨୧କୁ ବି ବାୟୁସେନା ଦିବସରେ ପ୍ରଦର୍ଶିତ କରାଯାଇଛି । ଗତ ୬ ଦଶନ୍ଧି ଧରି ମିଗ-୨୧ ଭାରତୀୟ ବାୟୁସେନାକୁ ସେବା ଯୋଗାଇ ଆସିଛି । ହିଣ୍ଡନ ଏୟାର ବେସ୍ ପ୍ରତିରକ୍ଷା କ୍ଷେତ୍ରରେ ଏକ ଗୁରୁତ୍ବପୂର୍ଣ୍ଣ ଏୟାରବେସ୍ ହୋଇଥିବା ବେଳେ, ବାୟୁସେନାର ବହୁ ଅପରେସନ ଏଠାରୁ ହିଁ କରାଯାଇଥାଏ ।

ଅଧିକ ପଢ଼ନ୍ତୁ ଦେଶ ଖବର: