Arabian Sea drug bust / ଭାରତୀୟ ତଟରକ୍ଷକ ବଳର ବଡ଼ କାର୍ଯ୍ୟାନୁଷ୍ଠାନ; ୩୦୦୦ କୋଟିର ଡ୍ରଗ୍ସ ସହ ୫ ପାକିସ୍ତାନୀ ଗିରଫ

ଭାରତୀୟ ତଟରକ୍ଷକ ବଳ ସମୁଦ୍ର ମାର୍ଗରେ ନିଶା ଦ୍ରବ୍ୟ ଚୋରାଚାଲାଣ ବିରୋଧରେ ଏକ ବଡ଼ ଅଭିଯାନ ଆରମ୍ଭ କରିଛି। ଏକ ପ୍ରମୁଖ ଅନ୍ତର୍ଜାତୀୟ ସିଣ୍ଡିକେଟ୍ ସହିତ ଜଡି଼ତ ପ୍ରାୟ ୩୦୦୦ କୋଟି ଟଙ୍କାର ଡ୍ରଗ୍ସ ଜବତ କରାଯାଇଛି। ଏହି ଅଭିଯାନରେ ଏକ ଅନ୍ତର୍ଜାତୀୟ ଡ୍ରଗ୍ସ ଚୋରାଚାଲାଣ ନେଟୱାର୍କ ମେରୁଦଣ୍ଡ ଭାଙ୍ଗି ଦିଆଯାଇଛି। ଭାରତୀୟ ତଟରକ୍ଷୀ ବାହିନୀ, ଗୁଜୁରାଟର ଆତଙ୍କବାଦ ନିରୋଧି ଦଳ (ATS) ସହିତ ମିଳିତ ଭାବରେ ଲାକ୍ଷାଦ୍ୱୀପ ସ୍ଥିତ ପଶ୍ଚିମ ଆରବ ସାଗରରେ ଏକ ବଡ଼ ଡ୍ରଗ୍ସ ଚୋରା ଚାଲାଣ ଉଦ୍ୟମକୁ ପଣ୍ଡ କରିଛି। ଏହି ଅଭିଯାନରେ ପାକିସ୍ତାନ ସହିତ ସନ୍ଦିଗ୍ଧ ସମ୍ପର୍କ ରଖିଥିବା ଅଭିଯୋଗରେ ୫ ଜଣଙ୍କୁ ଗିରଫ କରାଯାଇଛି।

ଇରାନୀ ଡଙ୍ଗା, ପାକିସ୍ତାନୀ ଚାଳକ ଦଳ ସଦସ୍ୟ ଏବଂ ୩୦୦୦ କୋଟି ମୂଲ୍ୟର ଡ୍ରଗ୍ସ
ଦୃଢ଼ ଗୁପ୍ତ ସୂଚନା ଆଧାରରେ, ସଠିକ୍ ସାମୁଦ୍ରିକ ଏବଂ ଆକାଶ ମାର୍ଗରେ ନିରନ୍ତର ଭାବରେ ପିଛା କରି ଚୋରା ଚାଲାଣକାରୀଙ୍କ ଯୋଜନାକୁ ପଣ୍ଡ କରି ଦିଆଯାଇଛି। ଏହି ଅଭିଯାନ ବେଳେ ଏକ ସନ୍ଦିଗ୍ଧ ଇରାନୀ ଡଙ୍ଗାକୁ ଅଟକା ଯାଇଥିଲା। ପୂର୍ବରୁ ଭାରତୀୟ ତଟରକ୍ଷକ ବଳ ଗତ ସେପ୍ଟେମ୍ବର ୨୫ ତାରିଖରେ ଚୋରା ଚାଲାଣକାରୀଙ୍କ ଯୋଜନାକୁ ପଣ୍ଡ କରି ଏକ ସନ୍ଦିଗ୍ଧ ଇରାନୀ ଡଙ୍ଗାକୁ ଫେରାଇ ଦେଇଥିଲା। ଏହି ସାମୁଦ୍ରିକ ଅଭିଯାନ ସମୟରେ ପ୍ରାୟ ୫୨୬ କିଲୋଗ୍ରାମ ଉଚ୍ଚମାନର ଡ୍ରଗ୍ସ (ହେରୋଇନ୍ ଏବଂ ମେଥାମ୍ଫେଟାମାଇନ୍) ଜବତ କରାଯାଇଛି। ଯାହାର ମୂଲ୍ୟ ଆନ୍ତର୍ଜାତୀୟ ବଜାରରେ ୩୦୦୦ କୋଟି ଟଙ୍କାରୁ ଅଧିକ ହେବ ବୋଲି ଆକଳନ କରାଯାଇଛି। ଡଙ୍ଗା ପରିଚାଳନା କରୁଥିବା ୫ ଜଣ ପାକିସ୍ତାନୀ ନାଗରିକଙ୍କୁ ମଧ୍ୟ ତୁରନ୍ତ ଅଟକ ରଖାଯାଇଛି।

ଏକ ବିଦେଶୀ ଡ୍ରଗ୍ସ ସିଣ୍ଡିକେଟ ବିରୋଧରେ ହୋଇଛି କାର୍ଯ୍ୟାନୁଷ୍ଠାନ
ଏହି ମାମଲାରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଜବତ ହୋଇଥିବା ଡଙ୍ଗା, ଏହାର କର୍ମଚାରୀ ଏବଂ ଜବତ ଡ୍ରଗ୍ସ କଡ଼ା ସୁରକ୍ଷା ମଧ୍ୟରେ ମୁମ୍ବାଇକୁ ଅଣାଯାଇଛି। ଏହି ଅପରେସନ ଭାରତୀୟ ତଟରକ୍ଷକ ବଳର ସାମୁଦ୍ରିକ ଦକ୍ଷତା, ସତର୍କ ନଜର ରଖିବା ଏବଂ ଭାରତୀୟ ଜଳସୀମାରେ ବେଆଇନ କାର୍ଯ୍ୟକଳାପ ପ୍ରତି ଶୂନ୍ୟ-ସହନଶୀଳତା ନୀତିକୁ ପ୍ରଦର୍ଶନ କରେ। ବିଦେଶୀ ସିଣ୍ଡିକେଟ ଆର୍ଥିକ ମେରୁଦଣ୍ଡ ଭାଙ୍ଗି ଏବଂ ସେମାନଙ୍କ ଲକ୍ଷ୍ୟସ୍ଥଳରେ ପହଞ୍ଚିବା ପୂର୍ବରୁ ବିପଜ୍ଜନକ ସିନ୍ଥେଟିକ୍ ଡ୍ରଗ୍ସ ଅଟକାଇ ଏକ ପ୍ରମୁଖ ମିଶନ୍ ହାସଲ କରାଯାଇଛି। ଏହି ମିଶନ୍ କେନ୍ଦ୍ର ସରକାରଙ୍କ ଡ୍ରଗ୍ସ-ମୁକ୍ତ ଭାରତ ଅଭିଯାନର (Drug Free India Campaign) ଜାତୀୟ ଦୃଷ୍ଟିକୋଣକୁ ଆହୁରି ମଜବୁତ କରେ।

ଏହା ସହ ପଢନ୍ତୁ: ଅନ୍ଧାର ରାତି, ଅଶାନ୍ତ ସମୁଦ୍ର; ବିପଦରେ ୬ ମତ୍ସ୍ୟଜୀବୀଙ୍କ ଜୀବନ, ଦେବଦୂତ ସାଜିଲା ଭାରତୀୟ ତଟରକ୍ଷକ ବଳ

୫ ଜଣ ପାକିସ୍ତାନୀଙ୍କୁ ମଧ୍ୟ କରାଯାଇଛି ଗିରଫ
ଡ୍ରଗ୍ସ ଚାଲାଣ ଅଭିଯୋଗରେ ୫ ଜଣ ପାକିସ୍ତାନୀ ନାଗରିକଙ୍କୁ ଗିରଫ କରାଯାଇଛି। ଏହାକୁ ନାର୍କୋ-ଆତଙ୍କବାଦୀ ନେଟୱାର୍କ (Narco Terrorism Network) ବିରୋଧରେ ଏକ ବଡ଼ ସଫଳତା ବୋଲି ବିବେଚନା କରାଯାଉଛି। ଏ ବିଷୟରେ ବହୁ ଦିନ ଧରି ସୂଚନା ମିଳୁଥିଲା। ଶେଷରେ ଏହି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏହି ମାମଲାରେ ୫ ଜଣ ପାକିସ୍ତାନୀ ନାଗରିକଙ୍କୁ ଗିରଫ କରାଯାଇଛି। ସେମାନଙ୍କୁ ହୋଇଥିବା ଜେରାରୁ ଏହା ଜଣାପଡିବ ଯେ ଏହି ଡ୍ରଗ୍ସ ନେଟୱାର୍କ କେତେ ସମୟ ଧରି ସକ୍ରିୟ ରହିଥିଲା।

କୁହାଯାଉଛି ଯେ ଅପରେସନ୍ ସମୟରେ ଦୀର୍ଘ ସମୟ ଧରି ଆକାଶ ମାର୍ଗରୁ ନଜର ରଖାଯାଇଥିଲା ଏବଂ ମାନବ ଗୁପ୍ତଚର ବ୍ୟବହାର କରାଯାଉଥିଲା। ଡ୍ରଗ୍ସ ନେଇ ଆସୁଥିବା ଡଙ୍ଗା ଦେଖାଯିବା ମାତ୍ରେ, ତଟରକ୍ଷୀ ବାହିନୀ ଏବଂ ଗୁଜରାଟ ATS ଦଳ ଡଙ୍ଗାକୁ ଅଟକାଇ ୫ ଜଣଙ୍କୁ ଗିରଫ କରିଥିଲେ। ପାକିସ୍ତାନର ଲକ୍ଷ୍ୟ ହେଉଛି ଡ୍ରଗ୍ସ ବିକ୍ରି କରିବା, କେତେବେଳେ ସମୁଦ୍ର ମାଧ୍ୟମରେ, କେତେବେଳେ ଅନ୍ତର୍ଜାତୀୟ ସୀମା ଦେଇ, ଆଉ କେତେବେଳେ ନିୟନ୍ତ୍ରଣ ରେଖା ଦେଇ। କାରଣ ଡ୍ରଗ୍ସ ବିକ୍ରୟରୁ ସଂଗୃହିତ ଟଙ୍କା ଆତଙ୍କବାଦୀ କାର୍ଯ୍ୟକଳାପ ପାଇଁ ପାଣ୍ଠି ଯୋଗାଇବା ଏବଂ ଅସ୍ତ୍ରଶସ୍ତ୍ର କ୍ରୟ କରିବା ପାଇଁ ବ୍ୟବହୃତ ହୋଇଥାଏ। ହେଲେ ଏହି କାର୍ଯ୍ୟାନୁଷ୍ଠାନ ଦ୍ୱାରା ଆତଙ୍କବାଦୀ ନେଟୱାର୍କ ମଧ୍ୟ ପ୍ରଭାବିତ ହେବ।