ଅର୍ଗସ ବ୍ୟୁରୋ : ଚନ୍ଦ୍ରର ଦକ୍ଷିଣ ମେରୁରେ ସଫଳ ଲ୍ୟାଣ୍ଡିଂ କରି ମହାକାଶ ବିଜ୍ଞାନରେ ନୂଆ ଇତିହାସ ରଚିଛି ଭରତ । ଏବେ ଚନ୍ଦ୍ରପୃଷ୍ଠରେ ଲ୍ୟାଣ୍ଡର ବିକ୍ରମ ଓ ରୋଭର ପ୍ରଜ୍ଞାନ ସ୍ଲିପିଂ ମୋଡରେ ଥିବା ବେଳେ ସାମ୍ନାକୁ ଆସିଛି ନୂଆ ରୋଚକ ତଥ୍ୟ । ଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ରିପୋର୍ଟ ଅନୁସାରେ ଚନ୍ଦ୍ରୟାନ -3 ରେ ପରମାଣୁ ପ୍ରଯୁକ୍ତିବିଦ୍ୟାର ବ୍ୟବହାର ହୋଇଥିଲା । ବିକ୍ରମ ଲ୍ୟାଣ୍ଡର ଏବଂ ପ୍ରଜ୍ଞାନ ରୋଭରକୁ ବହନ କରୁଥିବା ମଡ୍ୟୁଲ୍ ଆଣବିକ ପ୍ରଯୁକ୍ତିବିଦ୍ୟା ଦ୍ବାରା ଚାଳିତ ।

ଅଧିକ ପଢନ୍ତୁ ଭାରତ ଖବର

ଏହି ମଡ୍ୟୁଲରେ ଦୁଇଟି ରେଡିଓସୋଟୋପ୍ ହିଟିଂ ୟୁନିଟ୍ ରହିଛି ଯାହା ବର୍ତ୍ତମାନ ଚନ୍ଦ୍ର କକ୍ଷପଥରେ ରହିଛି । ଏହି ରେଡିଓସୋଟୋପ୍ ହିଟିଂ ୟୁନିଟ୍ ହେଉଛି ଏକ ଉପକରଣ ଯାହା ଏକ ନିର୍ଦ୍ଦିଷ୍ଟ ଆଇସୋଟୋପ୍ ର ରେଡିଓଆକ୍ଟିଭ୍ ଦ୍ବାରା ଉତ୍ପାଦିତ ଶକ୍ତି ବ୍ୟବହାର କରି ଉତ୍ତାପ ଉତ୍ପାଦନ କରେ । ତେବେ ଏହା ଏକ ୱାଟର ଶକ୍ତି ଉତ୍ପାଦନ କରେ । ଏହି ଉତ୍ତାପ ୟୁନିଟର କାର୍ଯ୍ୟ ଚନ୍ଦ୍ରକୁ ଭବିଷ୍ୟତର ଦୀର୍ଘକାଳୀନ ପରମାଣୁ ଆଧାରିତ ମିଶନ ପାଇଁ ପଥ ପରିଷ୍କାର କରିବ ।

ଏହାର ପ୍ରଥମ କାର୍ଯ୍ୟ ହେଉଛି ମହାକାଶଯାନରେ ଥିବା ବିଭିନ୍ନ ଯନ୍ତ୍ର ପାଇଁ ଏକ ନିର୍ଭରଯୋଗ୍ୟ ଏବଂ ଦୀର୍ଘସ୍ଥାୟୀ ଉତ୍ତାପ ଉତ୍ସ ଯୋଗାଇବା । ଅତ୍ୟଧିକ ଥଣ୍ଡା ପରିବେଶରେ କାର୍ଯ୍ୟ କରୁଥିବା ମିଶନଗୁଡିକ ପାଇଁ ଏହା ବିଶେଷ ଗୁରୁତ୍ବପୂର୍ଣ୍ଣ । ଚନ୍ଦ୍ରକୁ ପରିକ୍ରମା କରୁଥିବା ମଡ୍ୟୁଲରେ ଥିବା ଏଭଳି ଦୁଇଟି ୟୁନିଟ୍ ପରୀକ୍ଷାମୂଳକ ଭାବେ ପ୍ରତିଷ୍ଠା କରାଯାଇଥିଲା । ଇସ୍ରୋ ଏହାର ସଫଳତାକୁ ଆଗକୁ ନେବାକୁ ଲକ୍ଷ୍ୟ ରଖିଛି ।

Argus News | argus news | Odisha Latest News, Breaking News, Trending News, Live TV