ରନ୍ୱେରେ ବସାଇ ଯାତ୍ରୀଙ୍କୁ ଖୁଆଇବା ପଡ଼ିଲା ମହଙ୍ଗା
ଅର୍ଗସ ବ୍ୟୁରୋ : ରନ୍ୱେରେ ବସାଇ ଯାତ୍ରୀଙ୍କୁ ଖୁଆଇବା ପଡ଼ିଲା ମହଙ୍ଗା । ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ କଡ଼ା କାର୍ଯ୍ୟାନୁଷ୍ଠାନ । ଇଣ୍ଡିଗୋ କମ୍ପାନୀ ଉପରେ ୧ କୋଟି ୨୦ ଲକ୍ଷ ଟଙ୍କାର ଜୋରିମାନା । ସେହିପରି ମୁମ୍ବାଇ ବିମାନବନ୍ଦର ଉପରେ ମଧ୍ୟ ୯୦ ଲକ୍ଷ ଟଙ୍କାର ଫାଇନ୍ ଲାଗୁ ହୋଇଛି ।
ମୁମ୍ବାଇ ବିମାନବନ୍ଦରର ଏକ ଭିଡିଓ ଭାଇରାଲ ହୋଇଥିଲା । ଯେଉଁଥିରେ ଇଣ୍ଡିଗୋ ଏୟାରଲାଇନ୍ସର କିଛି ଯାତ୍ରୀ ମୁମ୍ବାଇ ବିମାନବନ୍ଦରରେ ରନୱେରେ ବସି ଖାଦ୍ୟ ଖାଉଥିଲେ । ଇଣ୍ଡିଗୋ ଅଭିଯୋଗ କରିଛି ଯେ କୁହୁଡ଼ି ହେତୁ ବିମାନ ବିଳମ୍ବ ହେବାପରେ ଯାତ୍ରୀମାନଙ୍କୁ ରନୱେରେ ବସି ଖାଦ୍ୟ ଦିଆଯାଉଥିଲା ଏବଂ ସେମାନଙ୍କ ସହ ଅସଦାଚରଣ ମଧ୍ୟ କରାଯାଇଥିଲା ।
ଅଧିକ ପଢନ୍ତୁ ଭାରତ ଖବର
📱 Get Argus News App
✨ଭିଡିଓ ଭାଇରାଲ ହେବା ପରେ ବେସାମରିକ ବିମାନ ଚଳାଚଳ ସୁରକ୍ଷା ପ୍ରାଧିକରଣ ଏହା ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଏହା ସହିତ ପ୍ରୋଟୋକଲ୍ ଅନୁସରଣ ନକରିବା ପାଇଁ ଏୟାର ଇଣ୍ଡିଆ ଏବଂ ସ୍ପାଇସଜେଟ କମ୍ପାନୀ ଉପରେ ଅଲଗା ଜରିମାନା ଲାଗୁ କରାଯାଇଛି ।