ଅର୍ଗସ ବ୍ୟୁରୋ : ଆରବ ସାଗରରେ ନୌସେନାର ପରାକ୍ରମ । ସାମୁଦ୍ରିକ ଲୁଟେରାଙ୍କ କବଳରୁ ଇରାନ ଜାହାଜକୁ ଉଦ୍ଧାର କଲା INS ସୁମିତ୍ରା । କୋଚିରୁ ପଶ୍ଚିମରେ ପ୍ରାୟ ୭୦୦ ନଟିକଲ୍ ମାଇଲ୍ ଦୂରରେ ଇରାନର ଏକ ଜାହାଜକୁ ସୋମାଲିଆ ଲୁଟେରାମାନେ ହାଇଜ୍ୟାକ୍ କରିଥିଲେ । ଏହି ଘଟଣା ପରେ ଇରାନ ପକ୍ଷରୁ ଭାରତୀୟ ନୌସେନାକୁ ସହାୟତା ପାଇଁ ନିବେଦନ କରାଯାଇଥିଲା । ସୂଚନା ମିଳିବା ପରେ ଆରମ୍ଭ ହୋଇଥିଲା ଅପରେସନ ।

ଅଧିକ ପଢନ୍ତୁ ଭାରତ ଖବର

ଜାହାଜକୁ ଉଦ୍ଧାର କରିବା ପାଇଁ ନିଜର ଯୁଦ୍ଧପୋତକୁ ପଠାଇଥିଲା ଭାରତୀୟ ନୌସେନା । ଏହାପରେ ସାମୁଦ୍ରିକ ଲୁଟେରାମାନେ ଛତ୍ରଭଙ୍ଗ ଦେଇଥିଲେ । ନୌସେନାର ଯବାନ ମାନେ ଇରାନର ଏହି ଜାହାଜକୁ ଜଳ ଦଶ୍ୟୁଙ୍କଠାରୁ ମୁକ୍ତ କରିବା ସହ ଏଥିରେ ଥିବା ୧୭ ଜଣଙ୍କୁ ଉଦ୍ଧାର କରିଛନ୍ତି ।