DRDO ତିଆରି କଲା ନିଜସ୍ବ ଏୟାର ଡିଫେନ୍ସ ସିଷ୍ଟମ, IADWS ପ୍ରଥମ ପରୀକ୍ଷଣ ସଫଳ
Key Points
ଡିଫେନ୍ସ ସିଷ୍ଟମ କ୍ଷେତ୍ରରେ DRDOକୁ ସଫଳତା । ପ୍ରତିରକ୍ଷା କ୍ଷେତ୍ରରେ ଶକ୍ତିଶାଳୀ ହେଲା ଭାରତ । IADWSର ପ୍ରଥମ ଉଡ଼ାଣ ପରୀକ୍ଷଣ ସଫଳ।
ପ୍ରତିରକ୍ଷା କ୍ଷେତ୍ରରେ ଆଉ ପାଦେ ଆଗେଇଲା ଭାରତ । ଭାରତୀୟ ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ (DRDO) ଏକ ସ୍ୱଦେଶୀ ବାୟୁ ପ୍ରତିରକ୍ଷା ପ୍ରଣାଳୀ ବିକଶିତ କରିଛି। DRDO ୨୩ ଅଗଷ୍ଟ ୨୦୨୫ ଦିନ ପ୍ରାୟ ୧୨:୩୦ ସମୟରେ ଓଡ଼ିଶା ଉପକୂଳରେ ଇଣ୍ଟିଗ୍ରେଟେଡ୍ ଏୟାର ଡିଫେନ୍ସ ଓ୍ବେପନ୍ ସିଷ୍ଟମ୍ (IADWS)ର ପ୍ରଥମ ପରୀକ୍ଷଣ ସଫଳତାର ସହ କରିଛି ।
IADWS ହେଉଛି ଏକ ବହୁ-ସ୍ତରୀୟ ବାୟୁ ପ୍ରତିରକ୍ଷା ପ୍ରଣାଳୀ । ଯାହାକୁ ସମ୍ପୂର୍ଣ୍ଣ ସ୍ୱଦେଶୀ ଜ୍ଞାନକୌଶଳରେ ବିକଶିତ କରାଯାଇଛି । ଏଥିରେ କ୍ୱିକ୍ ରିଆକ୍ସନ୍ ସର୍ଫେସ୍ ଟୁ ଏୟାର ମିସାଇଲ୍ ସାମିଲ ଅଛି । ଏହି ମିସାଇଲ୍ ଶତ୍ରୁର ଯୁଦ୍ଧ ବିମାନ ଏବଂ ମିସାଇଲକୁ ମଧ୍ୟମ ଦୂରତାରେ ଟାର୍ଗେଟ୍ କରିବାରେ ସକ୍ଷମ । ଏହା ବ୍ୟତୀତ, ଏଥିରେ ଲାଗିଥିବା ଆଡଭାନ୍ସଡ୍ ଭେରି ସର୍ଟ ରେଞ୍ଜ୍ ଏୟାର ଡିଫେନ୍ସ ସିଷ୍ଟମ୍ କମ୍ ଉଚ୍ଚତାରେ ଆସୁଥିବା ଆକାଶୀୟ ବିପଦ ଯେପରିକି ଡ୍ରୋନ୍, ହେଲିକପ୍ଟର ଏବଂ ଫାଇଟର୍ ଜେଟକୁ ତୁରନ୍ତ ନିଷ୍କ୍ରିୟ କରିବାର କ୍ଷମତା ରଖିଛି ।
ଅର୍ଥାତ୍, ଭାରତର ଏହି ଏୟାର ଡିଫେନ୍ସ ସିଷ୍ଟମ୍ ଦ୍ୱାରା ଶତ୍ରୁର ଯୁଦ୍ଧ ବିମାନ, କୌଣସି ପ୍ରକାରର ଡ୍ରୋନ୍ ଆକ୍ରମଣ, ହେଲିକପ୍ଟର ଆକ୍ରମଣ ଏବଂ ଆକାଶରେ ହେଉଥିବା ଅନ୍ୟ କୌଣସି ପ୍ରକାରର ଆକ୍ରମଣକୁ ଆକାଶରେ ହିଁ ଧ୍ୱଂସ କରିଦିଆଯିବ । ଏଥିରେ ଥିବା ଉଚ୍ଚ-ଶକ୍ତି ସମ୍ପନ୍ନ ଲେଜର-ଆଧାରିତ ଏହି ଅସ୍ତ୍ର ଆଧୁନିକ ଯୁଦ୍ଧର ଦିଗ ବଦଳାଇବାରେ ସକ୍ଷମ ଏବଂ ଶତ୍ରୁର ଆକାଶୀୟ ଲକ୍ଷ୍ୟକୁ ଆଖି ପିଛୁଳାକେ ନଷ୍ଟ କରିପାରିବ ।
📱 Get Argus News App
✨ସେପଟେ ଏହି ନିଜସ୍ବ ଏୟାର ଡିଫେନ୍ସ ସିଷ୍ଟମର ଗୁରୁତ୍ୱପୂର୍ଣ୍ଣ ପରୀକ୍ଷଣ ପରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି, “ମୁଁ ଡିଆରଡିଓ, ଭାରତୀୟ ସଶସ୍ତ୍ର ବଳ ଏବଂ ଶିଳ୍ପ ଜଗତକୁ IADWSର ସଫଳ ବିକାଶ ପାଇଁ ଶୁଭେଚ୍ଛା ଜଣାଉଛି । ଏହି ଅନନ୍ୟ ଉଡ଼ାଣ ପରୀକ୍ଷଣ ଆମ ଦେଶର ବହୁ-ସ୍ତରୀୟ ଏୟାର ଡିଫେନ୍ସ କ୍ଷମତାକୁ ପ୍ରତିଷ୍ଠା କରୁଛି । ଏହା ଗୁରୁତ୍ୱପୂର୍ଣ୍ଣ ସ୍ଥାନଗୁଡ଼ିକର ସୁରକ୍ଷାକୁ ମଜଭୁତ କରିବ ଏବଂ ଦେଶକୁ ଶତ୍ରୁର ଆକାଶୀୟ ବିପଦ ବିରୁଦ୍ଧରେ ଅଧିକ ଶକ୍ତିଶାଳୀ କରିବ ।”
The @DRDO_India has successfully conducted the maiden flight Tests of Integrated Air Defence Weapon System (IADWS), on 23 Aug 2025 at around 1230 Hrs off the coast of Odisha.
— Rajnath Singh (@rajnathsingh) August 24, 2025
IADWS is a multi-layered air defence system comprising of all indigenous Quick Reaction Surface to Air… pic.twitter.com/TCfTJ4SfSS