ଅର୍ଗସ ବ୍ୟୁରୋ: ଦଙ୍ଗାରେ ଚାଲିଯାଇଥିଲା ପୁଅର ଜୀବନ । ନ୍ୟାୟ ପାଇଁ ଶ୍ରମିକ ବାପା ବନିଲେ ବିଧାୟକ । ଛତିଶଗଡ ବିଧାନସଭା ନିର୍ବାଚନରେ ବାଜି ଲେଉଟାଇ ବଡ ବିଜୟ ହାସଲ କରିଛି ବିଜେପି । ୯୦ ଆସନରୁ ୫୪ଟି ସିଟ୍‌ ଜିତି 5 ବର୍ଷ ପରେ କ୍ଷମତାକୁ ଫେରିଛି । ତେବେ ଏହି ନିର୍ବାଚନରେ କଂଗ୍ରେସର ବରିଷ୍ଠ ନେତା ତଥା 7 ଥରର ବିଧାୟକ ରବିନ୍ଦ୍ର ଚୌବେଙ୍କୁ ହରାଇଛନ୍ତି ପ୍ରଥମ ଥର ପାଇଁ ନିର୍ବାଚନ ଲଢିଥିବା ଇଶ୍ବର ସାହୁ ।

ସେ ପେଶାରେ ଜଣେ ଶ୍ରମିକ ହେଲେ ମଧ୍ୟ ପୁଅ ପାଇଁ ନ୍ୟାୟ ଲଢେଇ ଲଢି ଆଜି ବିଜୟ ହାସଲ କରିଛନ୍ତି । ଚଳିତବର୍ଷ ସାଜା ବିଧାନସଭାର ବିରନପୁର ଅଞ୍ଚଳରେ ଗୋଷ୍ଠୀ ସଂଘର୍ଷ ଘଟିଥିଲା । ଏକ ସ୍କୁଲରୁ ଆରମ୍ଭ ହୋଇଥିବା ମାରପିଟ୍‌ ଗୋଷ୍ଠୀ ସଂଘର୍ଷରେ ବଦଳି ଯାଇଥିଲା । ସାମ୍ପ୍ରଦାୟକ ହିଂସାରେ ୩ ଜଣ ପ୍ରାଣ ହରାଇଥିଲେ । ମୃତକଙ୍କ ମଧ୍ୟରେ ଜଣେ ଥିଲେ ଇଶ୍ବରଙ୍କ ପୁଅ ଭୁବନେଶ୍ବର ।

ସରକାର ଇଶ୍ବର ସାହୁଙ୍କ ପରିବାରକୁ ୧୦ ଲକ୍ଷ ଟଙ୍କା ସହାୟତା ରାଶି ଘୋଷଣା କରିଥିଲେ । କିନ୍ତୁ ଇଶ୍ବର ସାହୁ ଏହା ନେବା ପାଇଁ ମନା କରିଦେଇଥିଲେ । ସାଜା ବିଧାନସଭା ନିର୍ବାଚନ ପ୍ରଚାର ସମୟରେ ଗୃହମନ୍ତ୍ରୀ ଅମିତ ଶାହା ଇଶ୍ବର ସାହୁଙ୍କ ପାଇଁ ପ୍ରଚାର କରିଥିଲେ । ସେତେବେଳେ ଶାହା କହିଥିଲେ ଯେ ଇଶ୍ବର ସାହୁ ଜଣେ ଆଶାୟୀ ନୁହେଁ ବରଂ ନ୍ୟାୟ ଲଢେଇର ପ୍ରତୀକ । ଯଦି ବିଜେପି ପୁଣିଥରେ ସରକାର ଗଢିବ ଇଶ୍ବର ସାହୁଙ୍କ ପୁଅ ହତ୍ୟାକାରୀଙ୍କୁ ପ୍ରଥମେ ଜେଲ ପଠାଯିବ ।

ରାୟପୁରର ଜିତିଲେ ଓଡିଆ ପୁଅ ପୁରନ୍ଦର ମିଶ୍ର

Argus News | argus news | Odisha Latest News, Breaking News, Trending News, Live TV