ବର୍ଷର ଶେଷ ମିଶନରେ ଇତିହାସ ରଚିବାକୁ ଯାଉଛି ଇସ୍ରୋ । ଆଜି ଇସ୍ରୋ ଆମେରିକୀୟ କମ୍ପାନି ଏଏସଟି ସ୍ପେସ୍ ମୋବାଇଲ୍ ଏକ ଗୁରୁତ୍ୱପୂର୍ଣ୍ଣ ଉପଗ୍ରହକୁ ମହାକାଶକୁ ଉତକ୍ଷେପଣ କରିବ । ଗତକାଲି ଠାରୁ ଆରମ୍ଭ ହୋଇଛି ୨୪ ଘଣ୍ଟିଆ କାଉଣ୍ଟଡାଉନ୍ । ଆଜି ସକାଳ ୮.୫୪ ମିନିଟରେ ଏହାର ଉତକ୍ଷେପଣ କରାଯିବ । ଏଲଭିଏମ୩-ଏମ୬ ମିଶନ ଜରିଆରେ ଆମେରିକୀୟ କମ୍ପାନିର ଯୋଗାଯୋଗ ସାଟେଲାଇଟ୍ ବ୍ଲୁ ବର୍ଡ ବ୍ଲକ୍-୨କୁ ପୃଥିବୀର ନିମ୍ନ କକ୍ଷରେ ସ୍ଥାପନ କରିବ । ଯଦି ମିଶନ ସଫଳ ହୁଏ ତେବେ ଏହା ଭାରତ ଠାରୁ ଆରମ୍ଭ କରି ସାରା ଦୁନିଆ ଏକ ଐତିହାସିକ ମୂହୁର୍ତ୍ତର ସାକ୍ଷୀ ହେବ ।

ଇସ୍ରୋର ଏହାର ସବୁଠାରୁ ଶକ୍ତିଶାଳୀ ରକେଟ୍, LVM3-M6 ସାହାଯ୍ୟରେ ପରବର୍ତ୍ତୀ ପିଢ଼ିର ବାଣିଜ୍ୟିକ ଉପଗ୍ରହ, ‘ବ୍ଲୁ ବାର୍ଡ୍ ବ୍ଲକ-୨’ ଉତ୍‌କ୍ଷେପଣ କରିବ । ଏହି ମିଶନ ଆମେରିକୀୟ କମ୍ପାନି ଏଏସଟି ସ୍ପେସମୋବାଇଲ୍ ସହିତ ଏକ ବାଣିଜ୍ୟିକ ଚୁକ୍ତି ଅନୁଯାୟୀ ପରିଚାଳିତ ହେଉଛି । ଶ୍ରୀହରିକୋଟାରୁ ଏହି ଉତ୍‌କ୍ଷେପଣ ମୋବାଇଲ୍ କନେକ୍ଟିଭିଟିରେ କ୍ରାନ୍ତି ଆଣିପାରେ । ଏହି ଉପଗ୍ରହଟି ସିଧାସଳଖ ସ୍ମାର୍ଟଫୋନକୁ ହାଇ-ସ୍ପିଡ୍ ବ୍ରଡ୍‌ବ୍ୟାଣ୍ଡ ସେବା ପ୍ରଦାନ କରିବା ପାଇଁ ଡିଜାଇନ୍ କରାଯାଇଛି । ଏହି ଉପଗ୍ରହକୁ ୫,୬୦୦ରୁ ଅଧିକ ବ୍ୟକ୍ତିଗତ ସିଗନାଲ୍ ସେଲ୍ ସୃଷ୍ଟି କରିବା ପାଇଁ ଡିଜାଇନ୍ କରାଯାଇଛି ।

ଏଥିସହ ପଢ଼ନ୍ତୁ: କାଲିଠୁ ପ୍ରତି ମ୍ୟାଚ ପାଇଁ କେତେ କୋଟି ପାଇବେ କୋହଲି ?

ଏହା ପ୍ରତି ସେକେଣ୍ଡରେ ୧୨୦ ମେଗାବିଟ୍ ପର୍ଯ୍ୟନ୍ତ ସର୍ବାଧିକ ଗତି ବା ପିକ୍ ସ୍ପିଡ୍ ପ୍ରଦାନ କରିବାକୁ ସକ୍ଷମ । ଏହି ଗତି ଭଏସ୍ କଲିଂ, ମେସେଜିଂ, ଦ୍ରୁତ ଡାଟା ସ୍ଥାନାନ୍ତର ଏବଂ ନିରବଚ୍ଛିନ୍ନ ଭିଡିଓ ଷ୍ଟ୍ରିମିଂ ପାଇଁ ଯଥେଷ୍ଟ । ସଫଳ ଉତକ୍ଷେପଣ ଏବଂ ଉପଗ୍ରହ ସ୍ଥାପନ ହେବା ପରେ ଉପଗ୍ରହକୁ ନିମ୍ନ କକ୍ଷପଥରେ ପରୀକ୍ଷଣ କରାଯିବ।

ଅଧିକ ପଢ଼ନ୍ତୁ ଦେଶ ଖବର: