ଅର୍ଗସ ବ୍ୟୁରୋ : ଅର୍ଜୁନ ବାବା ଚାଟ୍ । ୩୦ ବର୍ଷ ତଳର ସେଇ ସ୍ବାଦ ସେଇମିତି ଅଛି । ଯିଏ ତାଙ୍କ ଚାଟ୍ ଥରେ ଖାଇଛି, ସେ ଆଜିଯାଏଁ ସେ ସ୍ବାଦକୁ ଭୁଲି ପାରିନି । ଏତେ ସୁନ୍ଦର ସ୍ବାଦ ଯେ, ଯଦି ସେ ସକାଳ ୬ରେ ବିକିବା ଆରମ୍ଭ କରନ୍ତି, ୯ରେ ସବୁ ଶେଷ ହୋଇଯାଏ । ଝାଡଖଣ୍ଡ ଗୋଡ୍ଡା ର ଗଂଗଟା ଛକରେ ଥିବା ଅର୍ଜୁନ ବାବା ନାମକ ଜଣେ ବ୍ୟକ୍ତି ଦୀର୍ଘ ୩୦ ବର୍ଷ ହେବ ଚାଟ ଦୋକାନ ଖୋଲିଛନ୍ତି । ଏହାର ସ୍ବାଦ ଆଜିଯାଏଁ ମଧ୍ୟ ବଦଳିନି । ସକାଳେ ଏଠାରେ ସ୍କୁଲ ଛାତ୍ରଛାତ୍ରୀ , ତଥା ଅନ୍ୟମାନଙ୍କର ବେଶ ଭିଡ ଜମିଥାଏ । ଗୋଟେ ପ୍ଲେଟକୁ ୨୦ ଟଙ୍କାରେ ବିକନ୍ତି ଅର୍ଜୁନ । 

ଅଧିକ ପଢନ୍ତୁ ଭାରତ ଖବର

୧୯୯୪ରୁ ସେ ଚାଟ ବିକ୍ରି କରୁଛନ୍ତି । ଦିନକୁ ସେ ୧୦୦୦ ରୁ ୧୫୦୦ ଟଙ୍କା ରୋଜଗାର କରନ୍ତି । ଚାଟ ବିକ୍ରି କରି ସେ ୪ ଜଣ ଝିଅଙ୍କ ବାହାଘର କରାଇବା ସହ ତାଙ୍କର ୪ ଜଣ ପୁଅ ସରକାରୀ ଚାକିରୀ କରୁଛନ୍ତି ।  ଅର୍ଜୁନ ବାବା ପୁରା ଦେଶୀ ଶୈଳୀରେ ଏହି ଚାଟ ପ୍ରସ୍ତୁତ କରିଥାନ୍ତି । ଏଥିପାଇଁ ସେ ତେନ୍ତୁଳୀ ରସ , ଘର ତିଆରି ଲଙ୍କା ଗୁଣ୍ଡ ଆଉ ଘରୋଇ ସାମଗ୍ରୀରେ ପ୍ରସ୍ତୁତ କରିଥାନ୍ତି ।