Paper Leak Controversy / ପେପର ଲିକ୍ ପ୍ରସଙ୍ଗ: ଛାତ୍ର ସ୍ୱାର୍ଥ ନୁହେଁ, ରାଜନୈତିକ ଲାଭ ଉଠାଉଛନ୍ତି ରାହୁଲ

ଛାତ୍ରଛାତ୍ରୀଙ୍କୁ ନେଇ ରାଜନୀତି କରିବା ଉଚିତ୍ ନୁହେଁ । ଏହି ପ୍ରସଙ୍ଗରୁ ରାଜନୈତିକ ଲାଭ ଉଠାଇବା ଅନୁଚତ୍ । ରାହୁଲ ଗାନ୍ଧୀ କରିଥିବା ପ୍ରସ୍ତୁତିକରଣର ଯାଞ୍ଚ ହେବା ଉଚିତ୍ ବୋଲି ପ୍ରେସମିଟ କରି କହିଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଜେପି ନଡ୍ଡା । କଂଗ୍ରେସ ଓ ଇଣ୍ଡି ମେଣ୍ଟର ସହଯୋଗୀ ସରକାରରେ ଥିବା ଏକାଧିକ ରାଜ୍ୟରେ ହୋଇଥିବା ପ୍ରଶ୍ନପତ୍ର ଲିକର ସେ ଏକ ତାଲିକା ଗଣମାଧ୍ୟମ ଆଗରେ ରଖିଛନ୍ତି । ଆଉ ପ୍ରଶ୍ନ କରିଛନ୍ତି ରାହୁଲ ଗାନ୍ଧୀ ଏହି ପ୍ରସଙ୍ଗରେ ଏତେ ସିଲେକ୍ଟିଭ କାହିଁକି ।

ରାହୁଲ ଗାନ୍ଧୀ ଇଣ୍ଡି ମେଣ୍ଟ ସରକାର ଥିବା ରାଜ୍ୟଗୁଡ଼ିକ ସମ୍ପର୍କରେ କାହିଁକି ଚୁପ୍ । ଏଥିରୁ ସ୍ପଷ୍ଟ ଜଣାପଡୁଛି ଯେ ଛାତ୍ରଛାତ୍ରୀଙ୍କ ହିତ ଆପଣଙ୍କ ଉଦ୍ଦେଶ୍ୟ ନୁହେଁ । ଶିକ୍ଷା ବ୍ୟବସ୍ଥାରେ ସୁଧାର ଆସୁ କିମ୍ବା ଛାତ୍ରଛାତ୍ରୀଙ୍କୁ ନ୍ୟାୟ ମିଳୁ ବୋଲି ଆପଣ ଚାହୁଁନାହାନ୍ତି । ଛାତ୍ରଛାତ୍ରୀଙ୍କ ପ୍ରସଙ୍ଗକୁ ନେଇ ରାହୁଲ ଗାନ୍ଧୀ ରାଜନୀତିର ରୁଟି ସେକିବାକୁ ଚାହୁଛନ୍ତି । ଆମେ ଚାହୁଁଛୁ ସଂସଦରେ ଏହି ପ୍ରସଙ୍ଗରେ ବିସ୍ତୃତ ଆଲୋଚନା ହେଉ । ଏହି ଘଟଣାରେ କେଉଁମାନେ ସମ୍ପୃକ୍ତ ଓ ସରକାର ଏଥିରେ କ'ଣ ପଦକ୍ଷେପ ନେଇଛନ୍ତି ଜଣାପଡ଼ିବ ।

ସେହିପରି ସେ ଆହୁରି କହିଛନ୍ତି, ୧୨ ଘଣ୍ଟା କିମ୍ବା ୧୮ ଘଣ୍ଟା କେତେ ସମୟ ଆପଣ ଚର୍ଚ୍ଚା କରିବାକୁ ଚାହୁଁଛନ୍ତି ସ୍ପଷ୍ଟ କରନ୍ତୁ । ବିରୋଧୀ ଏହି ପ୍ରସଙ୍ଗରେ ଆଲୋଚନା କଲାବେଳେ ଗୋଲପୋଷ୍ଟ ନ ବଦଳାନ୍ତୁ । ଛାତ୍ରଛାତ୍ରୀ ଦେଶର ଭବିଷ୍ୟତ ତେଣୁ ଏବଂ ଦେଶର ଭବିଷ୍ୟତର ଚିନ୍ତା କରିବା ଆମ ଦାୟିତ୍ବ । ସରକାରଙ୍କ ସହ ବିରୋଧୀଙ୍କର ମଧ୍ୟ ଏହା ଦାୟିତ୍ବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଜେପି ନଡ୍ଡା ।