ପଶ୍ଚିମବଙ୍ଗ ବିଧାନସଭା ନିର୍ବାଚନରେ ​​ପରାଜୟ ପରେ ତୃଣମୂଳ କଂଗ୍ରେସ ପ୍ରତିଦିନ ବଡ଼ ବପର୍ଯ୍ୟୟର ସାମ୍ନା କରୁଛି । ଦିନକୁ ଦିନ ଦଳ ଭିତରେ ବିଧାୟକ ଓ ସାଂସଦଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି । ଆଉ ଏସବୁ ମଧ୍ୟରେ ବୁଧବାର TMC କୁ ଲାଗିଛି ଏକ ବଡ଼ ଝଟକା । ବାରାସତର ସାଂସଦ କାକୋଲି ଘୋଷ ଟିଏମ୍‌ସିର ସମସ୍ତ ପଦବୀରୁ ଇସ୍ତଫା ଦେଇଛନ୍ତି । ସେ ବାରାସତ୍ ଜିଲ୍ଲା ସଭାପତି ପଦ ସହ ଦଳୀୟ ସଂଗଠନର ଅନ୍ୟ ସମସ୍ତ ପଦବୀରୁ ମଧ୍ୟ ଇସ୍ତଫା ଦେଇଛନ୍ତି ।

କାକୋଲି ଘୋଷ ଟିଏମସି ସଂଗଠନର ସମସ୍ତ ପଦବୀରୁ ତାଙ୍କର ଇସ୍ତଫା ଦଳର ରାଜ୍ୟ ସଭାପତି ସୁବ୍ରତ ବକ୍ସିଙ୍କୁ ପଠାଇଛନ୍ତି । ସୁବ୍ରତ ବକ୍ସିଙ୍କୁ ଚିଠି ଲେଖି ଘୋଷ କହିଛନ୍ତି ଯେ ସେ ଦଳୀୟ ସଂଗଠନର ସମସ୍ତ ପଦବୀରୁ ଇସ୍ତଫା ଦେଉଛନ୍ତି ।

TMC MP Kakoli Ghosh Dastidar resigned from her post as the president of All India Trinamool Mahila Congress wing.

Her letter reads, "...During my tenure, it has not been possible to stop the inappropriate behaviour of another educated woman MP towards women MPs, nor has… pic.twitter.com/ZhXAZ77bT8

— ANI (@ANI) May 27, 2026

ନିକଟରେ ବାରାସାତ ସାଂସଦ କାକୋଲି ଘୋଷ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ TMCର କିଛି ବିଧାୟକଙ୍କ ସହ ସାମିଲ ହୋଇଥିଲେ । ନିର୍ବାଚନରେ ପରାଜୟ ପରେ ମମତା ବାନାର୍ଜୀ କାକୋଲିଙ୍କୁ ଲୋକସଭାରେ TMC ମୁଖ୍ୟ ସଚେତକ ପଦରୁ ହଟାଇ ଦେଇଥିଲେ । ତାଙ୍କ ସ୍ଥାନରେ କଲ୍ୟାଣ ବାନାର୍ଜୀଙ୍କୁ ମୁଖ୍ୟ ସଚେତକ କରିଥିଲେ । ଏହାପରଠୁ ସେ ଟିଏମ୍‌ସି ଉପରେ ପ୍ରବଳ ଅସନ୍ତୋଷ ଥିବା କୁହାଯାଉଛି ।

ଅଧିକ ପଢ଼ନ୍ତୁ: ବିଜେପି ସାଂସଦଙ୍କ ବଡ଼ ଦାବି, TMCର ୫୦ ବିଧାୟକ ଓ ୨୦ ସାଂସଦ ବିଜେପିରେ ମିଶିବାକୁ ପ୍ରସ୍ତୁତ

ସେପଟେ ୧୫ ବର୍ଷ ପରେ କ୍ଷମତାରୁ ହଟିଥିବା ତୃଣମୂଳ କଂଗ୍ରେସ, ପଶ୍ଚିମବଙ୍ଗରେ ବଡ଼ ବିପର୍ଯ୍ୟୟର ସାମ୍ନା କରୁଛି । ଆଉ ଏହାରି ମଧ୍ୟରେ ମମତା ବାନାର୍ଜୀଙ୍କ ତୃଣମୂଳ କଂଗ୍ରେସକୁ ନେଇ ଏକ ବଡ଼ ଦାବି କରିଛନ୍ତି ବିଜେପି ସାଂସଦ ସୌମିତ୍ର ଖାନ । ସେ କହିଛନ୍ତି, ଯଦି ବିଜେପିର କେନ୍ଦ୍ରୀୟ ନେତୃତ୍ୱ ଥରେ ସବୁଜ ସଙ୍କେତ ଦିଅନ୍ତି, ତେବେ TMC ଆଉ ଦଳ ହୋଇ ରହିବ ନାହିଁ । ସମସ୍ତେ ବିଜେପିକୁ ଆସିବା ପାଇଁ ପ୍ରସ୍ତୁତ ଅଛନ୍ତି । ଏପରିକି TMCର ୫୦ ଜଣ ବିଧାୟକ ଦଳ ଉପରେ ଅସନ୍ତୁଷ୍ଟ ଅଛନ୍ତି ଏବଂ ୨୦ ଜଣ ସାଂସଦ ବିଜେପିରେ ସାମିଲ ହେବାକୁ ପ୍ରସ୍ତୁତ ଅଛନ୍ତି ବୋଲି ସେ ବଡ଼ ଦାବି କରିଛନ୍ତି ।