ଅର୍ଗସ ବ୍ୟୁରୋ : ପର୍ଯ୍ୟଟକଙ୍କ ଭିଡ଼ ଜମୁଥିଲା । ମାସେ, ଦୁଇମାସ ପୂର୍ବରୁ ଗୁଲମର୍ଗ ଯିବାକୁ ଟିକେଟ୍ କରୁଥିଲେ ପର୍ଯ୍ୟଟକ । ବ୍ୟବସାୟ ଜମୁଥିଲା, ସ୍ଥାନୀୟ ବ୍ୟବସାୟୀ ଓ ସାଧାରଣ ଲୋକଙ୍କ ଆୟ ବଢ଼ୁଥିଲା । ହେଲେ ଏଥର ବଫର ଧୋକା ଦେବାରୁ ଖାଁ ଖାଁ ଗୁଲମର୍ଗ । ଅର୍ଥାତ ଏଥର ଗୁଲମର୍ଗରେ ବରଫ ପଡ଼ିନି । ପୂର୍ବରୁ ସଫେଦ ପାହାଡ଼ରେ ପରିଣତ ହେଇଯାଉଥିବା ଗୁଲମର୍ଗ ଏଥର ଥୁଣ୍ଟା,ଶୁଖିଲା ଚରାଭୂଇଁରେ ପରିଣତ ହୋଇଛି । 

ଅଧିକ ପଢନ୍ତୁ ଭାରତ ଖବର

ଯାହାଫଳରେ ଉଭେଇ ଯାଇଛି ଗୁଲମର୍ଗର ଭିଡ଼ । ଶୁଭୁନି ଆଉ ପୂର୍ବରୁ କୋଳାହଳ । ଗୁଲମର୍ଗରେ ଜାନୁଆରୀର ଶୀତରେ ବରଫ ହିଁ ବରଫ ଦେଖାଯାଏ । ହେଲେ ଏଥର ଏହି ଶୁଖିଲା ଚିତ୍ର ସମସ୍ତଙ୍କ ଚିନ୍ତା ବଢ଼ାଇଛି । ଚିନ୍ତା ବଢ଼ିବାର କାରଣ ହେଲା, ବରଫ ପଡ଼ି ନଥିବାରୁ ଗ୍ରୀଷ୍ଣ ଋତୁରେ ନଦୀ ଗୁଡ଼ିକରେ ଜଳାଭାବ ଦେଖାଦେଇପାରେ । ସେପଟେ ଜାନୁଆରୀର ଶେଷ ଆଡ଼କୁ ଉଚ୍ଚ ପହାଡ଼ ଗୁଡ଼ିକରେ ସାମାନ୍ୟ ତୁଷାରପାତ ହୋଇଛି ହେଲେ ଏହା ପର୍ଯ୍ୟାପ୍ତ ନୁହଁ ।