Kriti Viral Video / ଧୋନୀଙ୍କ ବନ୍ଧୁ ସହ ଡେଟ୍ କରୁଛନ୍ତି କ୍ରିତି, ଭିଡିଓ ହେଲା ଭାଇରାଲ୍

ମୁମ୍ବାଇ,୨୪/୦୮: ବଲିଉଡ୍ ଅଭିନେତ୍ରୀ କୃତି ସାନନଙ୍କ ପ୍ରେମ ଜୀବନକୁ ନେଇ ପୁଣି ଚର୍ଚ୍ଚା ଜୋର ଧରିଛି। ଦୀର୍ଘଦିନ ଧରି ୟୁକେର ବ୍ୟବସାୟୀ କବୀର ବାହିଆଙ୍କ ସହ କୃତିଙ୍କ ନାମ ଯୋଡ଼ା ହୋଇଆସୁଛି। ତେବେ ଏବେ କୃତି ସୋସିଆଲ ମିଡିଆରେ କବୀରଙ୍କ ସହ ଏକ ଘନିଷ୍ଠ ଫଟୋ ସେୟାର କରିବା ପରେ ଏହି ଚର୍ଚ୍ଚା ଆହୁରି ତେଜ ହୋଇଛି। କୃତି ନିଜ ଇନଷ୍ଟାଗ୍ରାମରେ ଅନେକ ଫଟୋ ସେୟାର କରିଛନ୍ତି। ସେଥିମଧ୍ୟରୁ ଗୋଟିଏ ସେଲଫିରେ ସେ କବୀର ବାହିଆଙ୍କ ସହ ନଜର ଆସିଛନ୍ତି।

ଅଭିନେତ୍ରୀ କୃତି କବୀରଙ୍କ କାନ୍ଧରେ ହାତ ରଖି ନିକଟତର ହୋଇ ପୋଜ୍ ଦେଇଥିବା ବେଳେ ଉଭୟଙ୍କ ମୁହଁରେ ହସ ଦେଖିବାକୁ ମିଳିଛି। କୃତିଙ୍କ ଏହି ଫଟୋ ସାମ୍ନାକୁ ଆସିବା ପରେ ପ୍ରଶଂସକମାନେ ନାନା ପ୍ରକାରର କମେଣ୍ଟ କରୁଛନ୍ତି। କିଛି ପ୍ରଶଂସକ ତ କୃତିଙ୍କୁ କବୀରଙ୍କୁ ବିବାହ କରିବାକୁ ମଧ୍ୟ ଅନୁରୋଧ କରିଛନ୍ତି। ତେବେ ଉଭୟଙ୍କ ସମ୍ପର୍କକୁ ନେଇ ଏପର୍ଯ୍ୟନ୍ତ କୃତି କିମ୍ବା କବୀରଙ୍କ ପକ୍ଷରୁ କୌଣସି ଆନୁଷ୍ଠାନିକ ଘୋଷଣା ହୋଇନାହିଁ। ଅନ୍ୟ ଫଟୋଗୁଡ଼ିକରେ କୃତି ପୁଲ୍‌ରେ ଆରାମ କରୁଥିବା, ମସ୍ତି କରୁଥିବା ଏବଂ ନିଜ ସାନ ଭଉଣୀ ନୁପୁର ସାନନଙ୍କ ସହ ନଜର ଆସିଛନ୍ତି। ଏହି ସମସ୍ତ ଫଟୋ ସୋସିଆଲ ମିଡିଆରେ ଚର୍ଚ୍ଚାର କେନ୍ଦ୍ର ପାଲଟିଛି।

କିଏ କବୀର ବାହିଆ?
ରିପୋର୍ଟ ଅନୁସାରେ, କବୀର ବାହିଆ ୟୁକେର ଜଣେ ବ୍ୟବସାୟୀ। ତାଙ୍କୁ ୱାର୍ଲ୍ଡୱାଇଡ୍ ଏଭିଏସନ୍ ଆଣ୍ଡ୍ ଟୁରିଜମ୍ ସହ ଜଡ଼ିତ ବୋଲି କୁହାଯାଏ। କବୀରଙ୍କର ଭାରତୀୟ କ୍ରିକେଟ ଜଗତ ସହ ମଧ୍ୟ ଘନିଷ୍ଠ ସମ୍ପର୍କ ଥିବା ଚର୍ଚ୍ଚା ହୁଏ। ସେ ପୂର୍ବତନ ଭାରତୀୟ କ୍ରିକେଟର ମହେନ୍ଦ୍ର ସିଂହ ଧୋନି ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ସହ ଅନେକଥର ନଜର ଆସିଛନ୍ତି। କୃତି ଓ କବୀରଙ୍କୁ ନେଇ ଦୀର୍ଘଦିନ ଧରି ଡେଟିଂ ଚର୍ଚ୍ଚା ଚାଲିଥିଲେ ମଧ୍ୟ, ଉଭୟ ଏହାକୁ ନେଇ ନିଜ ମୁହଁରେ କିଛି ସ୍ପଷ୍ଟ କହିନାହାନ୍ତି। ଏବେ କୃତିଙ୍କ ଏହି ନୂଆ ଫଟୋ ସେହି ଚର୍ଚ୍ଚାକୁ ପୁଣିଥରେ ଗରମ କରିଛି। ତେବେ ଫଟୋକୁ ନେଇ ପ୍ରଶଂସକଙ୍କ ଅନୁମାନ ଜୋରଦାର ହୋଇଥିଲେ ମଧ୍ୟ, ଏହାକୁ ସମ୍ପର୍କର ଅଧିକାରିକ ନିଶ୍ଚିତତା ବୋଲି କୁହିବା ଏବେଯାଏ ସମ୍ଭବ ନୁହେଁ।

ପଢନ୍ତୁ ଏହି ଖବର: ଏହି ଅଭିନେତ୍ରୀ ବିକ୍ରି କରୁଥିଲେ ସେକ୍ସ ଟୟ , ବିଦେଶୀଙ୍କ ସହ ଫୋନରେ କରୁଥିଲେ ରୋମାନ୍ସ?

ସେପଟେ ବଲିଉଡ୍ ଅଭିନେତ୍ରୀ କୃତି ସାନନଙ୍କ ରକ୍ଷା ବନ୍ଧନକୁ ନେଇ ଏକ ବିଜ୍ଞାପନ ଏବେ ସୋସିଆଲ ମିଡିଆରେ ଚର୍ଚ୍ଚାରେ ରହିଛି। ଏହି  ବିଜ୍ଞାପନରେ କୃତିଙ୍କ ପୋଷାକକୁ ନେଇ ଅନେକେ ମତ ରଖିଛନ୍ତି। ବିଜ୍ଞାପନରେ କୃତି ସାନନଙ୍କୁ ରକ୍ଷା ବନ୍ଧନ ଉତ୍ସବରେ ଅଂଶଗ୍ରହଣ କରୁଥିବା ଦେଖାଯାଇଛି। ପାରିବାରିକ ଉତ୍ସବର ଏହି ଦୃଶ୍ୟରେ ତାଙ୍କ ପୋଷାକ ବ୍ୟବହାରକାରୀଙ୍କ ଆଲୋଚନାର କେନ୍ଦ୍ରବିନ୍ଦୁ ପାଲଟିଛି।
କିଛି ବ୍ୟବହାରକାରୀ ବ୍ରାଲେଟ୍-ଶୈଳୀର ବ୍ଲାଉଜ୍‌କୁ ନେଇ ପ୍ରଶ୍ନ ଉଠାଇଥିବା ବେଳେ, ଆଉ କିଛି ଲୋକ ବିଜ୍ଞାପନର ଧାରଣା ଓ ଉପସ୍ଥାପନକୁ ନେଇ ମତାମତ ଦେଇଛନ୍ତି। ସୋସିଆଲ ମିଡିଆରେ କିଛି ଲୋକ ଏହାକୁ ଆଧୁନିକ ଫ୍ୟାଶନ୍‌ର ଏକ ଅଭିବ୍ୟକ୍ତି ବୋଲି କହିଥିବା ବେଳେ, ଅନ୍ୟ କିଛି ବ୍ୟବହାରକାରୀ ରକ୍ଷା ବନ୍ଧନ ଭଳି ପାରମ୍ପରିକ ଉତ୍ସବରେ ପୋଷାକ ଚୟନକୁ ନେଇ ଅସନ୍ତୋଷ ପ୍ରକାଶ କରିଛନ୍ତି।