Argus News - ବସଷ୍ଟାଣ୍ଡରେ ଲାଗିଲା ନିଆଁ; ଜଳିପୋଡ଼ି ପାଉଁଶ ହେଲା ୭ ବସ୍

ଜମ୍ମୁ ଓ କାଶ୍ମୀରର କୁପୱାଡା ଜିଲ୍ଲାର ମୁଖ୍ୟ ବସ୍ ଷ୍ଟାଣ୍ଡରେ ବୁଧବାର ରାତିରେ ଏକ ଭୟଙ୍କର ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ୭ଟି ଯାତ୍ରୀବାହୀ ବସ୍ ପୋଡ଼ି ପାଉଁଶ ହୋଇଯାଇଛି । ଘଟଣା ସମ୍ପର୍କରେ ଖବର ପାଇ ଅଗ୍ନିଶମ କର୍ମଚାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିବା ବେଳକୁ ପୂର୍ବରୁ ଛଅଟି ବସ୍ ସମ୍ପୂର୍ଣ୍ଣ ନିଆଁରେ ପୋଡ଼ି ହୋଇଯାଇଥିଲା । ବହୁ ଘଣ୍ଟା ଉଦ୍ୟମ କରିବା ପରେ ନିଆଁକୁ ଆୟତ୍ତ କରାଯାଇଛି ।

• ରାତି ଅଧରେ ଜଳିଗଲା ବସ୍

ଅଗ୍ନିଶମ କର୍ମଚାରୀମାନେ ବସ୍ ଷ୍ଟାଣ୍ଡରେ ପହଞ୍ଚିବା ପରେ ତୁରନ୍ତ ଅଗ୍ନି ନିର୍ବାପନ କାର୍ଯ୍ୟ ଆରମ୍ଭ କରାଯାଇଥିଲା ଏବଂ କିଛି ଘଣ୍ଟାର ନିରନ୍ତର ପ୍ରୟାସ ପରେ ନିଆଁକୁ ସଫଳତାର ସହ ନିୟନ୍ତ୍ରଣ କରାଯାଇଥିଲା । ଏହି ଘଟଣାରେ ମୋଟ ସାତଟି ବସ୍ କ୍ଷତିଗ୍ରସ୍ତ ହୋଇଛି । ମୃତାହତ କିମ୍ବା ଆହତଙ୍କ କୌଣସି ରିପୋର୍ଟ ନାହିଁ । ଅଗ୍ନିକାଣ୍ଡର କାରଣ ବର୍ତ୍ତମାନ ତଦନ୍ତାଧୀନ ଅଛି । ଅଗ୍ନିଶମ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ୭ଟି ବସ ମଧ୍ୟରୁ ୩ଟି ବସ୍ ସମ୍ପୂର୍ଣ୍ଣ ଭାବେ ଜଳିଯାଇଛି ଓ ୩ଟି ବସ୍ ଅଧା ଜଳିଯାଇଛି ଓ ଗୋଟିଏ ବସ୍ ନିଆଁ ବାଜି କ୍ଷତିଗ୍ରସ୍ତ ହୋଇଯାଇଛି ।

#WATCH | J&K: A massive fire broke out at Kupwara Main Bus Stand last night. Upon arrival, fire personnel found that six buses were fully engulfed in flames. Firefighting operations were immediately launched, and after several hours of sustained efforts, the fire was successfully… pic.twitter.com/F0XQJE4gqo

— ANI (@ANI) April 9, 2026

• ଅଗ୍ନିକାଣ୍ଡ କେମିତି ଘଟିଲା ?

ଅଗ୍ନିଶମ ବିଭାଗ କହିଛି ଯେ ଏହି ଅଗ୍ନିକାଣ୍ଡଟି କୁପୱାଡା ଜିଲ୍ଲାର ମୁଖ୍ୟ ବସ୍ ଷ୍ଟାଣ୍ଡରେ ଘଟିଥିଲେ ସୁଦ୍ଧା କାହାର ବି ମୃତ୍ୟୁ ଘଟିନାହିଁ । ରାତ୍ରି ସମୟରେ ଅଗ୍ନିକାଣ୍ଡ ଘଟିଥିବାରୁ ବସ୍ ଷ୍ଟାଣ୍ଡରେ କେହି ଯାତ୍ରୀ ନଥିଲେ । ତେବେ କେଉଁ ପରିସ୍ଥିତିରେ ଏହି ଅଗ୍ନିକାଣ୍ଡ ଘଟିଛି ସେ ସମ୍ପର୍କରେ ସୂଚନା ମିଳିପାରିନାହିଁ । ପୋଲିସ ଏ ନେଇ ତଦନ୍ତ ଆରମ୍ଭ କରିଥିବା ଜଣାପଡ଼ିଛି । ମାତ୍ର ଏତେ ସଂଖ୍ୟାରେ ଯାତ୍ରୀବାହୀ ବସରେ ନିଆଁ ଲାଗିବା ଯୋଗୁଁ ଯାତାୟାତରେ ଅସୁବିଧା ଉପୁଜିଛି ।