Union Minister Resignation / କେନ୍ଦ୍ରମନ୍ତ୍ରୀ ପଦ ସହ ରାଜ୍ୟସଭାରୁ ଇସ୍ତଫା ଦେଲେ ଏଲ୍. ମୁରୁଗନ, ତାମିଲନାଡୁରେ ବିଜେପିକୁ ମଜଭୁତ କରିବା ଲକ୍ଷ୍ୟ

କେନ୍ଦ୍ର ମନ୍ତ୍ରୀ ପଦରୁ ଇସ୍ତଫା ଦେଲେ ଏଲ୍‌.ମୁରୁଗନ । କେବଳ ମନ୍ତ୍ରୀ ପଦ ନୁହେଁ ରାଜ୍ୟସଭା ସଦସ୍ୟ ପଦରୁ ମଧ୍ୟ ଇସ୍ତଫା ଦେଇଛନ୍ତି ମୁରୁଗାନ । ସେ କେନ୍ଦ୍ରୀୟ ମନ୍ତ୍ରୀ ପରିଷଦରେ ସଂସଦୀୟ ବ୍ୟାପାର ଓ ସୂଚନା ଓ ପ୍ରସାରଣ ମନ୍ତ୍ରାଳୟର ରାଷ୍ଟ୍ରମନ୍ତ୍ରୀ ଭାବେ କାର୍ଯ୍ୟରତ ଥିଲେ । କେନ୍ଦ୍ର ମନ୍ତ୍ରୀ ପଦରୁ ଇସ୍ତଫା ଦେଇ ସେ ତାମିଲନାଡୁରେ ବିଜେପିକୁ ଅଧିକ ମଜଭୁତ କରିବା ଉପରେ ଧ୍ୟାନ ଦେବାକୁ ନିଷ୍ପତ୍ତି ନେଇଥିବା ଜଣାପଡ଼ିଛି ।

ଏ ନେଇ ଏଲ୍. ମୁରୁଗନ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏକ ପୋଷ୍ଟ କରି ନିଜର ମତ ରଖିଛନ୍ତି । ସେ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାରତ ମାତା ଏବଂ ତାମିଲନାଡୁର ସେବା କରିବା ତାଙ୍କ ଜୀବନର ସବୁଠାରୁ ବଡ଼ ସମ୍ମାନ ।

It has been the greatest honour of my life to serve Bharat Mata and Tamil Nadu under the leadership of Hon’ble Prime Minister Shri @narendramodi Ji. From the son of daily wage labourers to serving in the Union Council of Ministers under the leadership of Hon’ble PM Shri @narendramodi Ji has been the greatest privilege of my life. Now, I wish to return to the grassroots, stand with our karyakartas and dedicate myself full-time to strengthening the BJP in Tamil Nadu ahead of the 2029 Lok Sabha elections. Nation First. Party Next. Self Last. 🙏🇮🇳 @NitinNabin @blsanthosh

— Dr.L.Murugan (@DrLMurugan) October 13, 2026

ଦିନମଜୁରିଆଙ୍କ ପୁଅ ଭାବେ ଜୀବନ ଆରମ୍ଭ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ କେନ୍ଦ୍ରୀୟ ମନ୍ତ୍ରିପରିଷଦରେ ସେବା କରିବା ପର୍ଯ୍ୟନ୍ତର ଯାତ୍ରା ତାଙ୍କ ପାଇଁ ସବୁଠାରୁ ବଡ଼ ସୌଭାଗ୍ୟ ବୋଲି ସେ ଉଲ୍ଲେଖ କରିଛନ୍ତି ।

ତାମିଲନାଡୁରେ ବିଜେପିକୁ ମଜଭୁତ କରିବା ଉପରେ ଫୋକସ୍

ଏଲ୍. ମୁରୁଗନ କହିଛନ୍ତି ଯେ, ସେ ଏବେ ପୁଣି ତୃଣମୂଳ ସ୍ତରକୁ ଫେରିବାକୁ ଚାହୁଁଛନ୍ତି । ଦଳୀୟ କର୍ମୀଙ୍କ ସହ ରହି ତାମିଲନାଡୁରେ ବିଜେପିର ସଂଗଠନକୁ ଅଧିକ ମଜଭୁତ କରିବା ପାଇଁ ସେ ନିଜକୁ ସମ୍ପୂର୍ଣ୍ଣ ସମର୍ପିତ କରିବେ ବୋଲି କହିଛନ୍ତି । ବିଶେଷକରି ୨୦୨୯ ଲୋକସଭା ନିର୍ବାଚନ ପୂର୍ବରୁ ତାମିଲନାଡୁରେ ବିଜେପିର ସ୍ଥିତିକୁ ଅଧିକ ସୁଦୃଢ଼ କରିବା ତାଙ୍କର ପ୍ରମୁଖ ଲକ୍ଷ୍ୟ ରହିବ ବୋଲି ତାଙ୍କ ପୋଷ୍ଟରୁ ସ୍ପଷ୍ଟ ହୋଇଛି ।