ଏବେ TCS ନାସିକ୍‌ କାର୍ଯ୍ୟାଳୟର HR ପଲିସିକୁ ନେଇ ବିବାଦ ଦେଖିବାକୁ ମିଳିଛି । HR ହେଡ୍‌ଙ୍କ ଉପରେ କର୍ମଚାରୀମାନଙ୍କୁ ଇସଲାମ ଧର୍ମ ଗ୍ରହଣ କରିବାକୁ ପ୍ରୋତ୍ସାହିତ କରିବା ଏବଂ ଚାପ ପକାଇବା ଭଳି ସଙ୍ଗୀନ ଅଭିଯୋଗ ଆସିଛି । ଏହାରି ମଧ୍ୟରେ ଲେନ୍ସକାର୍ଟର ଏକ ଡ୍ରେସ୍ କୋଡ୍ ନୀତି ଡକ୍ୟୁମେଣ୍ଟ୍ ଲିକ୍ ହୋଇଛି । ଯାହାକୁ ନେଇ ଏକ ନୂଆ ବିବାଦ ଦେଖିବାକୁ ମିଳିଛି । ତେବେ ଏହି ଡକ୍ୟୁମେଣ୍ଟ ଲିକ୍‌ ହେବା ପରେ ଲେନ୍ସକାର୍ଟର ପ୍ରତିଷ୍ଠାତା ଏହି ବିଷୟରେ ଏକ ସ୍ପଷ୍ଟୀକରଣ ମଧ୍ୟ ଜାରି କରିଛନ୍ତି ।

TCS ପରେ ଲେନ୍ସକାର୍ଟ ଏବେ ଏହାର ଗ୍ରୁମିଂ ଗାଇଡ୍ ଉପରେ ସମାଲୋଚନାର ସମ୍ମୁଖୀନ ହେଉଛି । କମ୍ପାନୀର ଡ୍ରେସ୍ କୋଡ୍ ନୀତି ସହିତ ଜଡିତ ଏକ ଲିକ୍ ଡକ୍ୟୁମେଣ୍ଟର କିଛି ଦିଗ ଲୋକଙ୍କ ଦୃଷ୍ଟି ଆକର୍ଷଣ କରିଛି । ଲିକ୍ ହୋଇଥିବା ଡକ୍ୟୁମେଣ୍ଟ୍ ଅନୁଯାୟୀ, ଲେନ୍ସକାର୍ଟ କର୍ମଚାରୀମାନଙ୍କୁ କାର୍ଯ୍ୟକ୍ଷେତ୍ରରେ ହିଜାବ୍ ପିନ୍ଧିବାକୁ ଅନୁମତି ଦିଏ, କିନ୍ତୁ ବିନ୍ଦି, ତିଲକ ଏବଂ ପବିତ୍ର ସୂତା ପିନ୍ଧିବାକୁ ବାରଣ କରେ ।

ଲେନ୍ସକାର୍ଟର ଅଫିସ୍ ଡ୍ରେସ୍ କୋଡ୍ ନିର୍ଦ୍ଦେଶାବଳୀ ସହିତ ଜଡିତ ଏକ ଡକ୍ୟୁମେଣ୍ଟ୍ ଲିକ୍ ହେବା ପରେ ଏକ ବଡ଼ ବିବାଦ ସୃଷ୍ଟି କରିଛି । ଲୋକମାନେ ଦର୍ଶାଇଛନ୍ତି ଯେ ଏହା କାର୍ଯ୍ୟକ୍ଷେତ୍ରରେ ବିନ୍ଦି ଏବଂ ତିଲକ ପିନ୍ଧିବାକୁ ନିଷେଧ କରେ, ଆଉ ହିଜାବ ପିନ୍ଧିବାକୁ ଅନୁମତି ପ୍ରଦାନ କରେ ।

ତେବେ ଏହି ବିବାଦ ବଢ଼ିବା ପରେ ଲେନ୍ସକାର୍ଟର ପ୍ରତିଷ୍ଠାତା ଓ ସିଇଓ ପୀୟୁଷ ବଂଶଲ ସ୍ପଷ୍ଟ କରିଛନ୍ତି ଯେ ଏହି ଡକ୍ୟୁମେଣ୍ଟଟି ଭୁଲ ଥିଲା । କମ୍ପାନୀର ପଲିସି ପରିବର୍ତ୍ତନ ହୋଇଛି ଏବଂ ଭାଇରାଲ ହେଉଥିବା ଡକ୍ୟୁମେଣ୍ଟ ବର୍ତ୍ତମାନର ନିର୍ଦ୍ଦେଶାବଳୀକୁ ପ୍ରତିଫଳିତ କରୁନାହିଁ ।

ଦେଖନ୍ତୁ ଏଠାରେ: TCS ପରେ Lenskart ଉପରେ ବିବାଦ! Hijab Allowed, Bindi Ban? CEO Reply Shocks All

ଶେଫାଲି ବୈଦ୍ୟ ନାମକ ଜଣେ ୟୁଜର୍ସ ସୋସିଆଲ ମିଡିଆ ପ୍ଲାଟଫର୍ମ X ରେ ଲେଖିଛନ୍ତି, "ହାଏ ପୀୟୁଷ ବଂଶଲ, ଆପଣ କ'ଣ ଦୟାକରି ସ୍ପଷ୍ଟ କରିପାରିବେ ଯେ ଲେନ୍ସକାର୍ଟରେ ହିଜାବ କାହିଁକି ଠିକ୍, କିନ୍ତୁ ବିନ୍ଦି ଏବଂ ପବିତ୍ର ସୂତା କାହିଁକି ନୁହେଁ?" ଉପଭୋକ୍ତା ଏହି ପୋଷ୍ଟକୁ X ରେ ସେୟାର କରିଛନ୍ତି, ଲେନ୍ସକାର୍ଟ ପ୍ରତିଷ୍ଠାତାଙ୍କୁ ଟ୍ୟାଗ୍ କରିଛନ୍ତି ।

Hi @peyushbansal can you please clarify why hijab is okay but bindi/kalawa is not at @Lenskart_com https://t.co/X35F6hoSHa

— Shefali Vaidya. 🇮🇳 (@ShefVaidya) April 15, 2026

ଏହା ଉପରେ ପୀୟୁଷ ବଂଶଲଙ୍କ ପ୍ରତିକ୍ରିୟା ସୂଚାଇ ଦିଏ ଯେ ଲେନ୍ସକାର୍ଟ ପୂର୍ବରୁ ଏପରି ଏକ ଗ୍ରୁମିଙ୍ଗ୍ ଗାଇଡ୍ ଥିଲା । ପୀୟୁଷ ଲେଖିଛନ୍ତି, "ମୁଁ ସ୍ପଷ୍ଟ ଭାବରେ କହିବାକୁ ଚାହୁଁଛି ଯେ ଏହି ଡକ୍ୟୁମେଣ୍ଟ ଆମର ବର୍ତ୍ତମାନର ନିର୍ଦ୍ଦେଶାବଳୀକୁ ପ୍ରତିଫଳିତ କରେ ନାହିଁ । ଆମର ଗ୍ରୁମିଂ ପଲିସି ବର୍ଷ ବର୍ଷ ଧରି ବିକଶିତ ହୋଇଛି । ପୁରୁଣା ସଂସ୍କରଣ ଆମର ବର୍ତ୍ତମାନର ସ୍ଥିତିକୁ ପ୍ରତିଫଳିତ କରେ ନାହିଁ। ଏହି ପରିସ୍ଥିତି ଯୋଗୁଁ ସୃଷ୍ଟି ହୋଇଥିବା ଦ୍ୱନ୍ଦ୍ୱ ଏବଂ ଚିନ୍ତା ପାଇଁ ଆମେ କ୍ଷମା ପ୍ରାର୍ଥନା କରୁଛୁ ।"

Hi, all. I’ve been seeing an inaccurate policy document going viral about Lenskart.

I want to speak directly that this document does not reflect our present guidelines.

Our policy has no restrictions on any form of religious expression, including bindi and tilak, and we…

— Peyush Bansal (@peyushbansal) April 15, 2026

ବଂଶଲ କହିଛନ୍ତି ଯେ ଲେନ୍ସକାର୍ଟ ବିନ୍ଦି ଏବଂ ତିଳକ ସମେତ କୌଣସି ପ୍ରକାରର ଧାର୍ମିକ ଅଭିବ୍ୟକ୍ତି ଉପରେ କୌଣସି ପ୍ରତିବନ୍ଧକ ଲଗାଇ ନାହିଁ । ସେ ଆହୁରି କହିଛନ୍ତି ଯେ କମ୍ପାନୀ ନିୟମିତ ଭାବରେ ଏହାର ନିର୍ଦ୍ଦେଶାବଳୀ ସମୀକ୍ଷା କରେ । "ଆମର ସାରା ଭାରତରେ ହଜାର ହଜାର ଟିମ୍ ସଦସ୍ୟ ଅଛନ୍ତି ଯେଉଁମାନେ ଆମ ଷ୍ଟୋରଗୁଡ଼ିକରେ ପ୍ରତିଦିନ ଗର୍ବର ସହିତ ସେମାନଙ୍କର ଧର୍ମ ଏବଂ ସଂସ୍କୃତି ପ୍ରଦର୍ଶନ କରନ୍ତି ।''