ଅର୍ଗସ ବ୍ୟୁରୋ : ୨୪ ମହାଲଢେଇ ପାଇଁ କାଉଣ୍ଟଡାଉନ୍ । ଆଉ ମାତ୍ର କେଇ ମୁହୁର୍ତ୍ତର ଅପେକ୍ଷା । ନିର୍ବାଚନ ବିଗୁଲ ବଜାଇବେ ଜାତୀୟ ନିର୍ବାଚନ କମିଶନ । ଆଜି ଅପରାହ୍ନ ୩ଟାରେ ଲୋକସଭା ଏବଂ ଓଡ଼ିଶା ସମେତ ୪ଟି ରାଜ୍ୟରେ ନିର୍ବାଚନ ପାଇଁ ତାରିଖ ଘୋଷଣା କରିବେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର, ଦୁଇ କମିଶନର ଜ୍ଞାନେଶ କୁମାର ଓ ସୁଖବୀର ସିଂ ସାନ୍ଧୁ ।  

ଅଧିକ ପଢନ୍ତୁ ଭାରତ ଖବର

ଏଥର ନିର୍ବାଚନରେ ୨ କୋଟି ନୂଆ ଭୋଟରଙ୍କ ସମେତ ୯୭ କୋଟି ଭାରତୀୟ ମତଦାନ ସାବ୍ୟସ୍ତ କରିବେ । ଲୋକସଭା ପାଇଁ ୭ ରୁ ୮ଟି ପର୍ଯ୍ୟାୟରେ ହୋଇପାରେ ଭୋଟ୍ ଗ୍ରହଣ । ଏହା ସହ ଦେଶରେ ଲାଗୁହେବ ନିର୍ବାଚନ ଆଚରଣ ବିଧି । ବିଜ୍ଞପ୍ତି ପ୍ରକାଶ ପାଇବା ସହ ନାମାଙ୍କନ ଦାଖଲ, ପ୍ରାର୍ଥୀପତ୍ର ପ୍ରତ୍ୟାହାରଠାରୁ ଆରମ୍ଭ କରି ଚୁଡ଼ାନ୍ତ ପ୍ରାର୍ଥୀ ତାଲିକା ସହ ବିଭିନ୍ନ କଟକଣା ମଧ୍ୟ ଲଗାଇବେ ନିର୍ବାଚନ କମିଶନ । ଲାଗୁ ହେବ ନିର୍ବାଚନ ଆଚରଣ ବିଧି ।