LPG Aadhaar Verification / LPG ନେଇ ବଡ଼ ଅପଡେଟ୍, ଆଉ ୫ ଦିନ ପରେ ବନ୍ଦ ହୋଇପାରେ କନେକ୍ସନ୍!

ଯଦି ଆପଣଙ୍କ ଘରେ LPG ଗ୍ୟାସ୍ ସିଲିଣ୍ଡର ଅଛି, ତେବେ ଏହି ଖବର ଆପଣଙ୍କ ପାଇଁ ବେଶ୍ ଗୁରୁତ୍ୱପୂର୍ଣ୍ଣ । LPG e-KYCକୁ ନେଇ ସରକାରଙ୍କ ପକ୍ଷରୁ ଆସିଛି ନୂଆ ଅପଡେଟ୍ । ଗ୍ରାହକଙ୍କ ସୁବିଧାକୁ ଦୃଷ୍ଟିରେ ରଖି e-KYCର ଡେଡଲାଇନ୍ ବଢ଼ାଯାଇଛି । ଏବେ ଅଗଷ୍ଟ ୩୧ ସୁଦ୍ଧା ଏହି ପ୍ରକ୍ରିୟା ପୂରା କରିବାକୁ ହେବ । ତେଣୁ ଶେଷ ମୁହୂର୍ତ୍ତକୁ ଅପେକ୍ଷା ନକରି ଶୀଘ୍ର e-KYC କରାଇନିଅନ୍ତୁ, ନଚେତ୍ ପରେ ଗ୍ୟାସ୍ ବୁକିଂ, ଡେଲିଭରି କିମ୍ବା ସବସିଡିକୁ ନେଇ ସମସ୍ୟା ହୋଇପାରେ ।

ଅର୍ଥାତ୍, ଯେଉଁ ଗ୍ରାହକମାନେ ଏପର୍ଯ୍ୟନ୍ତ LPG କନେକ୍ସନର e-KYC କରିନାହାନ୍ତି, ସେମାନେ ଶୀଘ୍ର ଏହି ପ୍ରକ୍ରିୟା ପୂରା କରିନିଅନ୍ତୁ । ଅଗଷ୍ଟ ୩୧ ସୁଦ୍ଧା e-KYC ନକଲେ ସଙ୍ଗେସଙ୍ଗେ ଆପଣଙ୍କ LPG କନେକ୍ସନ୍ ବାତିଲ ହେବ ନାହିଁ । କିନ୍ତୁ ଘରୋଇ LPG ସିଲିଣ୍ଡର ବୁକିଂ ଏବଂ ଡେଲିଭରିରେ ସମସ୍ୟା ହୋଇପାରେ । କିଛି କ୍ଷେତ୍ରରେ ସବସିଡି ମିଳିବାରେ ମଧ୍ୟ ଅସୁବିଧା ହୋଇପାରେ ଏବଂ ଭେରିଫିକେସନ୍ ପୂରା ହେବା ପର୍ଯ୍ୟନ୍ତ ଅଧିକ ଟଙ୍କା ଦେବାକୁ ପଡ଼ିପାରେ ।

ଅଧିକ ପଢ଼ନ୍ତୁ: ତିବ୍ବତରେ ହଠାତ ଆସିଲା ପ୍ରଳୟଙ୍କାରୀ ବନ୍ୟା…ନେପାଳରେ ପ୍ରାୟ ୧୦୦୦ ଲୋକ ଭାସିଯାଇଥିବା ଆଶଙ୍କା

ସରକାରଙ୍କ e-KYC ପ୍ରକ୍ରିୟାର ମୁଖ୍ୟ ଉଦ୍ଦେଶ୍ୟ ହେଉଛି ଘରୋଇ LPG କନେକ୍ସନ୍ ପ୍ରକୃତ ଗ୍ରାହକଙ୍କ ନାମରେ ରହିଛି କି ନାହିଁ, ତାହା ଯାଞ୍ଚ କରିବା । ଏହାସହ ଘରୋଇ ବ୍ୟବହାର ପାଇଁ ମିଳୁଥିବା LPG ସିଲିଣ୍ଡରର ଅପବ୍ୟବହାର ଏବଂ ବେଆଇନ କମର୍ସିଆଲ୍ ବ୍ୟବହାରକୁ ରୋକିବା ମଧ୍ୟ ଏହାର ଲକ୍ଷ୍ୟ ।

e-KYC କେମିତି କରିବେ ?

ଏଥିପାଇଁ ଆପଣ Aadhaar FaceRD ଆପ୍ ବ୍ୟବହାର କରିପାରିବେ । ଏହାଛଡ଼ା ଆପଣଙ୍କ ଗ୍ୟାସ୍ ଏଜେନ୍ସିର ମୋବାଇଲ୍ ଆପ୍—ଯେପରିକି IndianOil ONE, Bharatgas କିମ୍ବା HP Gas ଆପ୍ ମାଧ୍ୟମରେ ମଧ୍ୟ e-KYC କରିପାରିବେ । ଧ୍ୟାନ ରଖନ୍ତୁ, e-KYC ପ୍ରକ୍ରିୟା ପାଇଁ ଆପଣଙ୍କ ଆଧାର କାର୍ଡ ସହ ମୋବାଇଲ୍ ନମ୍ବର ଲିଙ୍କ୍ ହୋଇଥିବା ଆବଶ୍ୟକ । ତେଣୁ LPG e-KYC ବାକି ଥିଲେ ଆଉ ବିଳମ୍ବ କରନ୍ତୁ ନାହିଁ । ଅଗଷ୍ଟ ୩୧ ପୂର୍ବରୁ ପ୍ରକ୍ରିୟାଟି ପୂରା କରିନିଅନ୍ତୁ ।