Shocking Relationship / ଜ୍ଵାଇଁଙ୍କୁ ପ୍ରେମ କଲା ୫ ଛୁଆର ମାଆ; ସାଥୀରେ ରହିବା ପରେ ଅଜବ ପ୍ରେମ ସମ୍ପର୍କକୁ ନେଇ ଚର୍ଚ୍ଚା

ଲକ୍ଷ୍ନୌ: ଉତ୍ତର ପ୍ରଦେଶର ଆଲିଗଡ଼ର ଶାଶୂ ଏବଂ ଜ୍ୱାଇଁଙ୍କ ପ୍ରେମ କାହାଣୀକୁ ନେଇ ଚର୍ଚ୍ଚା । ନିଜ ଝିଅର ବିବାହ ପାଇଁ ଯେଉଁ ପୁଅକୁ ଖୋଜିଥିଲେ, ଶେଷରେ ତା' ପ୍ରେମରେ ପଡ଼ିଗଲେ ମହିଳା । ଶେଷରେ ଦୁହେଁ ଘର ଛାଡ଼ି ପଳାଇଥିବାବେଳେ ସାଥୀରେ ମଧ୍ୟ ରହୁଛନ୍ତି । ୫ ପିଲାଙ୍କ ମାଆର ଏହି ଘୃଣ୍ୟ କାର୍ଯ୍ୟ ଏବେ ସାରା ଅଞ୍ଚଳକୁ ଲଜ୍ଜିତ କରିଛି । ମହିଳା ଜଣକ ନିଜ ହାତରେ ନିଜ ଝିଅ ଘର ଭାଙ୍ଗିଥିବା ସାଧାରଣରେ ଚର୍ଚ୍ଚା ହେଉଛି ।

• ୫ଟି ସନ୍ତାନର ମାଆ

ଏହି ୩୫ ବର୍ଷୀୟା ଶାଶୂଙ୍କର ପାଞ୍ଚଟି ସନ୍ତାନ ଅଛି । ପାଞ୍ଚଟି ସନ୍ତାନର ମା' ତାଙ୍କ ୧୯ ବର୍ଷୀୟ ଜ୍ୱାଇଁଙ୍କ ପ୍ରେମ ପଡ଼ିଛନ୍ତି । ଶାଶୂ ଜ୍ଵାଇଁଙ୍କ ପ୍ରେମ ସମ୍ପର୍କରେ ଝିଅ କିଛି ଜାଣିନଥିଲେ । ଏବେ ସବୁ କଥା ଜଣାପଡ଼ିବା ପରେ ପରିବାର ଏହି ସମ୍ପର୍କକୁ ବିରୋଧ କରିଛି । ହେଲେ ଶାଶୂ ଏବଂ ଜ୍ୱାଇଁ ପରସ୍ପରକୁ ଛାଡିବାକୁ ପ୍ରସ୍ତୁତ ନୁହଁନ୍ତି । ସେମାନେ ଯାହା ହେଉନା କାହିଁକି ଏକାଠି ରହିବାକୁ ଚାହାଁନ୍ତି ବୋଲି କହିଛନ୍ତି । ଏହି ଅଜବ ପ୍ରେମ କାହାଣୀ ମୈନପୁରୀ ଥାନା ଅଞ୍ଚଳର ଖରଗଜିତ ନଗରରୁ ଆସିଛି ।

ଜ୍ୱାଇଁ କହିଛନ୍ତି ଯେ ତାଙ୍କୁ ୧୯ ବର୍ଷ ବୟସ, କିନ୍ତୁ ଆଧାର କାର୍ଡରେ ବୟସ କମ୍ ଅଛି । ସେ ତାଙ୍କ ଶାଶୂଙ୍କ ସହିତ ରହିବାକୁ ଚାହୁଁଥିବା କହିଛନ୍ତି । ଜ୍ଵାଇଁ କହିଛନ୍ତି ଯେ ଶାଶୂଙ୍କ ସହିତ ତାଙ୍କ ସମ୍ପର୍କ ଦେଢ଼ ମାସ ପୂର୍ବରୁ ଫୋନ୍ ମାଧ୍ୟମରେ ଆରମ୍ଭ ହୋଇଥିଲା । ଏହାପରେ, ସେମାନେ ଏବେ ଏକାଠି ରହିବାକୁ ଚାହୁଁଛନ୍ତି । ମହିଳାଙ୍କ ପାଞ୍ଚଟି ପିଲା ଅଛନ୍ତି ।

• ଚର୍ଚ୍ଚାରେ ଶାଶୂ-ଜ୍ୱାଇଁଙ୍କ ପ୍ରେମ କାହାଣୀ

ପରିବାର ଲୋକେ ଏହି ପ୍ରେମ ସମ୍ପର୍କ ବିଷୟରେ ଜାଣିବା ମାତ୍ରେ ହଙ୍ଗାମା ଆରମ୍ଭ ହୋଇଥିଲା । ମହିଳାଙ୍କ ପିଲାମାନେ ଏହାକୁ ତୀବ୍ର ବିରୋଧ କରିଥିଲେ । ମହିଳା ଜଣକ ତାଙ୍କ ଜ୍ୱାଇଁଙ୍କ ସହିତ ଜଣେ ସମ୍ପର୍କୀୟଙ୍କ ଘରକୁ ଯାଇଥିଲେ । ଏହା ଜାଣିବା ପରେ ତାଙ୍କ ପିଲାମାନେ ମଧ୍ୟ ସେଠାରେ ପହଞ୍ଚି ହଙ୍ଗାମା କରିଥିଲେ । ଘଟଣା ବିଷୟରେ ସୂଚନା ପାଇବା ପରେ, ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲା ।

ପଢନ୍ତୁ ଏହି ଖବର: ହଠାତ୍ ପତ୍ନୀ ଘରେ ପହଞ୍ଚିବାରୁ ପ୍ରେମିକା କହିଲେ ‘ମୁଁ କାମବାଲୀ’, ଲେଡିଜ୍ ପର୍ସ ଖୋଲିଦେଲା ରହସ୍ୟ

• ମୈନପୁରୀର ଶାଶୂ, କୁରାଭାଲିର ଜ୍ୱାଇଁ

ଶାଶୂ ଜଣକ ମୈନପୁରୀର ଘିରୋର ଥାନା ଅଞ୍ଚଳର ବାସିନ୍ଦା, ସେପଟେ ତାଙ୍କ ଜ୍ୱାଇଁ କୁରାୱାଲି ଥାନା ଅଞ୍ଚଳର ସୋନାଇ ଅଶୋକପୁର ଗାଁର ବାସିନ୍ଦା । ପୋଲିସ ତଦନ୍ତରୁ ଜାଣିବାକୁ ପାଇଛି ଯେ ପରିବାର ସେମାନଙ୍କ ସମ୍ପର୍କ ବିଷୟରେ ଜାଣିବା ପର୍ଯ୍ୟନ୍ତ ସେମାନେ ବହୁତ ନିକଟତର ହୋଇସାରିଥିଲେ । ପୋଲିସ ଏବେ ଶାଶୂ ଏବଂ ଜ୍ୱାଇଁଙ୍କ ବିରୋଧରେ ପରିବାରର ଅଭିଯୋଗ ପଛରେ ସତ୍ୟତା ଏବଂ ସେମାନଙ୍କ ସମ୍ପର୍କର ବିଷୟରେ ତଦନ୍ତ କରୁଛି । ଏହି ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।