TMC Internal Revolt / ମମତା ବାନାର୍ଜୀଙ୍କୁ ବଡ଼ ଝଟକା, ଋତବ୍ରତ ବାନାର୍ଜୀ ହେଲେ ବିରୋଧୀ ଦଳ ନେତା

ମମତା ବାନାର୍ଜୀଙ୍କ ତୃଣମୂଳ କଂଗ୍ରେସରେ ବଡ଼ ଫାଟ । ବିଧାନସଭା ନିର୍ବାଚନ ପରେ ଦୁଇ ଫାଳ ହୋଇଗଲା TMC । ମମତାଙ୍କଠୁ ଅଲଗା ହେଲେ ୬୦ ବିଧାୟକ । ୬୦ ବିଧାୟକଙ୍କୁ ନେଇ ନୂଆ ଗୋଷ୍ଠୀ କଲେ ଋତବ୍ରତ ବାନାର୍ଜୀ । ଆଉ ଏହି TMC ର ବିଦ୍ରୋହୀ ଗୋଷ୍ଠୀଙ୍କୁ ମଞ୍ଜୁରୀ ଦେଲେ ବାଚସ୍ପତି । ଏଥିସହ ପଶ୍ଚିମବଙ୍ଗ ବିଧାନସଭାରେ ଋତବ୍ରତ ବାନାର୍ଜୀ ନୂଆ ବିରୋଧୀ ଦଳ ନେତା ହୋଇଛନ୍ତି ।

ସୂଚନା ଅନୁସାରେ, ମମତା ବାନାର୍ଜୀ ଶୋଭନଦେବ ଚଟ୍ଟୋପାଧ୍ୟାୟଙ୍କୁ ବିରୋଧୀ ଦଳ ନେତା ଭାବରେ ଘୋଷଣା କରିଥିଲେ । ଏହା ଦଳ ଭିତରେ ବିଦ୍ରୋହ ସୃଷ୍ଟି କରିଥିଲା । ୮୦ ବିଧାୟକଙ୍କ ମଧ୍ୟରୁ ୬୦ ଜଣ ବିଧାୟକ ଶୋଭନଦେବ ଚଟ୍ଟୋପାଧ୍ୟାୟଙ୍କୁ ବିରୋଧୀ ଦଳ ନେତା ଭାବରେ ଗ୍ରହଣ କରିବାକୁ ମନା କରିଦେଇଥିଲେ । ଏହା ପରେ, ଋତବ୍ରତ ବାନାର୍ଜୀଙ୍କ ନେତୃତ୍ୱରେ ୬୦ ଜଣ ବିଧାୟକ ବାଚସ୍ପତି ରବିନ୍ଦ୍ରନାଥ ବୋଷଙ୍କୁ ଭେଟି ତାଙ୍କୁ କହିଥିଲେ ଯେ ସେମାନେ ଟିଏମସିର ପ୍ରକୃତ ଗୋଷ୍ଠୀ ଏବଂ ରତବ୍ରତ ବାନାର୍ଜୀଙ୍କୁ ବିରୋଧୀ ଦଳ ନେତା ଭାବରେ ମାନ୍ୟତା ଦିଆଯିବା ଉଚିତ । ବିଧାୟକମାନଙ୍କ ଆବେଦନକୁ ବିଚାର କରି ବାଚସ୍ପତି ରତବ୍ରତ ବାନାର୍ଜୀଙ୍କୁ ବିରୋଧୀ ଦଳ ନେତା ଭାବରେ ମାନ୍ୟତା ଦେଇଛନ୍ତି ।

#WATCH | Kolkata, West Bengal: Expelled TMC leader Sandipan Saha says, "We have just submitted the letter. The room designated for the Leader of the Opposition (LoP) has been officially allotted. The LoP is currently seated there... It is our desire that Mamata Didi continues to… pic.twitter.com/Fdb0MLEEv4

— ANI (@ANI) June 3, 2026

ଉଲ୍ଲେଖନୀୟ ଯେ ଦଳ ବିରୋଧୀ କାର୍ଯ୍ୟକଳାପ ଯୋଗୁଁ ନିର୍ବାଚନ ଫଳାଫଳ ପରେ ମମତା ବାନାର୍ଜୀ ରତବ୍ରତ ବାନାର୍ଜୀ ଏବଂ ସନ୍ଦିପନ ଶାହଙ୍କୁ ଟିଏମସିରୁ ନିଲମ୍ବନ କରିଥିଲେ । ଏହା ପରେ, ରତବ୍ରତ ବାନାର୍ଜୀ ମମତା ବାନାର୍ଜୀଙ୍କ ବିରୋଧରେ ବିଦ୍ରୋହ କରିଥିଲେ। ବିରୋଧୀ ଦଳ ନେତା ନିର୍ବାଚିତ ହେବା ପରେ, ଋତବ୍ରତ ବାନାର୍ଜୀ କହିଥିଲେ ଯେ ତାଙ୍କର ୬୦ ଜଣ ବିଧାୟକ ଏବେ ବି ତାଙ୍କ ସହିତ ଅଛନ୍ତି । "ଆମେ ବିରୋଧୀ ଦଳ ଭୂମିକା ନିର୍ବାହ କରିବୁ ଏବଂ ସକାରାତ୍ମକ ରାଜନୀତିରେ ସାମିଲ ହେବୁ।" କିନ୍ତୁ ରତବ୍ରତ ବାନାର୍ଜୀ ମମତା ବାନାର୍ଜୀଙ୍କୁ ସିଧାସଳଖ ବିରୋଧ କରିବାକୁ ଅସ୍ୱୀକାର କରି କହିଥିଲେ ଯେ ମମତା ବାନାର୍ଜୀ ଆମର ନେତା ରହିଛନ୍ତି ଏବଂ ସେ ଆମକୁ ଦିଗଦର୍ଶନ ଦେବା ଜାରି ରଖିବାକୁ ତାଙ୍କୁ ଅନୁରୋଧ କରିଥିଲେ ।