ଅର୍ଗସ ବ୍ୟୁରୋ : ଅଣ୍ଡା କାହାକୁ ବା ଭଲ ନ ଲାଗେ । କାହାକୁ ସିଝା ଅଣ୍ଡା ଭଲ ଲାଗେ ତ ଆଉ କାହାକୁ ତରକାରୀ ଅଣ୍ଡା ଭଲ ଲାଗେ । କିନ୍ତୁ ଏହି ଅଣ୍ଡା କାହାର ଜୀବନ ନେଇଯିବ ଆପଣ କେବେ ଜାଣି ନଥିବେ କି ସୁଣି ନଥିବେ । ଆଜି ଆମେ ଆପଣଙ୍କୁ ଏମିତି ଏକ କଥା କହିବୁ ଆପଣ ସୁଣିଲେ ଚକିତ ହୋଇଯିବେ । କେମିତି ଗୋଟିଏ ଅଣ୍ଡା କେମିତି ଜୀବନ ନେଇଗଲା । ଅଣ୍ଡା ତରକାରୀ କରିବାକୁ ମନା କରିବାରୁ ନିଜର ଲିଭ ଇନ ପାର୍ଟନରଙ୍କୁ କଲେ ହତ୍ୟା । ଏଭଳି ଘଟଣା ଦେଖିବାକୁ ମିଳିଛି ଦେଶର ରାଜଧାନୀ ଦିଲ୍ଲୀର ପାଲମ ବିହାରରେ ।

ପୋଲିସର କହିବା କଥା ଯେ ୩୫ ବର୍ଷୀୟ ଲଲନ ଯାଦବଙ୍କ ଘର ବିହାରର ମାଧେପୁରାରେ । ସେ ୬ ବର୍ଷ ତଳେ ପରିବାର ଲୋକଙ୍କ ସହ ଝଗଡ଼ା କରି ଦିଲ୍ଲୀ ଚାଲି ଆସିଥିଲେ । ଦିଲ୍ଲୀ ଆସିବା ପୂର୍ବରୁ ତାଙ୍କ ପତ୍ନୀ ସାପ କାମୁଡ଼ାରେ ପ୍ରାଣ ହରାଇ ସାରିଥିଲେ । ଦିଲ୍ଲୀରେ ଲଲନ ଯାଦବ ଏକା ରହିବା ସହ ବିଭିନ୍ନ ସ୍ଥାନରେ ଶ୍ରମିକ ଭାବେ କାମ କରୁଥିଲେ । ପ୍ରାୟ ୬ ମାସ ତଳେ ତାଙ୍କର ଦେଖା ୩୨ ବର୍ଷୀୟ ଅଞ୍ଜଳୀଙ୍କ ସହ ଦେଖା ହୋଇଥିଲା । ଏହି ଦେଖା ସାକ୍ଷାତ ପ୍ରେମର ରୂପ ନେଇଥିଲା ଓ ଉଭୟ ଗୁରୁଗ୍ରାମରେ ଏକାଠି ଭଡ଼ା ଘରେ ରହିବା ଆରମ୍ଭ କରିଥିଲେ ।

କିନ୍ତୁ ଗତ ମଙ୍ଗଳବାର ଲଲନ ଯାଦବ ମଦ ପିଇ ଘରକୁ ଆସିଥିଲେ । ସେ ଅଞ୍ଜଳୀଙ୍କୁ ଡିନରରେ ଅଣ୍ଡା ତରକାରୀ ରାନ୍ଧିବାକୁ କହିଥିଲେ । ହେଲେ ସେ ଅଣ୍ଡା ତରକାରୀ କରିବାକୁ ମନା କରି ଦେଇଥିଲେ । ଏହାକୁ ନେଇ ଦୁହେଁଙ୍କ ମଧ୍ୟରେ ପାଟିତୁଣ୍ଡ ଆରମ୍ଭ ହୋଇଥିଲା । ଶେଷରେ ଗୋଟିଏ ହାତୁଡ଼ି ଓ ବେଲ୍ଟରେ ଅଞ୍ଜଳୀଙ୍କୁ ଲଲନ ପିଟିବାକୁ ଲାଗିଥିଲେ । ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ପୋଲିସ୍‌ ବୁଧବାର କୋମା ଅଞ୍ଚଳରେ ଚାଲିଥିବା ନିର୍ମାଣଧୀନ କୋଠାରୁ ଅଞ୍ଜଳୀଙ୍କ କ୍ଷତବିକ୍ଷତ ମୃତଦେହ ଜବତ କରିଥିଲା ।

ଅଧିକ ପଢନ୍ତୁ ଭାରତ ଖବର

ଦମ୍ପତି ନିର୍ମାଣଧୀନ କୋଠାରେ ହିଁ ରହୁଥିଲେ । ମାର୍ଚ୍ଚ ୧୦ରେ ଅନ୍ୟ ଶ୍ରମିକମାନଙ୍କ ସହ ଲଲନ ଓ ଅଞ୍ଜଳୀ ମଧ୍ୟ ଏଠାକୁ ଆସିଥିଲେ । କଣ୍ଟ୍ରାକ୍ଟର ସେମାନଙ୍କୁ ନିର୍ମାଣ କାମ ଚାଲିଥିବା ସ୍ଥାନରେ ହିଁ ରହିବାର ବ୍ୟବସ୍ଥା କରି ଦେଇଥିଲେ । ଡିନରକୁ ନେଇ ମାର୍ଚ୍ଚ ୧୨-୧୩ ତାରିଖ ରାତିରେ ଲଲନ ଓ ଅଞ୍ଜଳୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏହାପରେ ଲଲନ ପିଟିପିଟି ଅଞ୍ଜଳୀଙ୍କୁ ହତ୍ୟା କରିଥିଲେ । ଘଟଣା ପରେ ସେ ଫେରାର ହୋଇ ଯାଇଥିଲେ । କିନ୍ତୁ ପୁଲିସ ଶନିବାର ତାଙ୍କୁ ସରାଇ କାଲେ ଖାନ ଅଞ୍ଜଳରୁ ଗିରଫ କରିଛି ।

Argus News | argus news | Odisha Latest News, Breaking News, Trending News, Live TV