ଦିନେ ଯେଉଁ ମହିଳାକୁ ମାଆ ପରି ଦେଖୁଥିଲେ, ଆଜି ତାଙ୍କୁ କଲେ ଜୀବନସାଥୀ । ସ୍ତ୍ରୀକୁ ଛାଡ଼ି ଶାଶୂ ମାଆକୁ ବିବାହ କଲେ ଯୁବକ । ସେପଟେ ଜଣେ ମାଆ କିପରି ଝିଅର ସଂସାର ଭାଙ୍ଗେ ତାହାର ଚିତ୍ର ମଧ୍ୟ ସାମ୍ନାକୁ ଆସିଛି । ଏହି ଘଟଣା ସଭ୍ୟ ସମାଜକୁ ଖରାପ ବାର୍ତ୍ତା ଦେଉଥିବାବେଳେ ଶାଶୂ-ଜ୍ଵାଇଁଙ୍କ ପ୍ରେମ ଖବର ସମସ୍ତଙ୍କୁ ବିସ୍ମିତ କରିଛି । ଉଭୟ କୋର୍ଟ ମ୍ୟାରେଜ୍ କରିବା ଲାଗି କୋର୍ଟରେ ପହଞ୍ଚିଥିବାର ଭିଡିଓ ଏବେ ଭାଇରାଲ ହେଉଛି ।

ଏଭଳି ଲଜ୍ଜାଜନକ ଘଟଣା ଘଟିଛି ଉତ୍ତର ପ୍ରଦେଶର କାନପୁରଠାରେ । ରିପୋର୍ଟ ଅନୁସାରେ, ଅକବରପୁର ଅଞ୍ଚଳର ଏହି ଘଟଣା ରବିବାର ଅପରାହ୍ନରେ ଲୋକଲୋଚନକୁ ଆସିଥିଲା । ଭାଇରାଲ ଭିଡିଓରେ ଦେଖାଯାଉଛି ଯେ, ଶାଶୂ ଜ୍ଵାଇଁ ପରସ୍ପରକୁ ବରଣମାଳା ପିନ୍ଧାଉଛନ୍ତି ଓ ଏକ ବିବାହ ସାର୍ଟିଫିକେଟ ଧରିଛନ୍ତି । ଭାଇରାଲ ଭିଡିଓର କ୍ୟାପସନରେ ଲେଖାଯାଇଛି ଯେ ଜ୍ଵାଇଁ ନିଜ ଶାଶୂକୁ ବିବାହ କରୁଛନ୍ତି । ଭିଡିଓରେ ଏକ ରୋମାଣ୍ଟିକ ଗୀତ ବାଜୁଥିବାବେଳେ ନବବିବାହିତ ଯୋଡ଼ିଙ୍କୁ ଆଶୀର୍ବାଦ ଦେବା ପାଇଁ ଭ୍ୟୁଅରଙ୍କୁ କୁହାଯାଇଛି । ତେବେ ଏହି ଘଟଣାରେ ସ୍ଥାନୀୟ ପୋଲିସ ତଦନ୍ତ ଆରମ୍ଭ କରିଛି ।

• ସମ୍ପର୍କକୁ ସ୍ଵୀକୃତି ଦେବା ପାଇଁ ଗୁହାରି

ଭିଡିଓରେ ଶାଶୂ ଓ ଜ୍ଵାଇଁ ନିଜ ସମ୍ପର୍କକୁ ନେଇ ସଫେଇ ଦେଉଛନ୍ତି ଓ ତାଙ୍କୁ ସମର୍ଥନ କରିବା ଲାଗି ଜନସାଧାରଣଙ୍କୁ ଅପିଲ୍ କରିଛନ୍ତି । ଏହି ଭିଡିଓରେ ସୋସିଆଲ ମିଡିଆ ୟୁଜରଙ୍କ ମିଶ୍ରିତ ପ୍ରତିକ୍ରିୟା ଦେଖିବାକୁ ମିଳିଛି । କିଛି ୟୁଜର ସେମାନଙ୍କ ସମ୍ପର୍କ ସଭ୍ୟ ସମାଜକୁ ସଠିକ୍ ବାର୍ତ୍ତା ଦେଉନଥିବା କହିଛନ୍ତି । ମାଆ ହୋଇ କିପରି ନିଜର ଝିଅର ସଂସାର ଭାଙ୍ଗିପାରେ, ତାହାକୁ ନେଇ ଅନେକ ୟୁଜର ମତ ପ୍ରକାଶ କରିଛନ୍ତି । ଅନ୍ୟପଟେ କିଛି ୟୁଜର ନିକଟରେ ଆଲିଗଡ଼ରେ ଘଟିଥିବା ସମାନ ଘଟଣାକୁ ମନେ ପକାଇଛନ୍ତି ।

ପଢନ୍ତୁ ଏହି ଖବର: ବିବାହ ପୂର୍ବ ସମ୍ପର୍କ ଚରିତ୍ରର ଦାଗ ଲଗାଏ ନାହିଁ; ଚର୍ଚ୍ଚିତ ରାୟ ଦେଲେ ସୁପ୍ରିମକୋର୍ଟ

କାନପୁର ପୋଲିସର କହିବାନୁସାରେ, ଏହି ଘଟଣାକୁ ନେଇ କେହି ବି ଏଯାବତ ଅଭିଯୋଗ କରିନାହାନ୍ତି । ସ୍ଥାନୀୟ ଲୋକଙ୍କ କହିବାନୁସାରେ ବହୁ ଦିନରୁ ଶାଶୂ ଓ ଜ୍ଵାଇଁଙ୍କ ମଧ୍ୟରେ ଲୁଚାଛପା ପ୍ରେମ ଗଢି ଉଠିଥିଲା । ହୁଏତ ସେମାନେ କୋର୍ଟରେ ବିବାହ କରିଥିବା ସ୍ଥାନୀୟ ଲୋକେ କହିଛନ୍ତି । ସେପଟେ ପୋଲିସ ଏହି ଘଟଣାରେ କୌଣସି ଅଭିଯୋଗ ପାଇନଥିବାରୁ ଅଧିକ ପ୍ରତିକ୍ରିୟା ଦେବାକୁ ମନା କରିଛି । 

कानपुर में रिश्तों को तार तार कर देने वाला बेहद शर्मनाक मामला सामने आया है !
सोचिए कैसे कोई माँ अपनी ही बेटी का सुहाग उजाड़ सकती है ? #mylifemyway के चक्कर में रिश्ते कहाँ से कहाँ तक पहुँच गए ! #marriage #daughter #soninlaw pic.twitter.com/vikJFOfli7

— Rudra Vikram Singh (@Irudravs) June 8, 2026