CJP Funding Allegations / ଅରାଜକତା ସୃଷ୍ଟି ପାଇଁ CJPକୁ ଫଣ୍ଡିଂ କରୁଛି ଆମେରିକା, ମେରି ମିଲବେନ୍‌ଙ୍କ ବଡ଼ ବୟାନ

ଆମେରିକାରୁ ଆସୁଛି ଫଣ୍ଡ। ଏଠି ଅରାଜକତା କରୁଛି ସିଜେପି । ଆମେରିକୀୟ ଗାୟିକା ମେରି ମିଲବେନ୍‌ କକରୋଚ୍‌ ଜନତା ପାର୍ଟି (CJP)କୁ ନେଇ ଏକ ଅଭିଯୋଗ ଆଣିଛନ୍ତି । ମେରି ମିଲବେନ୍ ସିଜେପିର ପୋଲ ଖୋଲିଛନ୍ତି । ମେରି ଏନେଇ ମନ୍ତବ୍ୟ ଦେବା ପରେ ଏହାକୁ ନେଇ ପ୍ରତିକ୍ରିୟା ପ୍ରକାଶ କରିଛି ସିଜେପି । ଆମେରିକାର ଗାୟିକା ମିଲବେନ୍ ଦାବି କରିଛନ୍ତି ଯେ, CJP କୁ ଆମେରିକାରୁ ପାଣ୍ଠି ଯୋଗାଇ ଦିଆଯାଉଛି । ମିଲବେନ୍‌ କହିଛନ୍ତି ଯେ ଏବେ ନୀରବ ରହିବାର ସମୟ ନୁହେଁ । ଭାରତର ଯୁବ ଦେଶଭକ୍ତମାନେ କଥିତ ବିଭାଜନକାରୀ ଶକ୍ତି ବିରୋଧରେ ଏକାଠି ହେବା ସହ ଶାନ୍ତିପୂର୍ଣ୍ଣ ଭାବେ ପ୍ରତିବାଦ କରିବା ଉଚିତ ବୋଲି ସେ ଆହ୍ୱାନ ଦେଇଛନ୍ତି ।

ମୋଦିଙ୍କ ସମର୍ଥନରେ କ’ଣ କହିଲେ ମେରି ମିଲବେନ୍‌ ?

ମେରି ମିଲବେନ୍‌ ନିଜ ପୋଷ୍ଟରେ ଭାରତର ଯୁବ ଦେଶଭକ୍ତମାନଙ୍କୁ ଭୟ ନକରିବାକୁ କହିଛନ୍ତି । ସେ ପ୍ରଧାନମନ୍ତ୍ରୀ ମୋଦିଙ୍କ ଦୀର୍ଘ ରାଜନୈତିକ ଯାତ୍ରା ଏବଂ ନେତୃତ୍ୱର କଥା ଉଲ୍ଲେଖ କରିଛନ୍ତି ।

To all the beautiful young patriots in India: This is not the time to be silent. @abhijeet_dipke and the @Cockroachisback are being funded by donors in the U.S. who are against Prime Minister @NarendraModi and your future under his leadership. Do not fear, my young patriots. Your Prime Minister, who has served India for 25 years, 12 years as Prime Minister, elected three consecutive terms, is not going to bow to disruptive forces from my country. And these select donors have a pattern globally - target conservative global leaders, find an U.S. educated person from the country, radicalize them, send them back to the country, and fund them to start chaos and destruction. None of them have been successful but have impacted the development and governance of the country. It is time for a new voice in #India, born, raised, educated on the soil of India, to RISE UP, organize, and peacefully protest the disruptive spirit of the Cockroach Party. There should always be a counter movement to uphold democracy and freedom. Rise up, young patriots! Rise up!

— Mary Millben (@MaryMillben) October 14, 2026

ତାଙ୍କ ମତରେ, କିଛି ନିର୍ଦ୍ଦିଷ୍ଟ ଦାନଦାତା ବିଶ୍ୱର ରକ୍ଷଣଶୀଳ ନେତାମାନଙ୍କୁ ଟାର୍ଗେଟ କରିଥାନ୍ତି । ସେମାନେ ଆମେରିକାରେ ଶିକ୍ଷା ଗ୍ରହଣ କରିଥିବା ବ୍ୟକ୍ତିଙ୍କୁ ଚିହ୍ନଟ କରି ତାଙ୍କୁ ନିଜ ଦେଶକୁ ପଠାଇବା ସହ ଅଶାନ୍ତି ଓ ବିଶୃଙ୍ଖଳା ସୃଷ୍ଟି କରିବା ପାଇଁ ଅର୍ଥ ଯୋଗାଇଥାନ୍ତି। ଏପରି କାର୍ଯ୍ୟକଳାପ ସମ୍ପୃକ୍ତ ଦେଶର ବିକାଶ ଓ ଶାସନ ବ୍ୟବସ୍ଥାକୁ ପ୍ରଭାବିତ କରିଥାଏ ବୋଲି ସେ ଦାବି କରିଛନ୍ତି ।

ଭାରତରେ କାହିଁକି ଲୋକପ୍ରିୟ ମେରି ମିଲବେନ୍‌ ?

ଆମେରିକୀୟ ଗାୟିକା ମେରି ମିଲବେନ୍‌ ଭାରତରେ ମଧ୍ୟ ବେଶ୍‌ ପରିଚିତ । ୨୦୨୩ରେ ପ୍ରଧାନମନ୍ତ୍ରୀ ମୋଦିଙ୍କ ଆମେରିକା ଗସ୍ତ ସମୟରେ ଆୟୋଜିତ ଏକ କାର୍ଯ୍ୟକ୍ରମରେ ସେ ଭାରତର ଜାତୀୟ ସଙ୍ଗୀତ ‘ଜନ ଗଣ ମନ’ ଗାଇଥିଲେ । ଏହା ବ୍ୟତୀତ ହିନ୍ଦୁ ଧର୍ମାବଲମ୍ବୀଙ୍କ ମଧ୍ୟରେ ଲୋକପ୍ରିୟ ଆରତୀ ‘ଓମ୍‌ ଜୟ ଜଗଦୀଶ ହରେ’ ଗାଇବା ପାଇଁ ମଧ୍ୟ ସେ ଭାରତରେ ପରିଚିତ ।