ଅର୍ଗସ ବ୍ୟୁରୋ : ଇଏ ଏମିତି ମନ୍ଦିର ଯେଉଁଠିକାର ନିୟମକୁ ନେଇ ଏବେ ଚର୍ଚ୍ଚା ଜୋର । କାରଣ ଯେଉଁଠି ପୁଅମାନେ ମନ୍ଦିରକୁ ପ୍ରବେଶ କଲା ବେଳେ ମହିଳାଙ୍କ ବେଶରେ ଯିବାକୁ ପଡେ । କଥାଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିବ କିନ୍ତୁ ଏହା ପୂରା ସତ । କେରଳର କୋଲାମ ଜିଲ୍ଲାରେ ଥିବା କୋଟାନ କୁଲଙ୍ଗରା ଦେବୀ ମନ୍ଦିରେ ରହିଛି ଏମିତି କିଛି ନିୟମ । ଯାହାକୁ ଶୁଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ ।

କୁଲଙ୍ଗରା ଦେବୀ ମନ୍ଦିରରେ ପ୍ରତିବର୍ଷ "ଚାମିଆଭିଲକ୍କୁ" ପର୍ବ ପାଳନ କରାଯାଏ | ଏହି ଦିନ ହଜାରେ ହଜାରେ ସଂଖ୍ୟାରେ ପୁରୁଷ ଏବଂ ମହିଳା ଦେବୀ ମା'ଙ୍କୁ ଦର୍ଶନ କରିବାକୁ ଆସିଥାନ୍ତି | ଏହି ପୂଜା ସାଧାରଣତଃ ଭରଣୀ ନକ୍ଷତ୍ର ଦିନରେ ହୋଇଥାଏ | ଯେଉଁ ପୂଜାର ରହିଛି ଅନେକ ମାହାତ୍ମ୍ୟ ।

ମିଳିଥିବା ସୂଚନା ଅନୁସାରେ, ପୂଜା ଦିନ ପୁରୁଷ ମହିଳାଙ୍କ ବେଶରେ ୧୬ ଶୃଙ୍ଗାର ନେଇ ମନ୍ଦିର ଭିତରକୁ ଦର୍ଶନ ପାଇଁ ଆସିଥାନ୍ତି । ବିଶ୍ବାସ ରହିଛି ଭଲ ପତ୍ନୀ , ଭଲ ଚାକିରି ପରି ମନସ୍କାମନା ମନରେ ରଖି ମନ୍ଦିରକୁ ଯାଆନ୍ତି ପୁରୁଷ । ମହିଳାଙ୍କ ଭଳି ୧୬ ଶୃଙ୍ଗାର ସହ ମନ୍ଦିରରେ ଦେବୀଙ୍କୁ ଦର୍ଶନ କଲେ ମନସ୍କାମନା ପୂର୍ଣ୍ଣ ହୁଏ ବୋଲି ବିଶ୍ବାସ ରହିଛି । ଏହି ପୂଜାର ମୁଖ୍ୟ ଉଦ୍ଦେଶ୍ୟ ସାମାଜିକ ସ୍ତରରେ ପୁରୁଷ ଏବଂ ସ୍ତ୍ରୀ ମାନଙ୍କୁ ଏକ ଭାବିବା ଏବଂ କୌଣସି ଭେଦ ଭାବ ସୃଷ୍ଟି ନକରିବା ପାଇଁ ହୋଇଥାଏ । ଏହାକୁ ଏକ ପୂଜା ଭଳି ନୁହଁ ବରଂ ଏକ ପର୍ବ ଭଳି ପାଳନ କରାଯାଇଥାଏ |

Argus News | argus news | Odisha Latest News, Breaking News, Trending News, Live TV