Meta removed 1.60 lakh suspicious accounts: ଭାରତ ସରକାରଙ୍କ କାର୍ଯ୍ୟାନୁଷ୍ଠାନ ପରେ, ସୋସିଆଲ ମିଡିଆ ପ୍ଲାଟଫର୍ମରେ ବେଆଇନ ଏବଂ ସନ୍ଦିଗ୍ଧ କାର୍ଯ୍ୟକଳାପ ବିରୋଧରେ ଜୋରଦାର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଏହିକ୍ରମରେ ମେଟା ବିଗତ ୬ ମାସରେ ଭାରତରୁ ପ୍ରାୟ ୧ ଲକ୍ଷ ୬୦ ହଜାର ସନ୍ଦିଗ୍ଧ ଆକାଉଣ୍ଟ ହଟାଇଛି। କମ୍ପାନୀ କହିଛି ଯେ ବାଳ ଯୌନ ଶୋଷଣ ଏବଂ ଅନଲାଇନ୍ ଅପରାଧକୁ ରୋକିବା ପାଇଁ କୃତ୍ରିମ ବୁଦ୍ଧିମତ୍ତା ଆଧାରିତ ପ୍ରଯୁକ୍ତିବିଦ୍ୟା ବ୍ୟବହାର କରାଯାଉଛି। ଯାହା ଫଳରେ ଏହା ସନ୍ଦେହଜନକ କାର୍ଯ୍ୟକଳାପକୁ ଚିହ୍ନଟ କରି ସମୟୋଚିତ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ।

ମେଟା ଅନୁଯାୟୀ ଏହାର ପ୍ଲାଟଫର୍ମରେ ଚାଲୁଥିବା ବିଜ୍ଞାପନକୁ ମଧ୍ୟ ଯାଞ୍ଚ କରାଯାଏ। ଯାହା ଦ୍ୱାରା ଏହା ଆପତ୍ତିଜନକ କିମ୍ବା ଅବୈଧ ବିଷୟବସ୍ତୁକୁ ପ୍ରୋତ୍ସାହିତ କରୁନାହିଁ। ବର୍ତ୍ତମାନ ଭାରତ ସରକାର ମେଟା ପାଖକୁ ଏକ ନୋଟିସ ପଠାଇ ଏହାର ପ୍ଲାଟଫର୍ମରେ ଯୌନ ଶୋଷଣ ବିଷୟବସ୍ତୁ ଏବଂ ଏପରି ନେଟୱାର୍କକୁ ରୋକିବା ପାଇଁ କ'ଣ ପଦକ୍ଷେପ ନିଆଯାଉଛି ସେନେଇ ଜବାବ ମାଗିଥିଲେ। ଏହି ନୋଟିସ ପରେ, ମେଟା ଏବେ ଏ ସମ୍ପର୍କିତ ତଥ୍ୟ ପ୍ରଦାନ।

ବାଳ ଶୋଷଣ ଏକ ଭୟଙ୍କର ଅପରାଧ
ବାଳ ଶୋଷଣକୁ ଏକ ଭୟଙ୍କର ଅପରାଧ ଭାବରେ ବର୍ଣ୍ଣନା କରି, ମେଟା କହିଛି ଯେ ଏହା ଏହାର ପ୍ଲାଟଫର୍ମରେ ଏବଂ ବାହାରେ ଏପରି ଘଟଣାର ମୁକାବିଲା କରିବା ପାଇଁ ପ୍ରୟାସ ଜାରି ରଖିଛି। ଏନେଇ କମ୍ପାନୀ କହିଛି, "ଆମେ ଭାରତରେ ବାଳ ଶୋଷଣ ବିରୋଧରେ ଆମର ନୀତିକୁ ଉଲ୍ଲଂଘନ କରୁଥିବା ଇନଷ୍ଟାଗ୍ରାମ (Instagram) ବିଜ୍ଞାପନ ବିଷୟର ବର୍ତ୍ତମାନର ସ୍ଥିତି ବିଷୟରେ ଅବଗତ ଏବଂ ଆମେ ଏହା ସ୍ପଷ୍ଟ କରିବାକୁ ଚାହୁଁଛୁ ଯେ ଆମେ ଏହି ଚିନ୍ତାକୁ ଗମ୍ଭୀରତାର ସହ ନେଉଛୁ। ଆମେ କେବେ ହେଲେ ଚାହୁଁନାହୁଁ ଯେ ଏପରି ବିଷୟବସ୍ତୁ ଆମ ପ୍ଲାଟଫର୍ମରେ ନଜର ଆସୁ। ଆମେ ଏହାକୁ ହଟାଇବା ପାଇଁ ଆମର ପ୍ରୟାସକୁ ଉନ୍ନତ କରିବାକୁ ପ୍ରତିବଦ୍ଧ।

ଏହା ସହ ପଢନ୍ତୁ: 'ବାକ୍ ସ୍ୱାଧିନତାର ଅର୍ଥ ନୁହେଁ କାହାକୁ ଖୋଲାଖୋଲି ଗାଳି ଦେବା'

ଗତ ବର୍ଷ ଏପରି ୪୦ ଲକ୍ଷରୁ ଅଧିକ ଆକାଉଣ୍ଟ ହଟାଯାଇଛି
ମେଟା କହିଛି ଯେ ଏହା କହିବା ସମ୍ପୂର୍ଣ୍ଣ ଭୁଲ ହେବ ଯେ ଜାଣିଶୁଣି ଶିଶୁଙ୍କ ସହିତ ଜଡି଼ତ ଅନୁପଯୁକ୍ତ ବିଜ୍ଞାପନ ଲୋକଙ୍କୁ ଦେଖାଉଛୁ। ହେଲେ ଏହାର ବିପରୀତରେ, ଆମେ ଏପରି ପ୍ରଯୁକ୍ତିବିଦ୍ୟା ବ୍ୟବହାର କରୁ ଯାହା ସନ୍ଦେହଜନକ ଶିଶୁଙ୍କ ସହ ଜଡ଼ିତ କାର୍ଯ୍ୟକଳାପ ସହିତ ଆକାଉଣ୍ଟ ଚିହ୍ନଟ କରେ। ଗତ ବର୍ଷ ଏପରି ୪୦ ଲକ୍ଷରୁ ଅଧିକ ଆକାଉଣ୍ଟ ସ୍ୱୟଂଚାଳିତ ଭାବରେ ହଟାଇଥିବା ମେଟା ପକ୍ଷରୁ କୁହାଯାଇଛି।

କାଲିଫର୍ନିଆ ସ୍ଥିତ ମେନଲୋ ପାର୍କ ଠାରେ ମୁଖ୍ୟାଳୟ ରହିଥିବା ଏକ ପ୍ରଯୁକ୍ତିବିଦ୍ୟା କମ୍ପାନୀ ମେଟା ହେଉଛି ଫେସବୁକ୍, ଇନଷ୍ଟାଗ୍ରାମ ଏବଂ ହ୍ୱାଟ୍ସଆପ୍ ପରି ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ ମାଲିକ। ମେଟା କହିଛି ଯେ ଏହି ମାମଲାକୁ ଦୃଷ୍ଟି ଆକର୍ଷଣ କରିବା ପୂର୍ବରୁ, ଏହାର ପ୍ରବର୍ତ୍ତନ ବ୍ୟବସ୍ଥା ଅନେକ ନୀତି-ଉଲ୍ଲଂଘନକାରୀ ବିଜ୍ଞାପନ ଏବଂ ଏହା ପଛରେ ଥିବା ରହି ଆକାଉଣ୍ଟ ଚିହ୍ନଟ କରି ଏହାକୁ ହଟାଇଛି।

ଶିଶୁଙ୍କ ସହ ଜଡ଼ିତ ୩.୬ କୋଟି କଣ୍ଟେଟ୍ ହଟାଯାଇଛି
କମ୍ପାନୀ କହିଛି, ଆମର ପରବର୍ତ୍ତୀ ତଦନ୍ତ ଯୋଗୁଁ ଅତିରିକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା, ଯେଉଁଥିରେ ଅତିରିକ୍ତ ବିଜ୍ଞାପନ ହଟାଇବା, ଆକାଉଣ୍ଟ ହଟାଇବା ଏବଂ ନୀତି ଉଲ୍ଲଂଘନକାରୀ ବିଷୟବସ୍ତୁ ସହିତ ଜଡିତ URL ଅବରୋଧ କରିବା ଅନ୍ତର୍ଭୂକ୍ତ ରହିଛି। ଏହି ସୋସିଆଲ ମିଡିଆ କମ୍ପାନୀ କହିବା ଅନୁଯାୟୀ, ୩.୬ କୋଟି ବିଷୟବସ୍ତୁ ମଧ୍ୟ ହଟାଇଛି ଯାହା ବାଳ ଶୋଷଣ ସହ ଜଡ଼ିତ ରହିଥିଲା ।