କୋଟିପତି କରିବ ଏହି ଯୋଜନା

ଅର୍ଗସ ବ୍ୟୁରୋ : ଆଜିକାଲି ଧନୀ ହେବାକୁ ସମସ୍ତେ ଚାହାଁନ୍ତି । ସବୁ ମଧ୍ୟବିତ୍ତ ପରିବାରର ଗୋଟିଏ ସ୍ବପ୍ନ ଥାଏ ଯେ ସେ କେବେ କୋଟିପତି ହେବେ ? ତେବେ ଏହି ସ୍ବପ୍ନ ଆଉ ବେଶୀ ଦୂର ନୁହେଁ। କୋଟିପତି ହେବାକୁ ହେଲେ ଦୀର୍ଘକାଳୀନ ବିନିଯୋଗ କରିବାକୁ ପଡିବ। ଏବେ ସାମ୍ନାକୁ ଏମିତି ଏକ ଯୋଜନା ଆସିଛି ଯାହା ଚୁଟକିରେ କରିପାରିବ କୋଟିପତି ।

ପିପିଏଫ ବା ପବ୍ଲିକ ପ୍ରୋଭିଡେଣ୍ଟ ଫଣ୍ଡ । ପିପିଏଫ୍ ଏକ ଲୋକପ୍ରିୟ ଯୋଜନା । କାରଣ ଏଥିରେ ଜମା ହୋଇଥିବା ଟଙ୍କା ଉଚିତ ସମୟରେ ସୁଧ ସହ ମିଳିଥାଏ । ଏବଂ ଟଙ୍କା ପୁରା ସୁରକ୍ଷିତ ଭାବରେ ରହିଥାଏ। ଏହା ସରକାରଙ୍କ EEE ଯୋଜନାରେ ଅନ୍ତର୍ଭୁକ୍ତ । ପ୍ରତିବର୍ଷ ଜମା ଉପରେ ଟିକସ ଛାଡ ଦାବି କରିବାର ଏକ ବିକଳ୍ପ ଅଛି । ପ୍ରତିବର୍ଷ ପ୍ରାପ୍ତ ସୁଧ ଉପରେ କୌଣସି ଟିକସ ଦେବାକୁ ପଡିବ ନାହିଁ। ଏହି ଯୋଜନା ମାଧ୍ୟମରେ ବାର୍ଷିକ ସର୍ବନିମ୍ନ ୫୦୦ ଟଙ୍କା ଏବଂ ସର୍ବାଧିକ ୧.୫ଲକ୍ଷ ଟଙ୍କା ବିନିଯୋଗ କରିହେବ । ପରିପକ୍ୱ ହେବାକୁ PPF ଖାତା ୧୫ ବର୍ଷ ନେଇଥାଏ। ବ୍ୟାଙ୍କ ଏବଂ ଡାକଘରେ ସ୍ଥିର ଜମା ଅପେକ୍ଷା ପିପିଏଫ୍ ଅଧିକ ସୁଧ ପ୍ରଦାନ କରିଥାଏ | ଏହି ଯୋଜନା ଏପ୍ରିଲ ୧,୨୦୨୩ରୁ ୭.୧ପ୍ରତିଶତ ସୁଧ ହାର ପ୍ରଦାନ କରୁଛି |

ଯେକୌଣସି ଭାରତୀୟ ଏହି PPF ଖାତା ଖୋଲିପାରିବେ | ପିପିଏଫ୍ ଯୋଜନାରେ ବିନିଯୋଗ ୧୫ ବର୍ଷ ପର୍ଯ୍ୟନ୍ତ କରିବାକୁ ପଡିବ | ଯଦି ଆପଣ ପରିପକ୍ୱ ସମୟ ପରେ ମଧ୍ୟ ଏହାକୁ ଜାରି ରଖିବାକୁ ଚାହାଁନ୍ତି, ତେବେ ଏପରି ପରିସ୍ଥିତିରେ PPF ଆକାଉଣ୍ଟକୁ ୫ ବର୍ଷ ପର୍ଯ୍ୟନ୍ତ ବଢାଇପାରିବେ। ପିପିଏଫ୍ ଯୋଜନାରେ ଅଳ୍ପ ପରିମାଣର ଟଙ୍କା ଜମା କରି କୋଟିପତି ହୋଇପାରିବେ | ଦେୈନିକ କେବଳ ୪୧୧ ଟଙ୍କା ଅର୍ଥାତ୍ ବାର୍ଷିକ ୧.୫ଲକ୍ଷ ଟଙ୍କା ବିନିଯୋଗ କରି ବର୍ତ୍ତମାନର ୭.୧ପ୍ରତିଶତ ସୁଧ ହାରରେ ୨୫ବର୍ଷରେ ୧.୩କୋଟି ଟଙ୍କା ରୋଜଗାର କରିହେବ |

ଅଧିକ ପଢନ୍ତୁ ଭାରତ ଖବର...