ଦେଶର ଝିଅମାନେ ସୁସ୍ଥ ରହିଲେ ହିଁ ଭାରତ ସମୃଦ୍ଧ ହେବ । ଏହି ସଂକଳ୍ପ ନେଇ ଆଜି ରାଜସ୍ଥାନର ଅଜମେରରୁ ଏକ ଐତିହାସିକ ଅଭିଯାନର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସର୍ଭିଇକାଲ କ୍ୟାନ୍ସର ବା ଜରାୟୁ ମୁଖ କର୍କଟ ଭଳି ମାରାତ୍ମକ ରୋଗରୁ ଦେଶର କୋଟିକୋଟି କିଶୋରୀଙ୍କୁ ରକ୍ଷା କରିବା ପାଇଁ ଆଜିଠାରୁ ଆରମ୍ଭ ହୋଇଛି HPV ଟୀକାକରଣ କାର୍ଯ୍ୟକ୍ରମ । ଡାକ୍ତରୀ ବିଜ୍ଞାନ ଅନୁସାରେ, HPV ଭୂତାଣୁ ସଂସ୍ପର୍ଶରେ ଆସିବା ପୂର୍ବରୁ ଏହି ଟୀକା ଦିଆଗଲେ ସବୁଠାରୁ ଅଧିକ ପ୍ରଭାବଶାଳୀ ହୋଇଥାଏ । ଏହି ବୟସରେ ଟୀକା ନେବା ଦ୍ୱାରା ଶରୀରରେ ଦୀର୍ଘସ୍ଥାୟୀ ରୋଗ ପ୍ରତିରୋଧକ ଶକ୍ତି ସୃଷ୍ଟି ହୁଏ, ଯାହା ଭବିଷ୍ୟତରେ କ୍ୟାନ୍ସର ହେବାର ଆଶଙ୍କାକୁ କମାଇଦିଏ ।

କ’ଣ ଏହି ଅଭିଯାନ?

ପ୍ରତିବର୍ଷ ୧.୧୫ କୋଟି କିଶୋରୀଙ୍କୁ ହ୍ୟୁମାନ ପାପିଲୋମା ଭାଇରସ୍- HPV ଟୀକା ଦିଆଯିବ
କେବଳ ୧୪ ବର୍ଷ ବୟସର ଝିଅମାନଙ୍କୁ ଏହି ଟୀକାକରଣ ପରିସରଭୁକ୍ତ କରାଯାଇଛି
ସିଙ୍ଗିଲ୍ ଶଟ୍ 'ଗାର୍ଡାସିଲ୍-୪' ଟୀକା HPV-୧୬ ଓ ୧୮ ଭଳି ଭୂତାଣୁରୁ ସୁରକ୍ଷା ଦେବ
ସରକାରୀ ହସ୍ପିଟାଲ, ଆୟୁଷ୍ମାନ ଆରୋଗ୍ୟ ମନ୍ଦିର ଓ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ମାଗଣା ମିଳିବ

ରାଜ୍ୟସ୍ତରୀୟ ଏହି ଟୀକାକରଣ ଅଭିଯାନକୁ ଭୁବନେଶ୍ୱର କୃଷି ଭବନରୁ ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ, ସ୍ୱାସ୍ଥ୍ୟ ସଚିବ ଅଶ୍ୱଥୀ ଏସ ଓ NHMର ନିର୍ଦ୍ଦେଶିକା ଡି ବୃନ୍ଦା ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ । ମୁଖ୍ୟମନ୍ତ୍ରୀ କହିଛନ୍ତି, HPV ନିବାରଣ ପାଇଁ ଏହା ଏକ ଯୁଗାନ୍ତକାରୀ ପଦକ୍ଷେପ । ରାଜ୍ୟରେ ୧୪ରୁ ୧୫ ବର୍ଷ ବୟସ୍କ ୩ ଲକ୍ଷ ୩୬ ହଜାର କିଶୋରୀଙ୍କୁ ଟୀକାକରଣ କରାଯିବ । ଆସନ୍ତା ୩ ମାସ ମଧ୍ୟରେ ଏହି କାର୍ଯ୍ୟ ସଂପୂର୍ଣ୍ଣ ହେବ । ସମସ୍ତ ସରକାରୀ ସ୍ୱାସ୍ଥ୍ୟକେନ୍ଦ୍ରରେ ଟୀକା ମାଗଣା ମିଳିବ । କୋଲ୍ଡ ଚେନର ସଠିକ୍ ବ୍ୟବସ୍ଥା ସହିତ ଟୀକାକରଣ ଅଭିଯାନକୁ ସଫଳତାର ସହ ସମାପନ କରାଯିବ।

ଏଥିସହ ପଢ଼ନ୍ତୁ: ସକାଳୁ ଉଠୁ ଉଠୁ ମୁଣ୍ଡ ବିନ୍ଧା, ହୋଇପାରେ ଏହି ବଡ଼ ରୋଗ...

ରାଜ୍ୟରେ ମେ' ୨ ତାରିଖରୁ ସବୁ ବଡ଼ ହସ୍ପିଟାଲରେ HPV ଟୀକାକରଣ ଆରମ୍ଭ ହେବ ବୋଲି ସୂଚନା ଦେଇଛନ୍ତି ସ୍ବାସ୍ଥ୍ୟ ସଚିବ । ମେ' ୫ରୁ ସମସ୍ତ CHC ଓ ଏପ୍ରିଲରୁ ସବୁ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଏହି ଟୀକା ଦିଆଯିବ । ... ଏଥିସହ ଆଜି ଦ୍ରୁତ ଜରୁରୀକାଳୀନ ଆମ୍ବୁଲାନ୍ସ ସେବାର ଲୋକାର୍ପଣ କରାଯାଇଛି । ନୂତନ ୪୨୮ ଟି ୧୦୮ ଆମ୍ବୁଲାନ୍ସରୁ ବାକି ଥିବା ୨୮ ଟି ଆମ୍ବୁଲାନ୍ସ ସେବାର ଆଜି ଲୋକାର୍ପଣ ହୋଇଛି ।

ଅଧିକ ପଢ଼ନ୍ତୁ ଦେଶ ଖବର: