ଫ୍ରାନ୍ସରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସ୍ଲୋଭାକିଆ ଗସ୍ତ ଶେଷ କରି ନିଜର ଦ୍ୱିପାକ୍ଷିକ ୟୁରୋପ ଗସ୍ତର ଦ୍ୱିତୀୟ ପର୍ଯ୍ୟାୟରେ ଫ୍ରାନ୍ସର ସୁନ୍ଦର ଉପକୂଳ ସହର ନିସ୍‌ରେ ପହଞ୍ଚିଛନ୍ତି PM ମୋଦି । ବିମାନବନ୍ଦରରେ ଫ୍ରାନ୍ସ ସରକାରଙ୍କ ବରିଷ୍ଠ ଅଧିକାରୀ ଏବଂ ସେଠାରେ ରହୁଥିବା ପ୍ରବାସୀ ଭାରତୀୟମାନେ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିଛନ୍ତି ।

Un accueil mémorable de la part de la communauté indienne de Nice.

Bien qu’ils se trouvent à plusieurs kilomètres de leur pays, le lien de notre diaspora avec l’Inde demeure plus fort que jamais. pic.twitter.com/gmszw3rfPQ

— Narendra Modi (@narendramodi) June 13, 2026

ଏହି ଗସ୍ତ ଭାରତ ଏବଂ ଫ୍ରାନ୍ସ ମଧ୍ୟରେ ଥିବା ରଣନୈତିକ ସମ୍ପର୍କକୁ ଆହୁରି ମଜବୁତ କରିବ ବୋଲି ଆଶା କରାଯାଉଛି । ନିସ୍‌ରେ ପହଞ୍ଚିବା ପରେ ପ୍ରଧାନମନ୍ତ୍ରୀ ସେଠାରୁ ସିଧାସଳଖ ଇଭିଆନ୍ ଅଭିମୁଖେ ଯାତ୍ରା କରିଛନ୍ତି । ସେଠାରେ ସେ ବିଶ୍ୱର ପ୍ରମୁଖ ନେତାମାନଙ୍କ ସହ ଏକ ଗୁରୁତ୍ୱପୂର୍ଣ୍ଣ ଆଲୋଚନାରେ ଭାଗ ନେବେ । ଏହି ଗସ୍ତ କାଳରେ ପିଏମ୍ ମୋଦି ଫ୍ରାନ୍ସ ରାଷ୍ଟ୍ରପତି ଏମାନୁଏଲ୍ ମାକ୍ରୋନଙ୍କ ସହ ପ୍ୟାରିସଠାରେ ଦ୍ୱିପାକ୍ଷିକ ବୈଠକ କରିବେ । ଏଥିରେ ପ୍ରତିରକ୍ଷା, ମହାକାଶ ଗବେଷଣା, ସାମୁଦ୍ରିକ ସୁରକ୍ଷା ଏବଂ ସ୍ୱଚ୍ଛ ଶକ୍ତି କ୍ଷେତ୍ରରେ ସହଯୋଗ ବଢ଼ାଇବା ନେଇ ଦୁଇ ନେତାଙ୍କ ମଧ୍ୟରେ ଆଲୋଚନା ହେବ ।

ପ୍ୟାରିସରେ ପ୍ରଧାନମନ୍ତ୍ରୀ ଭାରତୀୟ ପ୍ରବାସୀମାନଙ୍କୁ ସମ୍ବୋଧିତ କରିବାର ମଧ୍ୟ କାର୍ଯ୍ୟକ୍ରମ ରହିଛି । ଏହି ଗସ୍ତ ଅବସରରେ ଭାରତୀୟ ଏବଂ ଫ୍ରାନ୍ସ କମ୍ପାନୀଗୁଡ଼ିକ ମଧ୍ୟରେ କେତେକ ଗୁରୁତ୍ୱପୂର୍ଣ୍ଣ ବାଣିଜ୍ୟିକ ଚୁକ୍ତି ସ୍ୱାକ୍ଷରିତ ହେବାର ସମ୍ଭାବନା ରହିଛି ।

Prime Minister Narendra Modi - US President Donald Trump to meet in France: White House pic.twitter.com/6HCql8Gp6p

— ANI (@ANI) June 13, 2026

ସେପଟେ ଫ୍ରାନ୍ସରେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ପ୍ୟାରିସ୍‌ରେ ଜି-୭ ଶିଖର ସମ୍ମିଳନୀରେ ଏକାଠି ହେବେ ଦୁଇ ରାଷ୍ଟ୍ରନେତା । ୧୬ ମାସର ବ୍ୟବଧାନ ପରେ ଉଭୟ ନେତାଙ୍କ ମଧ୍ୟରେ ପୁଣି ଥରେ ଆଲୋଚନା ହେବ । ଦୁଇ ନେତାଙ୍କ ଭିତରେ ବିଭିନ୍ନ ବୈଶ୍ବିକ ପ୍ରସଙ୍ଗରେ ଗୁରୁତ୍ବପୂର୍ଣ୍ଣ ଆଲୋଚନା ହେବ । ମୋଦି-ଟ୍ରମ୍ପ ଭେଟ ନେଇ ହ୍ବାଇଟହାଉସ ପକ୍ଷରୁ ସୂଚନା ଜାରି ହୋଇଛି ।