ଚାଷୀଙ୍କୁ ମିଳିଛି ବଡ଼ ଉପହାର । ଖରିଫ ଋତୁ ପାଇଁ MSP ବୃଦ୍ଧି କଲେ କେନ୍ଦ୍ର ସରକାର । ମୁଖ୍ୟ ଖରିଫ ଫସଲ ଧାନର ସର୍ବନିମ୍ନ ସହାୟକ ମୂଲ୍ୟରେ ମଧ୍ୟ ବୃଦ୍ଧି କରାଯାଇଛି । କେନ୍ଦ୍ର କ୍ୟାବିନେଟ ବୈଠକରେ ଏମଏସପି ବୃଦ୍ଧି ନେଇ ବଡ଼ ନିଷ୍ପତ୍ତି ନେଇଛନ୍ତି ମୋଦି ସରକାର । ଫଳରେ ସୂର୍ଯ୍ୟମୁଖୀ ଓ କପା ଚାଷୀ ଉପକୃତ ହେବେ, ପକେଟକୁ ଯିବ ଅଧିକ ଟଙ୍କା ।

୨୦୨୬-୨୭ ଖରିଫ ଋତୁ ପାଇଁ ସରକାର ୧୪ଟି ଶସ୍ୟର ସର୍ବନିମ୍ନ ସହାୟକ ମୂଲ୍ୟ ବା MSP ବୃଦ୍ଧି କରିଛନ୍ତି ମୋଦି ସରକାର । କେନ୍ଦ୍ର ସରକାର ଚାଷୀଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଏକ ବଡ଼ ନିଷ୍ପତ୍ତି ନେଇଛନ୍ତି । ୨୦୨୬-୨୭ ଆର୍ଥିକ ବର୍ଷ ପାଇଁ ୧୪ଟି ଖରିଫ ଫସଲର ସର୍ବନିମ୍ନ ସହାୟକ ମୂଲ୍ୟ (MSP) ବୃଦ୍ଧି କରାଯାଇଛି ।
ଧାନର MSP ବୃଦ୍ଧି: ମୁଖ୍ୟ ଖରିଫ ଫସଲ ଧାନର ସର୍ବନିମ୍ନ ସହାୟକ ମୂଲ୍ୟରେ ମଧ୍ୟ ବୃଦ୍ଧି କରାଯାଇଛି ।

ପଲସେସ୍ (ଡାଲି) ଏବଂ ତୈଳବୀଜ ଉପରେ ଗୁରୁତ୍ୱ: ସରକାର ବିଶେଷ କରି ଡାଲି ଜାତୀୟ ଶସ୍ୟ ଏବଂ ତୈଳବୀଜର MSP ରେ ଅଧିକ ବୃଦ୍ଧି କରିଛନ୍ତି, ଯାହାଦ୍ୱାରା ଦେଶ ଏହି କ୍ଷେତ୍ରରେ ଆତ୍ମନିର୍ଭରଶୀଳ ହୋଇପାରିବ ।

ଚାଷୀଙ୍କୁ ଉତ୍ସାହ: ଏହି ପଦକ୍ଷେପ ଦ୍ୱାରା ଚାଷୀମାନେ ସେମାନଙ୍କର ଉତ୍ପାଦ ପାଇଁ ଉଚିତ ମୂଲ୍ୟ ପାଇପାରିବେ ଏବଂ ଚାଷ କାର୍ଯ୍ୟ ପାଇଁ ଅଧିକ ଆଗ୍ରହୀ ହେବେ ।
ଖର୍ଚ୍ଚ ତୁଳନାରେ ଅଧିକ ରିଟର୍ଣ୍ଣ: ସରକାରଙ୍କ କହିବା ଅନୁସାରେ ଏହି ନୂଆ ମୂଲ୍ୟ ଚାଷୀଙ୍କ ଉତ୍ପାଦନ ଖର୍ଚ୍ଚ ତୁଳନାରେ ଅତିକମରେ ୫୦ ପ୍ରତିଶତ ଅଧିକ ଲାଭ ପ୍ରଦାନ କରିବ ।

ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର କ୍ୟାବିନେଟ କମିଟି (CCEA) ବୈଠକରେ ଏହି ନିଷ୍ପତ୍ତି ନିଆଯାଇଛି । ଏହା ଗ୍ରାମୀଣ ଅର୍ଥନୀତିକୁ ସୁଦୃଢ଼ କରିବାରେ ସାହାଯ୍ୟ କରିବ ବୋଲି ଆଶା କରାଯାଉଛି । MSP ବୃଦ୍ଧି ଫଳରେ ଚାଷୀଙ୍କୁ ପ୍ରାୟ ୨.୬୦ ଲକ୍ଷ କୋଟି ଟଙ୍କା ଲାଭ ମିଳିବ ।

ସୂର୍ଯ୍ୟମୁଖୀ ମଞ୍ଜି: କ୍ୱିଣ୍ଟାଲ ପିଛା ସବୁଠାରୁ ଅଧିକ ୬୨୨ ଟଙ୍କା ବୃଦ୍ଧି
କପା: କ୍ୱିଣ୍ଟାଲ ପିଛା ୫୫୭ ଟଙ୍କା ବୃଦ୍ଧି
ରାଶି ଓ ଚିନାବାଦାମ: ଏହାର ମୂଲ୍ୟରେ ମଧ୍ୟ ବଡ଼ ଧରଣର ବୃଦ୍ଧି କରାଯାଇଛି