ମୁମ୍ବାଇ: ରନ୍‌ୱେରେ ଗୋଟିଏ ବିମାନ ଲ୍ୟାଣ୍ଡ କରୁଥିଲା । ସେହି ସମୟରେ ସମାନ ରନ୍‌ୱେରେ ଆଉ ଏକ ବିମାନ ଉଡ଼ାଣ ଭରିବାକୁ ଯାଉଥିଲା । ମାତ୍ର କେଇ ସେକେଣ୍ଡ... ATC (ଏୟାର୍ ଟ୍ରାଫିକ୍ କଣ୍ଟ୍ରୋଲ୍)ର ତ୍ଵରିତ ପଦକ୍ଷେପ ପାଇଁ ମୁମ୍ବାଇ ବିମାନବନ୍ଦରରେ ଟଳି ଯାଇଛି ବଡ଼ ଅଘଟଣ ।

ସୂଚନା ଅନୁସାରେ, ମଙ୍ଗଳବାର ରାତିରେ ମୁମ୍ବାଇ ବିମାନବନ୍ଦରରେ ଗୋଟିଏ ସମୟରେ ଗୋଟିଏ ରନୱେରେ ୨ଟି ବିମାନ ଥିଲେ । ATC ତୁରନ୍ତ ତତ୍ପରତା ଦେଖାଇ ଉଡ଼ାଣ ଭରିବାକୁ ଯାଉଥିବା ବିମାନକୁ ତୁରନ୍ତ ଅଟକାଇବା ସହ ବେକୁ ଫେରିବାକୁ ନିର୍ଦ୍ଦେଶ ଦେଇଥିଲା ।

ଏଥିସହ ପଢ଼ନ୍ତୁ: CRPF ପକ୍ଷରୁ ଆରମ୍ଭ ହେଲା 'May I Help You' ଅଭିଯାନ ଆରମ୍ଭ 

ଉଡ଼ାଣ ପୂର୍ବରୁ ଏୟାର୍ ଇଣ୍ଡିଆ ବିମାନକୁ ଅଟକାଇ ଦିଆଯାଇଥିବା ଜଣାପଡ଼ିଛି । ସୂଚନା ଅନୁସାରେ, ମୁମ୍ବାଇ ବିମାନବନ୍ଦରରେ ଏୟାର୍ ଇଣ୍ଡିଆ ଏକ୍ସପ୍ରେସ୍ ବିମାନ ଅବତଣ କରିଥିଲା । ବିମାନଟି ପଶ୍ଚିମବଙ୍ଗର ସିଲିଗୁଡ଼ିରୁ ଆସି ରନ୍‌ୱେରେ ଅବତରଣ କରିବା ପରେ ବେକୁ ଯାଇ ନଥିଲା ।

The crew operating flight AI816 from Mumbai to Delhi on 7 July discontinued the take-off run after receiving an instruction to do so from the Air Traffic Control and returned to the bay. The aircraft will undergo necessary checks as per standard operating procedures. Meanwhile,…

— ANI (@ANI) July 7, 2026

ସେହି ସମୟରେ ସମାନ ରନୱେରେ ଉଡ଼ାଣ ପାଇଁ ପ୍ରସ୍ତୁତ ହୋଇ ସାରିଥିଲା ଏୟାର ଇଣ୍ଡିଆର ବିମାନ । ଦୁଇଟି ଯାକ ବିମାନ ଗୋଟିଏ ରନ୍‌ୱେରେ ଆସି ଯାଇଥିଲେ । ଯାହା ଦେଖି ATC ତୁରନ୍ତ ଏୟାର୍ ଇଣ୍ଡିଆ ପାଇଲଟ୍‌ଙ୍କୁ ଉଡ଼ାଣ ରୋକିବାକୁ ନିର୍ଦ୍ଦେଶ ଦେଇଥିଲା ।

ସୂଚନା ଅନୁସାରେ, ଏୟାର ଇଣ୍ଡିଆର ବିମାନ AI816 ବୋଇଂ ୭୭୭-୩୦୦ ଆକାରରେ ବଡ଼ । ଯାହାକି ଉଡ଼ାଣ ଭରିବାର ଥିଲା । ସେପଟେ ସିଲିଗୁଡ଼ିରୁ ଆସିଥିବା ବିମାନ AIX1547 ବୋଇଂ AIX1547 ଆକାରରେ ଛୋଟ । ମୁମ୍ବାଇ ବିମାନବନ୍ଦରରେ ଅଘଟଣ ଟଳି ଯାଇଥିବା ବେଳେ ଏୟାର୍ ଇଣ୍ଡିଆ ପକ୍ଷରୁ ବୟାନ ଜାରି କରାଯାଇଛି ।

ଏଥିସହ ପଢ଼ନ୍ତୁ: ଇଣ୍ଡୋନେସିଆରେ ଶୁଭାରମ୍ଭ ହେଲା IIM ବେଙ୍ଗାଲୁରୁର କ୍ୟାମ୍ପସ୍ 

ଏୟାର୍ ଇଣ୍ଡିଆ କହିଛି ଯେ, "ATC ପକ୍ଷରୁ ଆମ କ୍ରିଉଙ୍କୁ ନର୍ଦ୍ଦେଶ ମିଳିବା ପରେ ଉଡ଼ାଣ ପ୍ରକ୍ରିାକୁ ତୁରନ୍ତ ରୋକି ଦିଆ ଯାଇଥିଲା ଏବଂ ବିମାନକୁ ପୁଣି ଥରେ ବେକୁ ନିଆ ଯାଇଥିଲା । ଏସଓପି ଅନୁସାରେ, ବିମାନର ବୈଷୟିକ ଯାଞ୍ଚ କରାଯିବ । ପ୍ରଭାବିତ ଯାତ୍ରୀଙ୍କ ପାଇଁ ବିକଳ୍ପ ବ୍ୟବସ୍ଥା କରାଯାଇଛି ।"