Mumbai Terror Threat: ଗଣେଶ ପୂଜା ଭସାଣୀ ବେଳେ ବିସ୍ଫୋରଣ ଧମକ, ୪୦୦ କେଜି RDX ନେଇ ପଶିଛନ୍ତି ୧୪ ଆତଙ୍କୀ !
Key Points
ଗଣେଷ ପୂଜା ବିସର୍ଜନ ପୂର୍ବରୁ ମୁମ୍ବାଇରେ ବୋମା ଆତଙ୍କ । ୩୪ଟି ସ୍ଥାନରେ ମାନବ ବୋମା ଥିବା ଧମକପୂର୍ଣ୍ଣ କଲ୍ । ହାଇଆଲର୍ଟରେ ମୁମ୍ବାଇ ପୋଲିସ୍ ।
ମୁମ୍ବାଇରେ ବୋମା ଆତଙ୍କ । ମୁମ୍ବାଇର ବିଶ୍ବ ପ୍ରସିଦ୍ଧ ଗଣେଶ ପୂଜା ଭସାଣୀ ବେଳେ ଆତଙ୍କବାଦୀ ଆକ୍ରମଣର ଧମକ ମିଳିଛି । ଏହି ଆକ୍ରମଣ ପାଇଁ ୩୪ଟି ଗାଡ଼ିରେ ୪୦୦ କେଜି RDX ଖଞ୍ଜାଯାଇଛି । ସେହିପରି ମୁମ୍ବାଇରେ ବଡ଼ ଧରଣର ଆକ୍ରମଣ ପାଇଁ ୧୪ ଜଣ ପାକିସ୍ତାନୀ ଆତଙ୍କବାଦୀ ଭାରତରେ ପ୍ରବେଶ କରିଛନ୍ତି । ବଡ଼ ଧରଣର ଆକ୍ରମଣ କରି ପୂରା ମୁମ୍ବାଇକୁ ଦୋହଲାଇ ଦିଆଯିବ ବୋଲି ମୁମ୍ବାଇ ପୋଲିସକୁ ଧମକ ମିଳିଛି ।
ଆସନ୍ତାକାଲି ମୁମ୍ବାଇରେ ଗଣେଶ ପୂଜା ବିସର୍ଜନ ଅନୁଷ୍ଠିତ ହେବ । ୬୫୦୦ ପୂଜା ମଣ୍ଡପରେ ବିସର୍ଜନ କରାଯିବ । ସୁରକ୍ଷିତ ବିସର୍ଜନ ପାଇଁ ମୁମ୍ବାଇରେ କଡ଼ା ସୁରକ୍ଷା ବ୍ୟବସ୍ଥା । ବିଭିନ୍ନ ସ୍ଥାନରେ ୧୦ ହଜାର ସିସିଟିଭି ମୁତୟନ କରାଯାଇଛି । ଏସବୁ ମୁମ୍ବାଇ ପୋଲିସକୁ ଆସିଛି ଏକ ଧମକ ।
ଧମକପୂର୍ଣ୍ଣ କଲ୍ ମୁମ୍ବାଇ ଟ୍ରାଫିକ ପୋଲିସର ହେଲ୍ପଲାଇନ୍ ନମ୍ବରରେ ଆସିଥିଲା। ଅନନ୍ତ ଚତୁର୍ଦ୍ଦଶୀ ପୂର୍ବରୁ ଲସ୍କର-ଏ-ଜିହାଦି ନାମକ ଏକ ସଂଗଠନ ଦ୍ୱାରା ଏହି ଧମକ ଦିଆଯାଇଛି। ଏହି ଧମକ ପରେ, କେବଳ ମୁମ୍ବାଇ ନୁହେଁ ବରଂ ସମଗ୍ର ରାଜ୍ୟକୁ ସତର୍କ କରାଯାଇଛି ଏବଂ ଗୁରୁତ୍ୱପୂର୍ଣ୍ଣ ସ୍ଥାନଗୁଡ଼ିକର ସୁରକ୍ଷା ବୃଦ୍ଧି କରାଯାଇଛି।
📱 Get Argus News App
✨Mumbai Police say, "Traffic Police in Mumbai received threats over their official WhatsApp number. In the threat, a claim has been made that 34 'human bombs' have been planted in 34 vehicles across the city and the blast will shake entire Mumbai. The organisation, claiming to be…
— ANI (@ANI) September 5, 2025
ଧମକ ଦେଇଥିବା ବ୍ୟକ୍ତି ଦାବି କରିଛନ୍ତି ଯେ ୪୦୦ କିଲୋଗ୍ରାମ RDX ବିସ୍ଫୋରଣ ପାଇଁ ୩୪ଟି ମାନବ ବୋମା ବହନ କରୁଥିବା କାର ବ୍ୟବହାର କରାଯିବ। ଏହି ବୋମା ବିସ୍ଫୋରଣରେ ଅତିକମରେ ଏକ କୋଟି ଲୋକଙ୍କ ମୃତ୍ୟୁ ହେବ ବୋଲି ଦାବି କରାଯାଇଛି। ବିସ୍ଫୋରଣ ଏତେ ଭୟଙ୍କର ହେବ ଯେ ପୂରା ମୁମ୍ବାଇ ଦୋହଲି ଯିବ ।
'ଲସ୍କର-ଏ-ଜିହାଦି' ବୋଲି ଦାବି କରୁଥିବା ଏହି ସଂଗଠନ କହିଛି ଯେ ୧୪ ଜଣ ପାକିସ୍ତାନୀ ଆତଙ୍କବାଦୀ ଭାରତରେ ପ୍ରବେଶ କରିଛନ୍ତି । ଧମକପୂର୍ଣ୍ଣ ବାର୍ତ୍ତାରେ ଆହୁରି କୁହାଯାଇଛି ଯେ ବିସ୍ଫୋରଣରେ ୪୦୦ କିଲୋଗ୍ରାମ RDX ବ୍ୟବହାର କରାଯିବ । ମୁମ୍ବାଇ ପୋଲିସକୁ ଏହି ଧମକପୂର୍ଣ୍ଣ ମେସେଜ ମିଳିବା ପରେ କ୍ରାଇମବ୍ରାଞ୍ଚ ପକ୍ଷରୁ ତଦନ୍ତ ଆରମ୍ଭ କରାଯାଇଛି। ଆତଙ୍କବାଦୀ ନିରୋଧ ସ୍କ୍ୱାଡ୍ (ATS) ଓ ଅନ୍ୟ ଏଜେନ୍ସିମାନଙ୍କୁ ଏ ସମ୍ପର୍କରେ ଅବଗତ କରାଯାଇଛି ।