ଅର୍ଗସ ବ୍ୟୁରୋ : ସଙ୍ଗୀତ ସମ୍ରାଟ ଉସ୍ତାଦ ରଶିଦ ଖାନଙ୍କର ପରଲୋକ । ମୃତ୍ୟୁ ବେଳକୁ ତାଙ୍କୁ ୫୫ ବର୍ଷ ହୋଇଥିଲା । ସେ କ୍ୟାନସରରେ ପୀଡ଼ିତ ଥିଲେ । କୋଲକାତାର ପିଅରଲେସ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ସୂଚନା ଅନୁଯାୟୀ ତାଙ୍କ ମୃତଦେହକୁ କୋଲକାତାର ପିସହିବେନକୁ ପଠାଯିବ । ରାତିରେ ସେଠାରେ ତାଙ୍କର ମୃତଦେହ ରହିବ । ଆସନ୍ତାକାଲି ତାଙ୍କର ଶେଷକୃତ୍ୟ ସମ୍ପନ୍ନ କରାଯିବ । 

ଅଧିକ ପଢନ୍ତୁ ଭାରତ ଖବର

ତାଙ୍କ ମୃତଦେହକୁ ଶେଷ ଦର୍ଶନ ପାଇଁ ରବୀନ୍ଦ୍ର ସଦନରେ ରଖାଯିବ । ରଶିଦ ଖାନଙ୍କ ପରଲୋକରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶୋକ ପ୍ରକାଶ କରିଛନ୍ତି । ୨୦୨୨ ମସିହାରେ ଉସ୍ତାଦ ରଶିଦ ଖାନଙ୍କୁ ପଦ୍ମ ଭୂଷଣ ପୁରସ୍କାର ପ୍ରଦାନ କରାଯାଇଥିଲା । ଏହାସହ ବଙ୍ଗ ଭୂଷଣ, ସଙ୍ଗୀତ ନାଟକ ଏକାଡେମୀ ଆୱାର୍ଡ, ଗ୍ଲୋବାଲ ଇଣ୍ଡିଆନ ମ୍ୟୁଜିକ୍ ଏକାଡେମୀ ଆୱାର୍ଡ, ମହା ସଙ୍ଗୀତ ସମ୍ମାନ ଆୱାର୍ଡ, ମିର୍ଚ୍ଚି ମ୍ୟୁଜିକ୍ ପୁରସ୍କାରରେ ସମ୍ମାନିତ ହୋଇଥିଲେ ।