Women Reservation / 'ନାରୀ ଶକ୍ତି ବନ୍ଦନ ଅଧିନିୟମ'ରେ ଆସିବ ସଂଶୋଧନ; ବସିବ ସଂସଦର ସ୍ଵତନ୍ତ୍ର ଅଧିବେଶନ

ନୂଆଦିଲ୍ଲୀ: ଭାରତର ଗଣତାନ୍ତ୍ରିକ ଇତିହାସରେ ଏକ ନୂତନ ଅଧ୍ୟାୟ ଯୋଡ଼ିବାକୁ ଯାଉଛନ୍ତି କେନ୍ଦ୍ର ସରକାର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର 'ମହିଳା ସଂରକ୍ଷଣ ଅଧିନିୟମ'ରେ ପ୍ରସ୍ତାବିତ ସଂଶୋଧନକୁ କେବଳ ଏକ ଆଇନଗତ ପ୍ରକ୍ରିୟା ନୁହେଁ, ବରଂ ଦେଶର କୋଟି କୋଟି ମହିଳାଙ୍କ ଆଶା ଓ ଆକାଂକ୍ଷାର ପ୍ରତିଫଳନ ବୋଲି ବର୍ଣ୍ଣନା କରିଛନ୍ତି ।

ଏହି ଐତିହାସିକ ପଦକ୍ଷେପକୁ ସମର୍ଥନ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମସ୍ତ ସାଂସଦଙ୍କୁ ଆହ୍ଵାନ ଦେଇଛନ୍ତି । ନିଜର ୱେବସାଇଟ୍ narendramodi.inରେ ଏକ ସ୍ବତନ୍ତ୍ର ଆଲେଖ୍ୟରେ ପ୍ରଧାନମନ୍ତ୍ରୀ ଲେଖିଛନ୍ତି...

ଏଥିସହ ପଢ଼ନ୍ତୁ: ୨୦୨୭ ପଞ୍ଚାୟତ ନିର୍ବାଚନ ପାଇଁ ପ୍ରସ୍ତୁତି, ଆସନ ସଂରକ୍ଷଣ କରିବା ପାଇଁ ସବୁ ଜିଲ୍ଲାପାଳଙ୍କୁ ଚିଠି

• ଯେତେବେଳେ ମହିଳାମାନେ ପ୍ରଗତି କରନ୍ତି, ସେତେବେଳେ ସମାଜ ପ୍ରଗତି କରେ ।
  
  

ଆସନ୍ତୁ ଆମେ ସମସ୍ତେ ମିଶି ଆଗକୁ ବଢ଼ିବା ଓ ସାମ୍ବିଧାନିକ ମୂଲ୍ୟବୋଧକୁ ସୁଦୃଢ଼ କରିବା ସହ ଜାତୀୟ ପ୍ରଗତି ପାଇଁ ଆମର 'ନାରୀ ଶକ୍ତି'କୁ ସଶକ୍ତ କରିବା ।

ପ୍ରଧାନମନ୍ତ୍ରୀ ମୋଦିଙ୍କ ଏହି ଆହ୍ଵାନକୁ ସମାଜରେ ବିଭିନ୍ନ କ୍ଷେତ୍ରରେ ପ୍ରତିଷ୍ଠି ମହିଳାମାନେ ସ୍ଵାଗତ କରିଛନ୍ତି ।

୨୦୨୩ରେ ସଂସଦରେ ପାରିତ ହୋଇଥିବା 'ନାରୀ ଶକ୍ତି ବନ୍ଦନ ଅଧିନିୟମ'ରେ ସଂଶୋଧନ ପାଇଁ ସଂସଦର ସ୍ବତନ୍ତ୍ର ଅଧିବେଶନ ହେବାକୁ ଯାଉଛି । ଏପ୍ରିଲ୍ ୧୬ରୁ ୧୮ ପର୍ଯ୍ୟନ୍ତ ସଂସଦର ଏହି ସ୍ୱତନ୍ତ୍ର ତିନି ଦିନିଆ ଅଧିବେଶନ ଡକାଯାଇଛି । ଦଳମତ ନିର୍ବିଶେଷରେ ସମସ୍ତ ସାଂସଦଙ୍କୁ ପ୍ରଧାନମନ୍ତ୍ରୀ ଭାରତର ନାରୀ ଶକ୍ତିକୁ ସଶକ୍ତ କରିବା ପାଇଁ ଏହି ବିଲ୍‌କୁ ସମର୍ଥନ ଜଣାଇବାକୁ ଅପିଲ୍ କରିଛନ୍ତି ।

ଏଥିସହ ପଢ଼ନ୍ତୁ: TMC ସରକାର ବିରୋଧରେ ରଣହୁଙ୍କାର, ବଙ୍ଗଳାବାସୀଙ୍କୁ ପ୍ରଧାନମନ୍ତ୍ରୀଙ୍କ '୬ ଗ୍ୟାରେଣ୍ଟି'

ପୂର୍ବରୁ ୨୦୨୩ରେ ସମ୍ବିଧାନ ସଂଶୋଧନ ଜରିଆରେ ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣ ବ୍ୟବସ୍ଥା କରାଯାଇଥିଲା । ବର୍ତ୍ତମାନର ନିୟମ ଅନୁଯାୟୀ, ୨୦୨୭ ଜନଗଣନା ଓ ସୀମା ନିର୍ଦ୍ଧାରଣ ପ୍ରକ୍ରିୟା ପରେ ହିଁ ଏହା ଲାଗୁ ହୋଇପାରିଥାନ୍ତା ।

କିନ୍ତୁ ଏବେ ସରକାର ଏଥିରେ ସଂଶୋଧନ କରି ୨୦୨୯ ନିର୍ବାଚନରୁ ହିଁ ଏହାକୁ ଲାଗୁ କରିବାକୁ ପ୍ରସ୍ତୁତି କରୁଛନ୍ତି । ଫଳରେ ୨୦୧୧ ଜନଗଣନା ଆଧାରରେ ନିର୍ବାଚନ ମଣ୍ଡଳୀ ପୁନଃନିର୍ଦ୍ଧାରଣ କରାଯାଇପାରେ । ଏହାଦ୍ୱାରା ୨୦୨୯ ନିର୍ବାଚନ ପୂର୍ବରୁ ମହିଳାମାନେ ସଂସଦରେ ସେମାନଙ୍କର ଉଚିତ୍ ପ୍ରତିନିଧିତ୍ୱ ପାଇପାରିବେ ।