Shocking Incident / ଲୋମହର୍ଷଣକାରୀ ଘଟଣା: ବିବାହିତ ନୌସେନା କର୍ମଚାରୀ ଘରେ ପ୍ରେମିକାଙ୍କୁ ହତ୍ୟା କଲେ, ମୃତଦେହ କାଟି ଫ୍ରିଜରେ ରଖିଲେ

ଅବୈଧ ସମ୍ପର୍କରୁ ଲୋମଟାଙ୍କୁରା ହତ୍ୟାକାଣ୍ଡ। ଏହି ଘଟଣା ବର୍ତ୍ତମାନ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି । ଏଠାରେ ଜଣେ ବ୍ୟକ୍ତି ସାମାନ୍ୟ ଯୁକ୍ତିତର୍କ ପରେ ନିଜ ପ୍ରେମିକାଙ୍କୁ ନିର୍ମମ ଭାବରେ ହତ୍ୟା କରିଥିଲେ। କେବଳ ଏତିକି ନୁହେଁ ହତ୍ୟା ପରେ ସେ ମହିଳାଙ୍କ ଶରୀରକୁ ଅନେକ ଖଣ୍ଡ ଖଣ୍ଡ କରି ଏକ ଫ୍ରିଜରେ ରଖିଥିଲେ। ଅଭିଯୁକ୍ତ ସ୍ୱାମୀକୁ ଗିରଫ କରାଯାଇଛି । ହତ୍ୟାକାରୀ ରବିନ୍ଦ୍ର ମୂଳତଃ ଆନ୍ଧ୍ରପ୍ରଦେଶର ବିଜୟନଗରମ ଜିଲାର ରାଜମର ବାସିନ୍ଦା ଏବଂ ବର୍ତ୍ତମାନ ବିଶାଖାପାଟଣାର ଗଜୁୱାକାରେ ରହୁଥିଲେ । ଅଭିଯୁକ୍ତର ମୃତ ମହିଳାଙ୍କ ସହିତ ଅବୈଧ ସମ୍ପର୍କ ଥିଲା।

୩୫ବର୍ଷୀୟ ରବିନ୍ଦ୍ର ନିଜେ ବିବାହିତ ହୋଇଥିଲେ ମଧ୍ୟ ୨୯ବର୍ଷୀୟ ମୋନିକା ସହିତ ଅବୈଧ ସମ୍ପର୍କ ରଖିଥିଲେ। ମୋନିକା ବିଶାଖାପାଟଣାର ବାସିନ୍ଦା ଥିଲେ। ରବିନ୍ଦ୍ର ଜଣେ ନୌସେନା କର୍ମଚାରୀ। କିଛି ସପ୍ତାହ ପୂର୍ବରୁ ରବିନ୍ଦ୍ରଙ୍କ ସ୍ତ୍ରୀ ବିଜୟନଗରମରେ ଥିବା ତାଙ୍କ ବାପା ଘରକୁ ଯାଇଥିଲେ । ରବିବାର ଅପରାହ୍ନରେ, ରବିନ୍ଦ୍ର ମୋନିକାଙ୍କୁ ତାଙ୍କ ଘରକୁ ନିମନ୍ତ୍ରଣ କରିଥିଲେ। ଦୁହେଁ କିଛି ଘଣ୍ଟା ଧରି ଘର ଭିତରେ ରହିଥିଲେ । ସନ୍ଧ୍ୟାରେ କୌଣସି କଥାକୁ ନେଉ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। କ୍ରୋଧରେ ରବିନ୍ଦ୍ର ମୋନିକାଙ୍କୁ ଛୁରୀ ଭୁସି ହତ୍ୟା କରିଥିଲେ । ହତ୍ୟା କରିବା ପରେ, ଅଭିଯୁକ୍ତ ରବିନ୍ଦ୍ର ମୋନିକାର ଶରୀରକୁ ଘର ଭିତରେ ଖଣ୍ଡ ଖଣ୍ଡ କରି ଦେଇଥିଲେ; ସେ ଶରୀରର କିଛି ଅଂଶକୁ ବ୍ୟାଗରେ ପ୍ୟାକ୍ କରି ଏକ ନିର୍ଜନ ସ୍ଥାନରେ ପକାଇ ଦେଇଥିଲେ, ଅବଶିଷ୍ଟ ଅଂଶଗୁଡ଼ିକୁ ତାଙ୍କ ନିଜ ଘର ଭିତରେ ଥିବା ଫ୍ରିଜ ଭିତରେ ଲୁଚାଇ ରଖିଥିଲେ।

ଏହାସହ ପଢ଼ନ୍ତୁ: ମାଇଁ ପ୍ରେମରେ ଅନ୍ଧ ଭଣଜାର ନାରକୀୟ କାଣ୍ଡ! ଫିଲ୍ମି ଷ୍ଟାଇଲରେ ମାମୁଁଙ୍କୁ ହତ୍ୟା କରି...

ହତ୍ୟାକାଣ୍ଡ ସେତେବେଳେ ଜଣାପଡ଼ିଲା ଯେତେବେଳେ ରବିନ୍ଦ୍ର ନିଜେ ପୋଲିସ ଷ୍ଟେସନକୁ ଯାଇ ତାଙ୍କ ଅପରାଧ ସ୍ୱୀକାର କଲେ । ପୋଲିସ ତାଙ୍କ ବାସଭବନରେ ପହଞ୍ଚିବା ପରେ ଘର ଭିତରେ ଶରୀରର କଟା ଅଂଶ ଫ୍ରିଜରୁ ପାଇଛନ୍ତି। ଖୋଜାଖୋଜି ସମୟରେ ପୀଡିତାଙ୍କ ମୁଣ୍ଡ ମିଳିପାରିଲା ନାହିଁ । ପୋଲିସ ସନ୍ଦେହ କରୁଛି ଯେ ଅଭିଯୁକ୍ତ ମୁଣ୍ଡକୁ ଅନ୍ୟ କୌଣସି ସ୍ଥାନରେ ଫିଙ୍ଗି ଦେଇଛି ।

ପୋଲିସ ନିଖୋଜ ଶରୀରର ଅଂଶ, ବିଶେଷକରି ମୁଣ୍ଡ ଖୋଜିବା ପାଇଁ ଏକ ସ୍ୱତନ୍ତ୍ର ଦଳ ଗଠନ କରିଛି। ଅଭିଯୁକ୍ତ ତାଙ୍କ ଅପରାଧ ସ୍ୱୀକାର କରିଛି। ପୋଲିସ ଏବେ ସେମାନଙ୍କ ମଧ୍ୟରେ ଝଗଡ଼ାର କାରଣ ଜାଣିବାକୁ ଏବଂ ହତ୍ୟା ଯୋଜନାବଦ୍ଧ କି ନୁହେଁ ତାହା ନିର୍ଣ୍ଣୟ କରିବାକୁ ଚେଷ୍ଟା କରୁଛି । ପୋଲିସ ହତ୍ୟା ମାମଲା ରୁଜୁ କରିଛି, ଏବଂ ତଦନ୍ତ ଜାରି ରହିଛି ।