ଅର୍ଗସ ବ୍ୟୁରୋ : ନେପାଳର ନୂଆ ନକ୍ସାକୁ ଭାରତର ବିରୋଧ ପରେ ଇସ୍ତଫା ଦେଲେ ନେପାଳ ରାଷ୍ଟ୍ରପତିଙ୍କ ଅର୍ଥନୈତିକ ଉପଦେଷ୍ଠା ଚିରଞ୍ଜିବୀ ନେପାଳ । ନୂଆ ନେପାଳ ନକ୍ସା ପ୍ରସ୍ତୁତି ସମୟରେ ଭୁଲ ନିଷ୍ପତ୍ତି ନିଆଯାଇଥିବା ସେ ଅଭିଯୋଗ କରିଛନ୍ତି । ନୂଆ ନକ୍ସାରେ ଭାରତର ସୀମାନ୍ତବର୍ତ୍ତୀ ଲିମ୍ପିୟାଧୁରା, କାଲାପାନୀ ଓ ଲିପୁଲେଖ ଅଞ୍ଚଳକୁ ନେପାଳ ମ୍ୟାପରେ ସ୍ଥାନିତ କରାଯାଇଥିବାରୁ ପ୍ରଥମରୁ ବିରୋଧ କରିଥିଲେ ଭାରତ ବୈଦେଶିକ ମନ୍ତ୍ରୀ ଏସ. ଜୟଶଙ୍କର । 

ଅଧିକ ପଢନ୍ତୁ ଭାରତ ଖବର

ଏହା ସତ୍ତ୍ବେ ନୂଆ ନକ୍ସାକୁ ନେପାଳର ଶହେ ଟଙ୍କିଆ ନୋଟରେ ସ୍ଥାନ ଦେବାକୁ ଅନୁମତି ଦେଇଥିଲେ ନେପାଳ କ୍ୟାବିନେଟ । ଭାରତର ବିରୋଧକୁ ନେଇ  ନେପାଳ ପ୍ରଧାନମନ୍ତ୍ରୀ ପୁଷ୍ପ କମଲ ଦହାଲ, ରାଷ୍ଟ୍ରପତି ରାମଚନ୍ଦ୍ର ପୌଡେଲଙ୍କ ସହ ଆଲୋଚନା କରିଛନ୍ତି । ଗତ ୨୦୨୦ ଜୁନରେ ନେପାଳ ସମ୍ବିଧାନ ସଂଶୋଧନ ପ୍ରସ୍ତାବରେ ଦେଶର ନୂଆ ରାଜନୈତିକ ନକ୍ସାକୁ ମଞ୍ଜୁରୀ ମିଳିଥିଲା ।