ସପ୍ତମ ଥର ପାଇଁ ବଜେଟ ଉପସ୍ଥାପନ କରି ରେକର୍ଡ କରିବେ ନିର୍ମଳା ସୀତାରମଣ

ଅର୍ଗସ ବ୍ୟୁରୋ : ରେକର୍ଡ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଲଗାତାର ସପ୍ତମ ଥର ପାଇଁ ସଂସଦରେ ବଜେଟ୍ ଉପସ୍ଥାପନା କରି ରେକର୍ଡ କରିବେ ନିର୍ମଳା । ୨୦୧୯ରେ ଦେଶର ଅର୍ଥମନ୍ତ୍ରୀ ଭାବେ ଦାୟିତ୍ବ ନେଇଥିବା ନିର୍ମଳା ଗୋଟିଏ ଅନ୍ତରୀଣ ବଜେଟ୍ ସହ ଛଅଟି ପୂର୍ଣ୍ଣକାଳୀନ ବଜେଟ୍ ଉପସ୍ଥାପନା କରିବାକୁ ଯାଉଛନ୍ତି । ତେବେ ଲଗାତାର ସପ୍ତମ ଥର ପାଇଁ ବଜେଟ୍ ଆଗତ କରି ନିର୍ମଳା, ପୂର୍ବତନ ପ୍ରଧାନମନ୍ତ୍ରୀ ମୋରାରଜୀ ଦେଶାଇଙ୍କ ଛଅ ଥରର ରେକର୍ଡ ଭାଙ୍ଗିବେ ।

ଅଧିକ ପଢନ୍ତୁ : ଅଗଷ୍ଟ 12 ତାରିଖ ଯାଏ ଚାଲିବ ସଂସଦର ବଜେଟ ଅଧିବେଶନ

ଦେଶର ତତ୍କାଳୀନ ଅର୍ଥମନ୍ତ୍ରୀ ଭାବେ ୧୯୫୯ରୁ ୧୯୬୪ ମସିହା ମଧ୍ୟରେ ଲଗାତାର ଛଅ ଥର ବଜେଟ୍ ଉପସ୍ଥାପନ କରିଥିଲେ ଯେଉଁଥିରେ ପାଞ୍ଚଟି ପୂର୍ଣ୍ଣାଙ୍ଗ ଓ ଗୋଟିଏ ଅନ୍ତରୀଣ ବଜେଟ୍ ସାମିଲ ଥିଲା । ତେବେ ସଂସଦରେ ସର୍ବାଧିକ ଦଶଟି ବଜେଟ୍ ଉପସ୍ଥାପନା କରିବାର ରେକର୍ଡ ବି ମୋରାରଜୀ ଦେଶାଇଙ୍କ ନାଁରେ ରହିଛି । ପି. ଚିଦାମ୍ବରମ ୯ ଥର ଓ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ, ଅର୍ଥମନ୍ତ୍ରୀ ଭାବେ ୮ ଥର ବଜେଟ୍ ଉପସ୍ଥାପନ କରିଥିଲେ ।