ଅର୍ଗସ ବ୍ୟୁରୋ : ଜିଓ ୱାର୍ଲ୍ଡ କନଭେନସନ୍ ସେଣ୍ଟରରେ ନିକଟରେ ଅନୁଷ୍ଠିତ ୭୧ତମ ମିସ୍ ୱାର୍ଲ୍ଡ ଫାଇନାଲ୍ ଅବସରରେ ରିଲାଏନ୍ସ ଫାଉଣ୍ଡେସନ୍ ପ୍ରତିଷ୍ଠାତା ତଥା ଅଧ୍ୟକ୍ଷା ଶ୍ରୀମତୀ ନୀତା ଅମ୍ବାନୀଙ୍କୁ ସମ୍ମାନଜନକ ମାନବବାଦୀ ପୁରସ୍କାର ପ୍ରଦାନ କରାଯାଇଛି ।

ଏହି ପ୍ରଖ୍ୟାତ ଆନ୍ତର୍ଜାତୀୟ ସଂସ୍ଥା ଦ୍ୱାରା ପ୍ରଦାନ କରାଯାଇଥିବା ସର୍ବୋଚ୍ଚ ପୁରସ୍କାର ଗ୍ରହଣ କରି ସେ ବିଶ୍ୱକୁ ଏକ ଉନ୍ନତ ସ୍ଥାନରେ ପରିଣତ କରିବାରେ ମହିଳା ସଶକ୍ତିକରଣର ଗୁରୁତ୍ୱ ଉପରେ ଆଲୋକପାତ କରି ଏହି ଦିଗରେ ନିଜର ଆଜୀବନ ପ୍ରତିବଦ୍ଧତାକୁ ଦୋହରାଇଥିଲେ ।

ପୂର୍ବରୁ ଏହି ପୁରସ୍କାର ଦକ୍ଷିଣ ଆଫ୍ରିକାର ପୂର୍ବ ରାଷ୍ଟ୍ରପତି ସ୍ୱର୍ଗତ ନେଲସନ ମଣ୍ଡେଲା ଏବଂ ଅପରେସନ୍ ହଙ୍ଗର୍ ପ୍ରତିଷ୍ଠାତା ଇନା ପର୍ଲମ୍ୟାନଙ୍କ ଭଳି ପ୍ରତିଷ୍ଠିତ ବ୍ୟକ୍ତିତ୍ୱ ଗ୍ରହଣ କରିଥିଲେ । ଏହି ପୁରସ୍କାର ଶିକ୍ଷା, ସ୍ୱାସ୍ଥ୍ୟସେବା, କଳା ଏବଂ ସଂସ୍କୃତି, କ୍ରୀଡା, ସମାଜସେବା ଭଳି ଅନେକ କ୍ଷେତ୍ରରେ ଭାରତୀୟ ମହିଳା ଏବଂ ବାଳିକାମାନଙ୍କ ସହିତ ଶ୍ରୀମତୀ ନୀତା ଅମ୍ବାନୀଙ୍କ କାର୍ଯ୍ୟକୁ ସ୍ୱୀକୃତି ପ୍ରଦାନ କରିଛି ।

ଅଧିକ ପଢନ୍ତୁ ଭାରତ ଖବର

ଏହି ପୁରସ୍କାର ଗ୍ରହଣ ଅବସରରେ ଶ୍ରୀମତୀ ନୀତା ଅମ୍ବାନୀ ସ୍ୱଦେଶ ପକ୍ଷରୁ ପ୍ରସ୍ତୁତ ଏକ ଆକର୍ଷଣୀୟ ବନାରସୀ ଜାଙ୍ଗଲା ଶାଢ଼ୀ ପରିଧାନ କରିଥିଲେ । ଭାରତୀୟ ରେଶମ ଓ ସୁନା ଜରି ସୂକ୍ଷ୍ମ କାରିଗରୀରେ ହାତରେ ତିଆରି ହୋଇଥିବା ଏହି ଶାଢ଼ୀକୁ କୁଶଳୀ କାରିଗର ମହମ୍ମଦ ଇସଲାମ ୪୫ ଦିନରେ ପ୍ରସ୍ତୁତ କରିଥିଲେ । ସ୍ୱଦେଶ ଓ ମନୀଷ ମଲହୋତ୍ରା ମିଳିତ ଭାବରେ ଭାରତୀୟ ହସ୍ତକଳାର ଏହି ଅନନ୍ୟ ସୃଷ୍ଟିକୁ ବିଶ୍ୱ ମଞ୍ଚରେ ପ୍ରସ୍ତୁତ କରିଥିଲେ ।