ଅର୍ଗସ ବ୍ୟୁରୋ : ବାବା କେଦାରନାଥ, ଗଙ୍ଗୋତ୍ରୀ ଓ ଯମୁନେତ୍ରୀ ମନ୍ଦିର କବାଟ ଖୋଲିବା ପରେ ଆଜି ବଦ୍ରିନାଥଙ୍କ ମନ୍ଦିର କବାଟ ଖୋଲିଛି । ଦେବଭୂମିରେ ଆରମ୍ଭ ହୋଇଯାଇଛି ଚାରିଧାମ ଯାତ୍ରା । ଏହାକୁ ନେଇ ଭକ୍ତଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ଗତ ୧୦ ମେ ରୁ ଆରମ୍ଭ ହୋଇଥିବା ଚାରି ଧାମ ଯାତ୍ରାରେ ସାମିଲ ହେବା ପାଇଁ ଦୂର ଦୂରାନ୍ତରୁ ଭକ୍ତଙ୍କୁ ସୁଅ ଛୁଟିଛି । ଏହାରି ମଧ୍ୟରେ ଉତ୍ତରାଖଣ୍ଡ ସରକାର ଚାରିଧାମର ୨୦୦ମିଟର ପରିଧି ଭିତରେ ମୋବାଇଲ୍ ଫୋନ୍‌ର ବ୍ୟବହାର ଉପରେ ପ୍ରତିବନ୍ଧ ଲଗାଇଛି ।

କାରଣ ଏହାଦ୍ୱାରା ଯାତ୍ରୀଙ୍କ ଲାଗି ତିଆରି କରାଯାଇଥିବା ବ୍ୟବସ୍ଥାରେ ସମସ୍ୟା ହେଉଥିଲା । ଉତ୍ତରାଖଣ୍ଡ ସରକାରରେ ମୁଖ୍ୟ ସଚିବ ରାଧା ରତୁଡି ଏ ବିଷୟରେ ବୟାନ ବି ଜାରି କରିଛନ୍ତି । ଏହା ସହିତ ସେ ସମସ୍ତ ଶ୍ରଦ୍ଧାଳୁଙ୍କୁ ରେଜିଷ୍ଟ୍ରେସନ କରାଇବା ପରେ ଚାରିଧାମ ଯାତ୍ରାରେ ଆସିବାକୁ ପରାମର୍ଶ ଦେଇଛନ୍ତି । ଏପରି ନ କଲେ ସେମାନଙ୍କୁ ରାସ୍ତାରୁ ଫେରାଇ ଦିଆଯିବ ।

ଅଧିକ ପଢନ୍ତୁ ଭାରତ ଖବର

ଉତ୍ତରାଖଣ୍ଡ ମୁଖ୍ୟ ସଚିବ ରାଧା ରତୁଡି କହିବା ଅନୁସାରେ, ବହୁ ସଂଖ୍ୟାରେ ଶ୍ରଦ୍ଧାଳୁ ଚାରିଧାମ ଯାତ୍ରା ଲାଗି ଆସୁଛନ୍ତି । ଏହି ସମୟରେ ଏପରି ବି ବହୁ ଲୋକ ଆସୁଛନ୍ତି ଯେଉଁମାନେ ଭକ୍ତି କି ଶ୍ରଦ୍ଧା ପାଇଁ ନୁହେଁ କେବଳ ବୁଲିବା ପାଇଁ ଆସୁଛନ୍ତି । ଏହିପରି ଲୋକଙ୍କ ଆଚରଣ ଶ୍ରଦ୍ଧାଳୁଙ୍କ ଆସ୍ଥା ଉପରେ ପ୍ରଭାବ ପକାଉଛି । ତେଣୁ ଶ୍ରଦ୍ଧାଳୁଙ୍କ ଧାର୍ମିକ ଭାବନା କିପରି ବ୍ୟାହତ ନ ହେବ ତାହାକୁ ଦୃଷ୍ଟିରେ ରଖି ଚାରି ଧାମରେ ମୋବାଇଲ୍ ବ୍ୟାନ୍ କରାଯାଇଛି ।

Argus News | argus news | Odisha Latest News, Breaking News, Trending News, Live TV