ଅର୍ଗସ ବ୍ୟୁରୋ : ଦିଲ୍ଲୀ ନୋଇଡ଼ାରେ ପୁଣି ଅଘଟଣ । ଅଘଟଣ ପରେ ଭିଡ଼ିଓ ହେଲା ଭାଇରାଲ । ଯାହାକୁ ନେଇ ଏବେ ସବୁ ଆଡ଼େ ଏବେ ଚର୍ଚ୍ଚା । ରାସ୍ତା କଡ଼ରେ ଛିଡ଼ା ହେଇଥିବା କାରରୁ ଜଣେ ବ୍ୟକ୍ତିଙ୍କୁ ଟାଣି ନେଇ କିଛି ଲୋକ ତାଙ୍କୁ ନିର୍ଧୁମ ମାଡ଼ ମାରିଛନ୍ତି । ଯାହାର ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ ହେବାର ଲାଗିଛି । ଏହି ଘଟଣା ଲୋଇଡ଼ା ସେକ୍ଟର ୧୨୬ ପୋଲିସ ଷ୍ଟେସନ ପରିସରରେ ଆମିଟି ୟୁନିଭରସିଟି ଗେଟ୍ ନଂ ୫ ନିକଟରେ ଏହି ଘଟଣା ଘଟିଥିବା ସୂଚନା ରହିଛି ।

ଏହି ଭିଡିଓରେ ଦେଖିବାକୁ ମିଳିଛି ଏକ ଫର୍ଚୁନର କାର ଭିତରୁ ଜଣେ ଯୁବକଙ୍କୁ ଟାଣି ନେଉଥିବାର ନଜର ଆସିଛନ୍ତି । ସେମାନେ ରାସ୍ତା ମଝିରେ ଯୁବକ ଜଣଙ୍କୁ ବିଧା, ଗୋଇଠା ମାରିଛନ୍ତି । ଆକ୍ରମଣ ସମୟରେ ପୀଡ଼ିତଙ୍କ ଜୋତା ମଧ୍ୟ ବାହାରକୁ ବାହାରି ରାସ୍ତାରେ ଛିନ୍ନଛତ୍ର ହୋଇ ପଡ଼ିଥିବାର ଭିଡିଓରେ ଦେଖିବାକୁ ମିଳିଛି । ଅନ୍ୟ ଏକ ଭିଡିଓରେ, ଜଣେ ଯୁବତୀ ଉକ୍ତ ଫର୍ଚୁନର୍ କାରରୁ ଓହ୍ଲାଇ ସେହି ବ୍ୟକ୍ତିଙ୍କ ଜୋତା ଉଠାଇଥିବାର ନଜର ଆସିଛନ୍ତି। ସେ ଜୋତାକୁ କାର ଭିତରେ ରଖୁଛନ୍ତି ।

ଅଧିକ ପଢନ୍ତୁ ଭାରତ ଖହର

ତା’ପରେ ପୀଡ଼ିତ ଯୁବକ ଜଣକ ଚାରିଆଡ଼କୁ ଚାହିଁ ଧୀରେ ଧୀରେ ଉଠିକରି କାର୍‌ ଭିତରକୁ ଯାଉଛନ୍ତି । ସୋସିଆଲ ମିଡିଆରେ ଭିଡିଓ ଦେଖିବା ପରେ ଏହି ଘଟଣା ସମ୍ପର୍କରେ ଜାଣିବାକୁ ପାଇଥିବା ବୋଲି ପୋଲିସ କହିଛି । ଏହାର ନମ୍ବର ପ୍ଲେଟକୁ ଚିହ୍ନଟ କରି ଗାଡିଟି ଚିହ୍ନଟ ହୋଇଥିବା ପୋଲିସ ସୂଚନା ଦେଇଛି । କାରରୁ ଟାଣି ଆଣି କାହିଁକି ପୀଡ଼ିତଙ୍କୁ ଏତେ ‌ଲୋକ ନିର୍ଯାତନା ଦେଇଥିଲେ ତାହା ସ୍ପଷ୍ଟ ହୋଇନାହିଁ । ପରେ ପୁଲିସ ପୀଡିତଙ୍କ ସହ ଯୋଗାଯୋଗ କରିଥିଲା ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV