ଅର୍ଗସ ବ୍ୟୁରୋ : କମ୍ପାନୀର କର୍ମଚାରୀ ଛଟେଇ କେଉଁ ମୁହୁର୍ତ୍ତରେ କେତେବେଳି ବି ହୋଇପାରେ । ହେଲେ ବିବାହ ଦିନ ଏପରି ମେସେଜ ଆସିବା ନିହାତି ନୈରାଶଜନକ । ଏପରି ଘଟଣା ଜଣେ ମହିଳା କର୍ମଚାରୀଙ୍କ ସହ ହୋଇଛି । ଯେଉଁ ମେସେଜକୁ ନେଇ ସେ ଖୁବ ରାଗିବା ସହ ଦୁଃଖିତ ଥିବା ଶେୟାର କରିଛନ୍ତି । ଇଂଲଣ୍ଡର ଜଣେ ମହିଳା କର୍ମଚାରୀଙ୍କୁ ତାଙ୍କ ବିବାହ ଦିନ ବସଙ୍କ ପାଖରୁ ଏକ ମେଲ ଆସିଛି । ଯେଉଁ ମେଲ ତାଙ୍କ ବିବାହ ଭଳି ଖୁସି ଦିନକୁ ଖରାପ କରି ଦେଇଛି । ବିବାହର ବିଭିନ୍ନ ଉତ୍ସବକୁ ନେଇ ବ୍ୟସ୍ତ ଥିବା ବେଳଏ ତାଙ୍କ ବସ୍ ଙ୍କ ପାଖରୁ ଏକ ମେଲ ଆସିଥିଲା । ଯେଉଁଥିର ସେ ଲେଖିଥିଲେ, " ସମସ୍ତଙ୍କ ସହମତିରେ ଏପରି ନିଷ୍ପତ୍ତି ନିଆଯାଇଛି । ଆଜି ଆପଣଙ୍କ ପାଇଁ ଖୁବ ବଡ ଦିନ । ଏହି ଦିନରେ ଏପରି ମେସେଜ କରିଥିବାରୁ ଆମେ ଦୁଃଖିତ । ହେଲେ ଏପରି ନିଷ୍ପତ୍ତି ନେବାକୁ ବାଧ୍ୟ । ଆଶା କରୁଛୁ ଆପଣ ଆହୁରି ଆଗକୁ ଯାଆନ୍ତୁ , ଏବଂ ଆପଣଙ୍କ ଜୀବନରେ ଉନ୍ନତି କରନ୍ତୁ ।" 

ଅଧିକ ପଢନ୍ତୁ : ଛାତ୍ରଙ୍କୁ ଚୁଟି ନକାଟିବା ପଡିଲା ମହଙ୍ଗା, ଭାଇରାଲ ହେଲା ଭିଡିଓ

ସେ ମହିଳା ଜଣକ କହିଛନ୍ତି, ପ୍ରଥମେ ସେ ବସଙ୍କ ମେଲ ଦେଖିନଥିଲେ , କାରଣ ବିବାହକୁ ନେଇ ଖୁବ ବ୍ୟସ୍ତ ଥିଲେ । ତାପରେ କିଛି ସମୟ ବସିବା ପରେ ଯେତେବେଳେ ନିଜ ଫୋନ ଦେଖିଲେ, ସେତେବେଳେ ତାଙ୍କୁ ଅନେକ ଆଗକୁ ଯିବା ପାଇଁ ଶୁଭେଚ୍ଛା ଜଣାଇଥିଲେ , ଏବଂ ଅଫିସର ସମସ୍ତ ଅଫିଯିଆଲ ହ୍ବାଟସପ ଗ୍ରୁପରୁ ତାଙ୍କୁ ବାହାର କରି ଦିଆଯାଇଥିଲା । ଏହାପରେ ସେ ଯେତେବେଳେ ନିଜ ମେଲ ଚେକ କରିଥିଲେ, ତାଙ୍କ ବସଙ୍କର ଏପରି ମେଲ ଦେଖଇଥିଲେ । ଯେଉଁ ମେସେଜ ତାଙ୍କୁ ବେଶ ଦୁଃଖିତ କରିଥିଲା । ତେବେ ନିଜର ଟାର୍ଗେଟ ପୁରା କରି ପାରିନଥିବାରୁ ତାଙ୍କୁ କମ୍ପାନୀରୁ କଢା ଯାଇଥିବା ସେ କହିଥିଲେ ।