One Nation One Time / ଏଣିକି ସମଗ୍ର ଦେଶରେ ଚାଲିବ ଗୋଟିଏ ସରକାରୀ ଘଣ୍ଟା; ପ୍ରତ୍ୟେକ କାର୍ଯ୍ୟ ପାଇଁ ଆବଶ୍ୟକ ହେବ IST

Legal Metrology (IST) Rules 2026: ଏଣିକି ସମଗ୍ର ଦେଶରେ ଚାଲିବ ଗୋଟିଏ ସରକାରୀ ଘଣ୍ଟା। ସମସ୍ତ ସମୟ ଭାରତୀୟ ମାନକ ସମୟ (Indian Standard Time) ଉପରେ ଆଧାରିତ ହେବ। ଏଥିପାଇଁ, ସରକାର "ଲିଗାଲ ମେଟ୍ରୋଲୋଜି (ଭାରତୀୟ ମାନକ ସମୟ) ନିୟମ ୨୦୨୬" (Legal Metrology (IST) Rules, 2026) କୁ ଅଧିସୂଚିତ କରିଛନ୍ତି।

ଏହି ନିୟମ ଅନୁଯାୟୀ, ସାରା ଦେଶରେ ଆଇନଗତ, ପ୍ରଶାସନିକ, ବାଣିଜ୍ୟିକ ଏବଂ ଅନ୍ୟାନ୍ୟ ସରକାରୀ ଉଦ୍ଦେଶ୍ୟ ପାଇଁ IST ବ୍ୟବହାର ବାଧ୍ୟତାମୂଳକ ହେବ। ଏହି ନିୟମକୁ ଗତ 27 ତାରିଖରେ ଉପଭୋକ୍ତା ବ୍ୟାପାର ମନ୍ତ୍ରଣାଳୟ ଦ୍ୱାରା ଅଧିସୂଚିତ କରାଯାଇଥିଲା। ହେଲେ ଏହା ୧୮୦ ଦିନ ପରେ କାର୍ଯ୍ୟକାରୀ ହେବ। ଏହା ସରକାରୀ ବିଭାଗ, ବ୍ୟବସାୟ ଏବଂ ପ୍ରତିଷ୍ଠାନକୁ ସେମାନଙ୍କ ବ୍ୟବସ୍ଥାକୁ ଅନୁକୂଳ କରିବା ପାଇଁ ସମୟ ଦେବ।

କ'ଣ ରହିଛି ସରକାରଙ୍କ ନୂତନ ନିୟମ?
ଗତ ଅଗଷ୍ଟ ୨୭ ତାରିଖରେ, ଉପଭୋକ୍ତା ବ୍ୟାପାର ମନ୍ତ୍ରଣାଳୟ ଏହି ନିୟମକୁ ଅଧିସୂଚିତ କରିଥିଲା। ଏଣିକି IST ସବୁଠାରେ ବ୍ୟବହୃତ ହେବ। ସରକାର କହିଥିଲେ ଯେ ଏହି ନିୟମ ସରକାରୀ ବିଜ୍ଞାପ୍ତିରେ ପ୍ରକାଶିତ ହେବାର ୧୮୦ ଦିନ ପରେ କାର୍ଯ୍ୟକାରୀ ହେବ। ଅର୍ଥାତ୍ ଏହା ୨୦୨୭ ମାର୍ଚ୍ଚ ମାସରୁ କାର୍ଯ୍ୟକାରୀ ହେବ।

Department of Consumer Affairs Notifies Legal Metrology (Indian Standard Time) Rules, 2026

➔ Rules to establish Indian Standard Time as common time reference across the country

➔ The Rules will come into force 180 days from the date of their publication in the Official… pic.twitter.com/UpOa0gILuo

— PIB India (@PIB_India) August 30, 2026

ଏପରି କାହିଁକି କରାଗଲା?
କେନ୍ଦ୍ର ସରକାର କହିଛନ୍ତି ଯେ ଡିଜିଟାଲ୍ ଏବଂ ପ୍ରଯୁକ୍ତିବିଦ୍ୟା-ଭିତ୍ତିକ ବ୍ୟବସ୍ଥାର (Digital & Technology based systems) ବର୍ଦ୍ଧିତ ବ୍ୟବହାର ଏକ ସାଧାରଣ ସମୟ ସନ୍ଦର୍ଭ (Common Time Reference) ଆବଶ୍ୟକତାକୁ ଯଥେଷ୍ଟ ବୃଦ୍ଧି କରିଛି। ଏ ପର୍ଯ୍ୟନ୍ତ, କୌଣସି ସାଧାରଣ ସମୟ ସନ୍ଦର୍ଭ ନଥିଲା। ହେଲେ ତଥାପି ଏହି ନିୟମ କାର୍ଯ୍ୟକାରୀ ହେବା ସହିତ,୨୦୨୭ ମାର୍ଚ୍ଚ ମାସରୁ ସବୁଠି କେବଳ IST ବ୍ୟବହାର କରାଯିବ।

କେନ୍ଦ୍ର ସରକାର କହିଛନ୍ତି ଯେ ଇଣ୍ଟରନେଟ୍ ବ୍ୟାଙ୍କିଂ, ଡିଜିଟାଲ୍ ପେମେଣ୍ଟ, ଟେଲିକମ୍, ରେଳବାଇ, ବିଦ୍ୟୁତ୍ ବ୍ୟବସ୍ଥା, କମ୍ପ୍ୟୁଟର ନେଟୱାର୍କ ଏବଂ ସରକାରୀ ରେକର୍ଡ଼ ସଠିକ୍ ସମୟ ଷ୍ଟାମ୍ପ ଉପରେ ନିର୍ଭର କରେ। ବିଭିନ୍ନ ସମୟ ଉତ୍ସ ମଧ୍ୟରେ ପାର୍ଥକ୍ୟ ଏହି ପ୍ରକ୍ରିୟାକୁ ପ୍ରଭାବିତ କରିପାରେ। ଏହି ନିୟମର ଉଦ୍ଦେଶ୍ୟ ହେଉଛି ସମଗ୍ର ଦେଶରେ ଗୁରୁତ୍ୱପୂର୍ଣ୍ଣ ବ୍ୟବସ୍ଥା ସଠିକ୍ ଏବଂ ସ୍ଥିର IST ବ୍ୟବହାର କରୁ।

ଏଥିରୁ କ'ଣ ମିଳିବ ଫାଇଦା
ସରକାର କହିଛନ୍ତି ଯେ ବର୍ତ୍ତମାନ ବ୍ୟବହୃତ ବିଭିନ୍ନ ସମୟ ଉତ୍ସ ମଧ୍ୟରେ ପାର୍ଥକ୍ୟ ଦ୍ୱାରା ସମନ୍ୱୟ ଏବଂ ରେକର୍ଡିଂ ପ୍ରଭାବିତ ହୋଇପାରେ। IST ବ୍ୟବହାର ଏହି କ୍ଷେତ୍ରରେ ସମନ୍ୱୟକୁ ଉନ୍ନତ କରିବାରେ ସାହାଯ୍ୟ କରିବ। ଯେପରିକି...

ବ୍ୟାଙ୍କିଂ ଏବଂ ଡିଜିଟାଲ୍ ପେମେଣ୍ଟ କାରବାରର ସଠିକ୍ ସମୟ-ଷ୍ଟାମ୍ପିଂ
ରେଲୱେ, ବିମାନବନ୍ଦର ଏବଂ ଅନ୍ୟାନ୍ୟ ପରିବହନ ବ୍ୟବସ୍ଥା ମଧ୍ୟରେ ଉତ୍ତମ ସମନ୍ୱୟ
ଦୂରସଞ୍ଚାର ଏବଂ ଇଣ୍ଟରନେଟ୍ ନେଟୱାର୍କ୍ ର ନିର୍ଭରଯୋଗ୍ୟ କାର୍ଯ୍ୟ
ବିଦ୍ୟୁତ୍ ବ୍ୟବସ୍ଥାରେ ସଠିକ୍ ସମୟରକ୍ଷା
ସରକାରୀ ଏବଂ ଆଇନଗତ ରେକର୍ଡର ଉନ୍ନତ ରକ୍ଷଣାବେକ୍ଷଣ
ଜରୁରୀକାଳୀନ ଏବଂ ଅନ୍ୟାନ୍ୟ ସମୟ-ସମ୍ବେଦନଶୀଳ ସେବା ମଧ୍ୟରେ ଉତ୍ତମ ସମନ୍ୱୟ

ଏହା କିପରି ହେବ?
ସବୁଠାରେ IST କାର୍ଯ୍ୟକାରୀ କରିବା ପାଇଁ ସ୍ୱଦେଶୀ ଜ୍ଞାନକୌଶଳ ବ୍ୟବହାର କରାଯିବ। ଏହାର ସବୁଠାରୁ ବଡ଼ ଲାଭ ଏହା ହେବ ଯେ ଦେଶକୁ ବିଦେଶୀ ଉତ୍ସ ଉପରେ ନିର୍ଭର କରିବାକୁ ପଡ଼ିବ ନାହିଁ। CSIR-NPL ର Atomic Clock Network ଏବଂ ଭାରତୀୟ ମହାକାଶ ଗବେଷଣା ସଂସ୍ଥା (ISRO) ସହିତ ସମନ୍ୱୟ ମାଧ୍ୟମରେ IST ସମୟ ନିର୍ଣ୍ଣୟ କରାଯାଏ। ସାରା ଦେଶରେ ସଠିକ୍ ସମୟ ସୁନିଶ୍ଚିତ କରିବା ପାଇଁ ପାଞ୍ଚଟି ଆଞ୍ଚଳିକ ପ୍ରୟୋଗଶାଳା ଅହମ୍ମଦାବାଦ, ବେଙ୍ଗାଲୁରୁ, ଭୁବନେଶ୍ୱର, ଫରିଦାବାଦ ଏବଂ ଗୌହାଟି ଠାରେ ଏହାର ଏକ ନେଟୱାର୍କ ବିକଶିତ କରାଯାଉଛି।

ଏପର୍ଯ୍ୟନ୍ତ, ବିଦେଶୀ ନାଭିଗେସନ୍ ସିଷ୍ଟମ (Navigation Sysytem) ବ୍ୟବହୃତ ହେଉଥିଲା। ବର୍ତ୍ତମାନ ଭାରତର ନିଜସ୍ୱ ନାଭିଗେସନ୍ ସିଷ୍ଟମ, 'NavIC' ରହିବ। ଏହା ସହିତ, ଗତ ଜୁଲାଇ ମାସରେ ବେଙ୍ଗାଲୁରୁ ସ୍ଥିତ "ରିଜିଓନାଲ ରେଫରେନ୍ସ ଷ୍ଟାଣ୍ଡାର୍ଡସ୍ ଲ୍ୟାବ" (RRSL) ଠାରେ "ହ୍ୱାଇଟ୍ ରାବିଟ୍ ଟେକ୍ନୋଲୋଜି" (White Rabbit Technology) ଉପରେ ଆଧାରିତ ଏକ IST ପ୍ରସାରଣ ଡେମୋ ନେଟୱାର୍କ (IST Dissemination Demo Network) ଆରମ୍ଭ କରିଥିଲା। ଏହି ପାଇଲଟ୍ ପ୍ରୋଜେକ୍ଟ ଦର୍ଶାଇଥିଲା ଯେ IST କିପରି ବ୍ୟାଙ୍କିଂ, ଟେଲିକମ୍, ଶକ୍ତି, ପରିବହନ ଏବଂ ଡିଜିଟାଲ୍ ଶାସନ ଭଳି କ୍ଷେତ୍ରରେ କାର୍ଯ୍ୟକାରୀ କରାଯାଇ ପାରିବ।

Union Minister @JoshiPralhad commissioned the White Rabbit Technology-based Indian Standard Time (IST) Dissemination Demonstration Network at the Regional Reference Standard Laboratory (RRSL), Bengaluru

Key Features of the Demonstration Network:

✴️Enables secure dissemination… pic.twitter.com/cz3B9j2406

— PIB India (@PIB_India) July 18, 2026

୧୮୦ ଦିନର ସମୟସୀମା କାହିଁକି?
ସରକାର ଭାରତୀୟ ପ୍ରତିଷ୍ଠାନ ଏବଂ "ଲିଗାଲ ମେଟ୍ରୋଲୋଜି" ପରୀକ୍ଷାଗାର ମାଧ୍ୟମରେ ସଠିକ IST ପ୍ରଦାନ କରିବା ପାଇଁ ଭିତ୍ତିଭୂମି ନିର୍ମାଣ କରୁଛନ୍ତି। ମନ୍ତ୍ରଣାଳୟ କହିଛି ଯେ ୧୮୦ ଦିନର ପରିବର୍ତ୍ତନ ଅବଧି ଅଂଶୀଦାରଙ୍କୁ ବିଦ୍ୟମାନ ବ୍ୟବସ୍ଥାର ସମୀକ୍ଷା କରିବାକୁ, ଆବଶ୍ୟକୀୟ ବୈଷୟିକ ଉନ୍ନତି କରିବାକୁ ଏବଂ ନିୟମାବଳୀ କାର୍ଯ୍ୟକାରୀ ହେବା ପୂର୍ବରୁ ପୂର୍ଣ୍ଣ କାର୍ଯ୍ୟାନ୍ୱୟନ ପାଇଁ ପ୍ରସ୍ତୁତ ହେବାକୁ ଅନୁମତି ଦେବ।

ଆପଣଙ୍କୁ ଉପରେ କ'ଣ ରହିବ ଏହାର ପ୍ରଭାବ?
ଆପଣଙ୍କର ଘଣ୍ଟା ଅପରିବର୍ତ୍ତିତ ରହିବ। ହେଲେ ଆପଣଙ୍କ ଘଣ୍ଟା ପଛରେ ଥିବା ବ୍ୟବସ୍ଥା, ଯେପରିକି UPI, ଟ୍ରେନ୍ ସିଗନାଲ ଏବଂ ବିଦ୍ୟୁତ୍, ଅଧିକ ସୁରକ୍ଷିତ ଏବଂ ସଠିକ୍ ହୋଇଯିବ।