Operation Trident / ‘ଅପରେସନ୍ ଟ୍ରାଇଡେଣ୍ଟ’ ମାଧ୍ୟମରେ ଧ୍ୱଂସ ହେଲା ଡ୍ରଗ୍ସ କାରବାରର ନେଟୱାର୍କ, କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବଡ଼ ଘୋଷଣା

ନୂଆଦିଲ୍ଲୀ,୨୫/୧୦: ଧ୍ୱଂସ ହେଲା ଡ୍ରଗ୍ସ କାରବାରର ନେଟୱାର୍କ। ‘ଅପରେସନ୍ ଟ୍ରାଇଡେଣ୍ଟ’ରେ ଧ୍ୱଂସ ହେଲା ଡ୍ରଗ୍ସ କାରବାରର ନେଟୱାର୍କ। ଆସାମ, ମଣିପୁର ଓ ମିଜୋରାମରେ ଧ୍ୱଂସ ହେଲା ଡ୍ରଗ୍ସ କାରବାର ନେଟୱାର୍କ । ଭାରତ, ମିଆଁମାର ଏବଂ ବାଂଲାଦେଶ ମଧ୍ୟରେ ସକ୍ରିୟ ଥିବା ଏକ ଅନ୍ତର୍ଜାତୀୟ ନିଶା କାରବାର ନେଟୱାର୍କ ବିରୋଧରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏକ ବଡ଼ ସଫଳତା ହାସଲ କରିଥିବା ଘୋଷଣା କରିଛନ୍ତି ।

‘ଅପରେସନ୍ ଟ୍ରାଇଡେଣ୍ଟ’ ଜରିଆରେ କରାଯାଇଥିବା ଆକ୍ସନ ନେଇ ସେ ସୋସିଆଲ ମିଡିଆରେ ପୋଷ୍ଟ କରି ସୂଚନା ଦେଇଛନ୍ତି । ଗତ ୨୩ ତାରିଖରେ ଆସାମ, ମିଜୋରାମ ଏବଂ ମଣିପୁରର ୩୮ଟି ଭିନ୍ନ ସ୍ଥାନରେ ଏକକାଳୀନ ଆଣ୍ଟି-ଡ୍ରଗ୍ସ ଅଭିଯାନ ଚାଲିଥିଲା। ଏହି ଚଢ଼ଉରେ ମୋଟ ୧୮ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି।

ପଢନ୍ତୁ ଏହି ଖବର:  ୪ ଦିନ ଚାଲିବନି ଡଙ୍ଗା, ନିୟମ ନମାନିଲେ ହେବ ଦୃଢ କାର୍ଯ୍ୟାନୁଷ୍ଠାନ

୧୦୦ କୋଟି ଟଙ୍କାର ହାୱାଲା କାରବାର ଠାବ ହୋଇଛି । ଏଥିସହିତ ୧ ହଜାର ୪ ଶହ ୨୪ଟି ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରାଯିବା ସହ ୧୭ କୋଟି ୮୨ ଲକ୍ଷ ଟଙ୍କା ମୂଲ୍ୟର ସମ୍ପତ୍ତି ଆଟାଚ୍ କରାଯାଇଛି। ଅଭିଯୁକ୍ତଙ୍କ ନିକଟରୁ ୫ ଶହ ଡେଟୋନେଟର ଏବଂ ୧୨ ଲକ୍ଷ ଟଙ୍କା ନଗଦ ଜବତ ହୋଇଛି। ୨୦୨୯ ସୁଦ୍ଧା ନିଶା ମୁକ୍ତ ଭାରତ ଲକ୍ଷ୍ୟ ହାସଲ ନେଇ ଦୃଢୋକ୍ତି ପ୍ରକାଶ କରିଛନ୍ତି ଅମିତ ଶାହ ।