ଗୁଜୁରାଟ ସୀମାରେ ପାକିସ୍ତାନୀ ବୋଟ୍, ବୋଟରୁ ୪୮୦ କୋଟି ଟଙ୍କାର ଡ୍ରଗ୍ସ ଜବତ

ଅର୍ଗସ ବ୍ୟୁରୋ : ପୁଣି ଗୁଜୁରାଟ ସୀମାରୁ ଧରା ପଡ଼ିଲା ପାକିସ୍ତାନୀ ବୋଟ୍ । ଏବଂ ବୋଟରି ମିଳିଲା ୫ଶହ କୋଟି ଟଙ୍କାର ନିଶାଦ୍ରବ୍ୟ । ସମୁଦ୍ରରେ ସନ୍ଦିଗ୍ଧ ଅବସ୍ଥାରେ ବୁଲୁଥିବା ପାକିସ୍ତାନୀ ବୋଟକୁ ଧରିଛି କୋଷ୍ଟଗାର୍ଡ। ଭାରତୀୟ କୋଷ୍ଟଗାର୍ଡକୁ ଦେଖିବା ମାତ୍ରେ ଖସି ଯିବାକୁ ଉଦ୍ୟମ କରିଥିଲା ପାକିସ୍ତାନୀ ବୋଟ। ଡଙ୍ଗାରେ ଥିବା ୬ ଜଣ ପାକିସ୍ତାନୀଙ୍କୁ ଭାରତୀୟ ସୁରକ୍ଷାକର୍ମୀ କାବୁ କରିଥିଲେ।

ସୂଚନା ଅନୁଯାୟୀ, ବୋଟରୁ ୪୮୦ କୋଟି ଟଙ୍କାର ଡ୍ରଗ୍ସ  ଜବତ ହୋଇଛି । ଆରବ ସାଗରରେ ପାଟ୍ରୋଲିଂ ବେଳେ ପାକିସ୍ତାନୀ ବୋଟକୁ ଠାବ କରିଥିଲା ଭାରତୀୟ କୋଷ୍ଟ ଗାର୍ଡ। ଅପରେସନରେ ତଟରକ୍ଷୀ ବାହିନୀ ସହ ଏନସିବି ଓ ଗୁଜରାଟ  ପୋଲିସର ଆତଙ୍କୀ ନିରୋଧ ସ୍କ୍ୱାଡ ସାମିଲ ହୋଇଥିଲେ । 

ଅଧିକ ପଢନ୍ତୁ ଭାରତ ଖବର

ସନ୍ଦିଗ୍ଧ ବୋଟକୁ ଠାବ କରିବା ଡୋର୍ନିଅର ଏୟାରକ୍ରାଫ୍ଟ ମଧ୍ୟ ନିୟୋଜିତ ହୋଇଥିଲା ବଡ଼ଧରଣର ସର୍ଚ୍ଚ ଅପରେସନ ବେଳେ ଗୋଟିଏ ଡଙ୍ଗା ସନ୍ଦିଗ୍ଧ ଭାବେ ବୁଲୁଥିବା ଦେଖିବାକୁ ମିଳିଥିଲା । ଏହାପରେ ସନ୍ଦେହ ବଢିବାରୁ ଡଙ୍ଗାକୁ ଜବତ କରିଥିଲା କୋଷ୍ଟ ଗାର୍ଡ । ଘଟଣାର ଅଧିକ ତଦନ୍ତ କରାଯାଉଥିବା ତଟରକ୍ଷୀ ବାହିନୀ ସୂଚନା ଦେଇଛନ୍ତି ।