ପୁରୀ: ଆମାଜନ ଆପ୍ ରେ ଶ୍ରୀଜଗନ୍ନାଥଙ୍କ ପତିତପାବନ ବାନା ବିକ୍ରିର ପୋଷ୍ଟିଂ ରହିଛି । ପତିତପାବନ ବାନା ବିକ୍ରି କରିବାର ଅଧିକାର କେବଳ ଶ୍ରୀଜଗନ୍ନାଥ ମନ୍ଦିର ପ୍ରଶାସନର ଓ ଚୂନରା ସେବକଙ୍କର ରହିଥାଏ । କିଭଳି ଭାବରେ ଆମାଜନରେ ପତିତପାବନ ବାନା ବିକ୍ରି କରାଯାଉଛି ତାକୁ ନେଇ ଉଠିଛି ପ୍ରଶ୍ନ । 

ଗୋଟିଏ ୧୪ ହାତିଆ ବାନା ପାଇଁ ଶ୍ରୀମନ୍ଦିର ପ୍ରଶାସନ ୩୦୦ଟଙ୍କା ନେଉଥିବା ବେଳେ ଆମାଜନରେ ପତିତପାବନ ୨୧୧୯ ଟଙ୍କା ରହିଛି । ପୁଣି ୩୧ ପ୍ରତିଶତ ଡିସକାଉଣ୍ଟ କରାଯାଇଥିବା ପୋଷ୍ଟିଂ କରାଯାଇଛି । ଆମାଜନ ଆପରେ ଜଗନ୍ନାଥ ଫ୍ଳାଗ୍ ଲେଖିଲେ ପତିତପାବନ ବାନା ଓ ଶ୍ରୀଜଗନ୍ନାଥ ମନ୍ଦିରର ଫଟୋ ଦେଖାଯାଉଛି ।

ପୂର୍ବରୁ ଆମାଜନରେ ନିର୍ମାଲ୍ୟ ବିକ୍ରି ହେଉଥିବାର ଖବର ସାମନାକୁ ଆସିଥିଲା । ଯାହାକୁ ନେଇ ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ତେବେ ବାରମ୍ବାର ଏଭଳି ଘଟଣାକୁ ନିନ୍ଦା କରାଯାଉଥିବା ସହ ବିନା ଅନୁମତିରେ ଆମାଜନ କିପରି ବିକ୍ରି କରୁଛି ତାକୁ ନେଇ ଉଠୁଛି ପ୍ରଶ୍ନ । 

ଆହୁରି ପଢନ୍ତୁ ଓଡିଶା ଖବର...