ଲଗାତାର ମୁଣ୍ଡବିନ୍ଧା ହୋଇପାରେ ବ୍ରେନ ବ୍ଲିଡିଙ୍ଗର କାରଣ, ଜାଣନ୍ତୁ ପ୍ରକୃତ ଲକ୍ଷଣ

ଅର୍ଗସ ବ୍ୟୁରୋ : ଦୁନିଆର ଶ୍ରେଷ୍ଠ ଆଧ୍ୟାତ୍ମିକବାଦୀ ତଥା ଜ୍ଞାନି ଭାବରେ ସଦଗୁରୁ ଜଗ୍ଗି ବାସୁଦେବ ପରିଚିତ । ଅନେକ ବୈଜ୍ଞାନିକ ତଥା ଡକ୍ଟର ତାଙ୍କ ପାଖକୁ ନିଜ ସମସ୍ୟାର ସମାଧାନ ପାଇଁ ଆସିଥାନ୍ତି । କିନ୍ତୁ ଗତ କିଛିଦିନ ହେଲା ସଦଗୁରୁଙ୍କ ଇମରଜେନ୍ସି ବ୍ରେନ ସର୍ଜରୀ କରାଯାଇଛି । ବାରମ୍ବାର ମୁଣ୍ଡରେ ଯନ୍ତ୍ରଣା ହେଉଥିବାରୁ ତାଙ୍କର ଏମଆରଆଇ କରାଯାଇଥିଲା । ଯେଉଁଥିରେ ତାଙ୍କର ବ୍ରେନ ବ୍ଲିଡିଙ୍ଗ ହୋଇଥିବା ଜଣାପଡିଛି । 
 

'କିପରି ହୁଏ ବ୍ରେନ ବ୍ଲିଡିଙ୍ଗ ? 
ତେବେ ଏହି ବ୍ରେନ ବ୍ଲିଡିଙ୍ଗ ଖୁବ ଭୟଙ୍କର ରୋଗ ବୋଲି ମେଡିକାଲ ସାଇନ୍ସରେ ପ୍ରମାଣିତ ହୋଇଛି । ଏପରି ସ୍ଥିତିରେ ରୋଗୀର ତୁରନ୍ତ ଚିକିତ୍ସା କରିବାକୁ ପଡେ ନହେଲେ ବ୍ୟକ୍ତିର ମୃତ୍ୟୁ ହେବାର ସମ୍ଭାବନା ଥାଏ । ନଚେତ ରୋଗୀ କୋମାକୁ ଆଶିବାର ସମ୍ଭାବନା ଥାଏ । ବ୍ରେନ ହାମରେଜ ଯୋଗୁଁ ବ୍ରେନର ଟିସୁ ଏବଂ ଖପୁରୀ ମଧ୍ୟରେ ବ୍ଲିଡିଙ୍ଗ ହୋଇଥାଏ କିମ୍ବା ବ୍ରେନ ଟିସୁ ମଧ୍ୟରେ ବ୍ଲିଡିଙ୍ଗ ହୋଇଥାଏ । ଯାହାଦ୍ବାରା ମସ୍କିକ ଏଂ ଖପୁରୀ ମଧ୍ୟରେ ରକ୍ତ ଜମା ହୋଇ ଏହି ରୋଗ ହୋଇଥାଏ ।
ତେବେ ଏହାକୁ ନେଇ ମେଡିକାଲ ବିଶେଷଜ୍ଞ ସୁଧୀର କୁମାର କହିଛନ୍ତି, ଏପରି ହେବାଦ୍ବାରା ମସ୍କିଷ୍କର ମଧ୍ୟ ରେଖା ଉପରେ ପ୍ରଭାବ ପଡିପାରେ । ଯାହାଦ୍ବାରା ମଧ୍ୟରେଖା ବିପରୀତ ଦିଗରେ ଯିବାର ସମ୍ଭାବନା ଥାଏ । ତେବେ ଏଭଳି ସ୍ଥିତିରେ ତୁରନ୍ତ ବ୍ରେନ ସର୍ଜରୀ କରାଇନେବା ଆବଶ୍ୟକ । 
 

କେଉଁମାନଙ୍କୁ ହୁଏ ବ୍ରେନ ବ୍ଲିଡିଙ୍ଗ ?
ଯେଉଁମାନଙ୍କର ଅତ୍ୟଧିକ ବ୍ଲଡପ୍ରେସର ଥାଏ, ସେମାଙ୍କର ଏହି ବ୍ରେନ ବ୍ଲିଡିଙ୍ଗ ହେବାର ସମ୍ଭାବନା ଥାଏ । ଏହା ସହ ବ୍ରେନ ଇନଫେକସନ, ବ୍ରେନ ଟ୍ୟୁମର ମଧ୍ୟ ହେବାର ସମ୍ଭାବନା ଥାଏ ।
 

ବ୍ରେନ ବ୍ଲିଡିଙ୍ଗର ଲକ୍ଷଣ 
ଲଗାତାର ଭାବେ ମୁଣ୍ଡବିନ୍ଧା ଏହି ରୋଗର ଲକ୍ଷଣ ଅଟେ । ମୁଣ୍ଡବିନ୍ଧା ବ୍ୟତୀତ ହାତ, ଗୋଡ, ଶରୀରର କୌଣସି ଅଙ୍ଗ ଯଦି ପାରାଲିସିସ ହୋଇଥାଏ ତେବେ ଏହି ରୋଗ ହେବାର ସମ୍ଭାବନା ଥାଏ । ଏତଦ୍ ବ୍ୟତୀତ ଶରୀରର ଥକ୍କାପଣ, ବାନ୍ତିହେବା , ମୁଣ୍ଡ ବୁଲାଇବା , ନିଦ ଆସିବା ଏବଂ କଥା କହିବାରେ ଅସୁବିଧା ହେବା ଆଦି ବ୍ରେନ ବ୍ଲିଡିଙ୍ଗର ଲକ୍ଷଣ ଅଟେ । 
 

କିପରି ରୋକିବେ ? 
ଏପରି ଭୟାନକ ରୋଗରୁ ରକ୍ଷା ପାଇବା ପାଇଁ ହେଲେ ପ୍ରଥମେ ନିଜର ବ୍ଲଡ ପ୍ରେସର କଣ୍ଟ୍ରୋଲ ରଖିବା ଆବଶ୍ୟକ । ଏଥିସହ ଧୂମ୍ରପାନରୁ ନିଜକୁ ଦୂରେଇ ରଖିବାକୁ ପଡିବ ।